《香港人嘅loyalty 好低》
記得有一年楊千嬅拎叱吒女金個時，講過香港人嘅loyalty 好低。當時我唔明白佢所指嘅loyalty 係咩， 而家我明...香港人好奇怪， 鐘意個刻無啦啦好鐘意， 唔鐘意個刻可以一剎那拎返哂所有以前嘅鐘意， 我哋嘅喜愛短過蕓花一現。
當初大家好同情坤哥做粒棋， 於是佢拎咗獎，佢喊到chi 咗sin， 大家覺得佢好真性情...
佢紅咗之後， 大家又覺得佢出現得太多， 吹捧佢嘅人太多， 溝嘅女太多， 出Po太多， 偽毒太深， 口氣太大，個人變哂。其實我覺得坤哥變嘅唔多，或者無大家想像咁多， 只係往日佢唔紅，我哋觀眾睇到佢嘅機會唔多，見到嘅就係事實嘅部份，而非事實嘅全部。到我哋知道一個人嘅事實之全部，我哋就容不得佢任何缺點， 佢嘅缺點會抵銷哂所有值得喜愛嘅點。
以前大家都曾經無啦啦好鐘意某啲人，後來又無啦啦突然收哂所有嘅喜愛，就好似贏咗波拋高個球員，但無人接住佢，任佢跌落地咁。以前有一期無啦啦被人吹捧嘅黃翠如，黎耀祥同鄭俊弘都係咁。
大家好矛盾，好似好想睇到俾人遺忘嘅藝人 捱出頭，同情佢捱咗咁多年， 但一旦佢捱出頭， 你又好希望佢紅得來，唔好太紅...
容祖兒曾經講過「啲 人話戲子無情，其實觀眾更加無情」...
我好同意佢嘅講法，「無人完美」，藝人如是，好多時大家對一個藝人嘅憎恨，只係因為你睇厭咗佢，覺得佢出現得太頻繁。於是由鐘意，忽然變成唔鐘意，你睇膩咗姐，你唔鐘意睇佢姐，唔使憎恨佢掛...
我仲好記得，以前睇叱吒，要等tbb 剪輯， 崔建邦會無啦啦出來講兩句， cut走DJ 講野， 而家viu tv 有得直播。以前你想重溫， 你要俾錢903 做member， 而家903個網有得足本睇， 仲俾埋button 你share。903呢個平台已經由大家爭住去聽， 變為求你去聽， 你就知903 同香港歌曲吸引力跌到有幾低。
可能903 都好憎恨坤哥， 明知佢唔受喜愛，又俾個最喜愛嘅獎佢，所有Part 都重溫到， 就係坤哥個part not found。睇返重溫， 我覺得903 真係咁多年都無進步過， 佢個種「偏心偏到出面」式頒獎法，再加「夾硬感動歌手觀眾」tone，配上個個差到無可再差嘅收音，由收費做到免費都愈來愈少人聽， 下年要好似tbb 拎架車出來抽先吸引到人睇架啦。
黃 viu 收費 在 黃viu收費-在PTT/MOBILE01上汽車保養配件評價分析 的八卦
2022黃viu收費討論推薦，在PTT/MOBILE01汽車相關資訊，找耀眼netflix,黃viu網頁版,viu tv電視劇在YouTube影片與社群(Facebook/IG)熱門討論內容就來最清楚的汽車情報 ... ... <看更多>