黎明九十年代嘅廣告，相信大家實睇過，非常深入民心。相隔咁多年，明仔終於再接新廣告，加上呢期佢仲要人氣爆燈，呢條片洗版就一定架啦。
聽講，明仔唔係乜嘢廣告都接，仲要接之前要親自試咗先；老老實實，一個稱職、受廣告商歡迎嘅代言人，唔係因為你人氣有幾高，亦都唔係貪你有幾十份廣告約夠noise夠搶手，而係作為代言人，究竟可唔可以用說服力同埋對產品嘅認識，去令到大眾試廣告商嘅產品。講真，收左廣告費然後唔理三七廿一用把口講個產品有幾好，係人都識啦。但真係試咗隻產品，先決定收錢接廣告，然後推介比大眾嘅 artist，有幾多個？
今時今日明仔接得嘅廣告，的確令人想試；大家睇條片，明仔爆果句新金句就知：「咖啡係無灰色地帶。」好飲就係好飲，講咩L-I-K-E？
#我愛黎明 #演唱會無唱情深說話未曾講 #原來係留番今次唱 #咖啡係無灰色地帶 #黎明都無灰色地帶 #黎明同黎暗呀嘛 #唔會有黎灰 #明福俠
毛記電視
