2021japjessup的八卦，Yahoo名人娛樂都在討論

牛魔王集合！🐮🐮🐮 Bookmark左先啦喂！🥩🥩🥩

2020年底開幕嘅超人氣「和牛放題の殿堂 秋葉原 肉屋横丁」點解會咁紅？咁梗係因為性價比超高啦！￥4980 (未計稅)=約港幣三百幾蚊就可以100分鐘任食A5和牛喎！唔怪得日本各網紅與twitter都咁多人講啦！睇下其中一位日本食評嘅介紹先：

店鋪位於秋葉原嘅BiTO AKIBA 三樓，一出電梯右手邊係同一品牌嘅shabu shabu放題店，而今次介紹嘅目標係左手邊嘅和牛放題燒肉店。店面有一個平時賣生肉嘅冷藏展示櫃，齋睇都已流哂口水啦！！！🤤🤤🤤

佢哋有兩款放題選擇，分別係「和牛まみれコース」￥4980 &「肉まみれコース」￥3980，同樣都係100分鐘任點任食，20分鐘前last order，已包括任飲不含酒精飲料 (要任飲埋酒嘅價錢分別為￥6480 &￥5480)。展示櫃內有A&B兩種類嘅肉選擇，如點選嘅course係較貴嘅「和牛まみれコース」就A&B嘅肉都可任點，如點選較平嘅「肉まみれコース」就只可以選擇B類嘅肉喇！咁遠黎到點會慳嗰￥1000？梗係揀「和牛まみれコース」啦！🤩🤩🤩

咁究竟係點樣order食物嘅呢? 當你決定左要邊個course後，店員就會俾塊牌你，你帶埋個牌再揀隻銀色碟(大、中、細size)走過去個展示櫃度，同店員講你要邊一個號碼嘅肉，同埋要幾多塊，註明「限定品」嗰啲呢，每次只可要一塊，食完先可再order，食開日本燒肉嘅朋友都應該知道佢哋分別有「*塩味」(鹽味) & 「*タレ」(醬醃味) 咖啦，咁都要同店員提出你要邊種味道。唔識講？手勢+簡單英文啦！再係咁二記少少日文啦！去左咁多次日本都應該慣哂呢啲溝通方式咖啦！😉😉😉
*塩味=Shi-O
*タレ=Ta-Le

咁跟住呢？就梗係極速開動啦！i-ta-da-ki-masu!!!! 你可以選擇淨食牛牛牛牛牛，仲有少量嘅北海道豚肉外，其實你個course仲包左好多side menu咖：泡菜、沙律、馬刺、湯、冷麵、拉麵、白飯、石頭鍋飯、咖哩飯……；topping選擇都包羅萬有：葱、生雞蛋、韓國紫菜……；仲有甜品：杏仁豆腐、啫喱……🤩🤩🤩

和牛放題の殿堂 秋葉原 肉屋横丁
050-5869-7540
東京都千代田区外神田1-18-19 BiTO AKIBA 3F
営業時間
[mon-fri] 16:00～23:00(L.O.21:30)
[sat, sun, public holiday] 11:30～23:00(L.O.21:30)
全席禁煙，附設吸煙室

https://heijouen.co.jp/
https://j-town.net/

#大家睇完喜歡或覺得有用就俾個like
#唔嫌麻煩仲會幫手share更感激萬分
#大家幫手like下share下係發帖者嘅出post原動力
#有其他日本野化妝野想知 #歡迎留言 #請留言唔好inbox
#日本 #自遊行 #旅行 #東京 #大阪 #北海道 #札榥 #九州 #福岡 #旅遊
#化妝 #化妝師 #JessUp #JessUpHK #2021JapJessup
#放題 #燒肉放題 #和牛 #燒肉 #國產牛

講開日本姓氏，又真係好多好特別嘅，以前喺日本讀書時，最驚就係記同學嘅名，大多數成個名都係四個字啦，但個讀音就絶對唔會好似我哋咁，幾多個字就幾多個音，對於我呢啲冇記性鬼，連記中文名都想死嘅時候，當時要記啲同學名真係慘過死~~所以我當時就自薦做派功課嗰個，逼自己要記哂所有同學嘅名，大概三四個月終於都記哂~~~不過依家就好多都已唔記得哂lu~~但一啲比較特別嘅姓氏，仲係印象深刻嘅，例如：猪鼻 (I-No-Ha-Na) ［全國約1400人］，同埋曾經幫我搞租屋事宜嘅地產經紀：牛丸 (U-Shi-Ma-Ru) ［全國約2800人］

