我好想分享下自己學貨VAN既經歷
話說我本身已經有電單車牌，但考完發覺係香港揸電單車好危險，所以最後都去學返四個輪。
我係果D做野唔急得 要慢慢黎既人 所以搵個有耐性既師傅教好緊要
好啦 咁我十一月中考 七月已經開始搵師傅 咁我搵左幾個，點知全部都撞期！唔係忙到咁呀？
拖拖下去到8月 再唔搵我真係驚無師傅教到
最後係緊急關頭有個朋友介紹左A師傅俾我
第一堂A師傅約左我去9龍塘 見到真人 目測四十幾歲
一上車大慨講左幾下D制有乜用 架車點開都無講就叫我開車
我(心聲)：師傅，咁玩呀 ，好彩我學過電單車 都知大慨原理係點
好拿 我就跟足佢指示開車 當然順利開到車
但開到車有鬼用 我連轉彎停車都未試過
去到第一個彎佢已經好燥
A師傳：扭呀 扭多D 你隻手捉咁緊做乜春？
我（心聲）：喂 我淨係中學揸過頭文字D渣⋯⋯
之後我就不斷聽到
個太盤左搖右擺？ 想點呀
靠左呀 左呀 左多D 唔識分左右呀？
撞啦 你睇 隻手揸住有乜用？仲唔回軚？
而家就撞 你想點先？你話？ 你停係度做乜？後面好多車等緊你見唔見到
我其實根本未係好知架車點揸 淨係一味聽佢指令 自己都唔知想點
有陣時未LOAD到佢指令 又話呢兩秒你可能死左
停車 停太早 又話我咁早停做乜？ 太遲問我係咪想撞爆人架車？
有時見到前面有車 我緊張之下踩大力左個油門，又黎料！
呀sir:你咁大力做乜？
我未叫你停你就自己停車，後面D車咪會撞到你囉
我只能灰心地回應
我：我唔係咁熟悉車既停法
終於都上完一個半鐘
我好積極同自己講
可能第二堂我會揸好D呢
到第二堂前一日
原本我以為得年青人先咁無交帶 點知個SIR可以約左我果日 我前一日打俾佢
我：呀SIR 想確定下明天學車時間
呀SIR：聽日無時間
我 （心聲）：你唔係咁撚樣呀？
我：咁幾時有？
呀SIR：轉頭話你知
呢個轉頭我等左兩日 足足兩日
算 終於到第二堂黎料 去左葵盛
罵法同上次差唔多 多左狂吹我開快D
呀SIR：多D啦，踩多D
前面架車走埋TIM啦
係咪唔明乜叫踩多D？
鬧鬧下佢帶左我去泊車
係前面有個學車練習泊車既時候
又係好簡單咁講左句
SIR：而家試下拍車 係前面停
我（心聲）： 我都未試過又叫我馬上黎？ 算啦 都係聽你咁講 聽下指令先
佢一黎就叫我扭盡 我唔係好明點扭盡 佢又黎料
呀SIR：係咪我廣東話唔好？定無你讀書差？點解我比指示你 你可以錯哂？
呀SIR：你住果度D水係咪有問題 飲到你咁？
我（心聲）：我忍唔住 我想屌柒佢 我連做乜都未知 你就一野叫我試 我點識呀
但我忍住 講左句
我：SORRY
就係咁 好痛苦完成第二堂
學完呢二堂感受
就係好驚果日要去學車 學完個人好似無哂自信 係咁問自己係咪真係適合揸車 更加唔想第三堂來臨
可能好多人會話 好快上手 個個都係咁學 屌下就識
但我想講 呢個教法完全唔適合我 反而仲搞到我個人越來越心急 越黎越亂 根本都未諗清楚點解要咁
淨係一味聽佢指令 但無計 已經搵左呢個19師傅
想同大家講句
想學車真係要搵個岩自己既師傅
