名廚 Chef Lé Mon 今年真係搞作多多，除咗重操故業做番歌手，亦繼續拍飲食真人騷，不過今次就唔係 "Twelve Fung May"，而係有個新節目叫【名廚爭鋒】，逢星期日都會喺 FOX Life 台度播。
「毛巾雞蛋仔」、「鐵粉威靈頓（加鈣）」、「爆漿朱古力」…… 一碟又一碟嘅拿手小菜，食到客人津津有味，但 Chef Lé Mon 要嘅，根本唔係呢啲。想當年喺法國學廚，嘗盡失敗，但 Chef Lé Mon 知道，哭是沒有用的，除咗食客，佢更加渴望被行內名廚認同。
「沒有嘗試過的人生，我都想嘗試一下。」 這句話多麼豪邁，在場的人都震驚了！Chef Lé Mon 決定今次喺節目請嚟加拿大星級名廚 David Rocco 挑機，一連五集比試廚藝，暫時播咗 3 集，比數係 2 比 1，相信 Chef 已經勝券在握。
節目暫時反應唔錯，如果今次贏咗，相信 Chef Lé Mon 要繼續長征之旅，尋找下一個對手。如果節目開 Season 2，大家想佢挑機邊個廚師？
．鼎爺
（優點：廚藝紮實，擁有五十幾年經驗。）
．Gordon Ramsey
（最想睇呢個。）
．肥媽
（菜式以「平 D」同「最實惠」嘅食材為主，同 Chef Lé Mon 嘅華麗風格相映成趣。）
．May 姐
（「哈哈哈哈哈… 哈哈哈…… 哈哈哈哈哈哈哈哈哈……」May姐大笑威力不容忽視，相信會極其影響 Chef Lé Mon 的集中力，當中 May 姐擁有無限量雞汁供應，可能對 Chef Lé Mon 構成食材壓力。）
．龍心
（ Chef Lé Mon 的失散兄弟，除了比試廚藝，亦可來一場兄弟相認。）
鼎爺 在 阿爺廚房｜第四輯登場鼎爺教煮失傳名菜｜家常菜｜譚玉瑛 的八卦
鼎爺 除咗會下廚煮失傳名菜之外，更會同阿譚譚玉瑛遠赴南海、順德、澳門 ... 不過講到最期待嘅緊係鼎爺嘅廚藝啦，由簡單家常菜到傳統名菜樣樣都有， ... ... <看更多>