咁日本其實仲有啲咩好罕有嘅姓氏呢？睇睇截至19年十月日本全國罕有姓氏十位啦 ：

［10th］ 漆真下 「うるしまっか」U-Ru-Shi-Ma-Ka ［全國約70人］
通常見於日本東北地方嘅岩手縣
［9th］ 九十「くじゅう,くと,くつ」 Ku-Ju / Ku-To / Ku-Tsu［全國約60人］
通常見於北海道、日本中部地方嘅石川縣及大阪府
［8th］ 結「むすび」 Mu-Su-Bi［全國約50人］
通常見於日本近畿地方嘅兵庫縣、東京都及大阪府
［7th］ 隅田川「すみだがわ」 Su-Mi-Da-Ga-Wa［全國約40人］
通常見於關東地方嘅群馬縣藤岡市
［6th］ 神風「じんぷう,かみかぜ」 Jin-Pu-U / Ka-Mi-Ka-Ze［全國約30人］
通常見於茨城縣、神奈川縣、栃木縣等關東地方，起源意思為「從北方或高地吹來的風」。 傳說為「神之風」。
［5th］ 絵本「えもと」 E-Mo-To［全國約20人］
通常見於神奈川縣、大阪府及和歌山縣
［4th］ 一尺八寸「かまづか,かまつか」 Ka-Ma-Du-Ka / Ka-Ma-Tsu-Ka［全國約20人］
通常見於日本近畿地方嘅兵庫縣。起源於鐮刀柄長達一尺八寸之傳統。
［3rd］ 努力「ぬりき」 Nu-Ri-Ki［全國約10人］
通常見於大阪府。本身「努力」呢個字嘅意思同我哋嘅中文意思都係一樣，而讀音就讀作「どりょく」Do-Ryo-Ku，同用作姓氏時嘅讀音係完全不同咖！
［2nd ］臥龍岡「ながおか」 Na-Ga-O-Ka［全國約10人］
通常見於大阪府及日本中部地方嘅福井縣
［1st］ 左衛門三郎「さえもんさぶろう」 Sa-E-Mon-Sa-Bu-Ro［全國約10人］
通常見於關東地方嘅埼玉縣浦和市。係呀！呢個係一個姓氏，如果佢姓「左衛門三郎」再取名「三郎」，咁佢就會叫做「左衛門三郎三郎」咖喇！！原來呢個姓氏本來都真係人名黎嘅，古代豪門家族將自己嘅名改為自己領土嘅名，而後代子孫就將呢個地名用作自己嘅姓氏。

其實仲有好多都好特別嘅姓氏：「猪口」、「水落」、「小粥」、「不動」、「樹神」、「百鬼」、「兜」、「亀頭」、「鼻毛」、「中出」、「「白紙」、「茄子」、「八角」、「雨夜」、「禿」、「虹」、「降魔」、「夢」、「二十八」、「海老」、「醤油」、「鼻」、「一」、「幸福」、「白髪」、「四十」、「四季」、「夜桜」、「鴨脚」、「父母」、「王子」、「日本」、「温泉」、「観音」、「部屋」、「狼」、「地名」、「酢」、「薬丸」、「針」、「七味」、「入学」、「塩味」、「蜜柑」、「和室」、「先生」、「知識」、「蛇蝮」、「神社」、「九十九」、「時計」、「五月」、「素麺」、「傘」、「扇子」、「桔梗」、「居酒屋」、「海苔」、「蝉」、「地下」、「乳母」、「砂糖」、「八月一日」、「養父」、「記録」、「父母」、「舌」、「蜆」、「蟹」、「猪」、「箱」、「左手」、「右手」、「味噌」、「袋」、「昆布」、「相撲」、「満足」、「太巻」、「歓喜」、「天国」、「四十八願」、「箱」、「豆」、「氷」、「国宝」、「獅子」、「浮気」(但呢個字嘅日文意思係「花心」喎)、「台所」(日文意思係「廚房」)、「回り道」(日文意思係「繞道」)、「飴」(日文意思係「糖果」)、「見学」(日文意思係「參觀」)、「毛穴」(日文意思係「毛孔」)、…

#大家睇完喜歡或覺得有用就俾個like
#唔嫌麻煩仲會幫手share更感激萬分
#大家幫手like下share下係發帖者嘅出post原動力
#有其他日本野化妝野想知 #歡迎留言 #請留言唔好inbox
#日本 #自遊行 #旅行 #東京 #大阪 #北海道 #札榥 #九州 #福岡 #旅遊
#化妝 #化妝師 #JessUp #JessUpHK #2021JapJessup
#日本姓氏

新年快樂🎆🍾️
Happy new year 🎈🎉
明けましておめでとうございます㊗️🎊

每年新年(新年前一個月左右開始，或至新年後，各品牌各不同) 都係日本最大嘅折扣掃貨日子，尤其不同品牌都會推出非常抵買嘅「福袋」。

不論服裝、玩具、餐廳食肆、日用品…都應有盡有，鐘情某啲牌子嘅朋友，一定唔會錯過。某啲較受歡迎嘅品牌，仲會俾日本網民搶購再放上拍賣網以兩三倍甚至更高價錢出售，都一樣有價有市！

有啲就咁去排隊買就得，有啲就要抽獎先買到，雖然依家仲未飛得，不過都睇下部份有乜得意福袋吖，睇左當買左啦！🛍😛☺️

https://rocketnews24.com/?s=2021%E5%B9%B4%E7%A6%8F%E8%A2%8B#gsc.tab=0&gsc.q=2021%E5%B9%B4%E7%A6%8F%E8%A2%8B&gsc.page=1

#大家睇完喜歡或覺得有用就俾個like
#唔嫌麻煩仲會幫手share更感激萬分
#大家幫手like下share下係發帖者嘅出post原動力
#有其他日本野化妝野想知 #歡迎留言 #請留言唔好inbox
#日本 #自遊行 #旅行 #東京 #大阪 #北海道 #札榥 #九州 #福岡 #旅遊
#化妝 #化妝師 #JessUp #JessUpHK #2021JapJessup
#2021 #福袋 #新年