曾經有人話過，依家成功嘅企業其實都有一條方程式：facebook不需要自己去製造任何內容，自然會有廣告收入；Uber不需要擁有自己的車隊，自然會有車資收入；而黎到香港，呢條方程式簡直發揚光大—某食物銀行不需要自己購買任何食物，但自然會有好多幼女貢獻自身俾主席，即係龍生「影相」。
之前我鬧過嘅嘢，我唔再講。但我見到好多變態龍生嘅朋友（簡稱變態龍友），唔知係咩原因，紛紛出黎以各種理由去為龍生辯護。當中最常見嘅係「呢啲嘢應該要留返俾個官去判」。
咁好啦，我地唔講法律，我淨係講code of conduct，佢都係完全唔合格。每一間有返少少規模的公司／機構，都會有接觸兒童的指引。大家可以參考本文註1 Make a Wish機構，只要受助者係兒童，由各種身體接觸以至拍照及錄影(第三章第四節)，都有嚴格的規定；宣明會的指引（註2）第二章第二節亦都講得好清楚咩係「不能接受的行為」。龍先生所做嘅嘢，違唔違法我地要等個官判，但好明顯係違反全世界所有的兒童保護指引，這是不道德的，已經足夠成為被予以強烈譴責的理由，絕對唔係呀職工盟幹事杜生講句「如果熟到好似父女咁，呢啲都係好平常姐」。
在此，我強烈要求作為經常面對各年齡市民的職工盟解釋，貴機構是否認同「如果熟到好似父女咁」，員工就能公主抱受助人，又或是到床上拍照？另外，貴機構有否兒童接觸指引以及相關的通報機制？如無，貴機構打算如何培訓部份道德水平及觀念比帳目更混亂的幹事，以免其誤入歧途，做出人神共憤之事？貴機構如何保證每一個員工明白自己的工作是保障工人及弱勢人士權益，而非主動請纓成為少數族裔兒童的手天使／棍天使？
呢一啲朋黨為先，是非不分的社運人士，每當被人質疑，只能含糊其辭，貼篇文章說什麼兒童性自主、「社會需要多些不同聲音」。
好笑，有咩不同聲音？家陣係講緊中學生應否談戀愛呀？依家係講緊你個隊友好兄弟應否利用幫助南亞人士公職之名去狎玩南亞女童呀！全世界一面倒話接受唔到呀！你聽唔聽到人地嘅聲音呀？你到底係盲定係撞聾還是自閉，到底你能唔能夠理解到社會上已經有壓倒性嘅聲音同你講：我接受唔到呀！係咪依家要遞枝咪俾你個friend龍先生，叫佢大大聲聲對住全港八百萬市民呻吟「叔叔不行了」好唔好？咁你先覺得聽到聲音呀？
#你我突然靜了
好老實講，我都以為我無乜道德可言架啦，點知真係有人比我低處未算低。咩叫做「反轉個性別黎做思想實驗」？即係如果一個幾十歲嘅女人同受助男童受助人上床影相，要個男童面對面坐大睥，係咪代表社會接受到？結果外國咪有女老師因為同學生上床所以俾人拉左囉！社會話俾你知：唔得呀，接受唔到呀，你聽唔聽到呀？係咪要開個網台節目俾你，叫做「狎童好聲音」俾你地班龍友盡訴心中情呀？
好好笑架，人地宜家杯雪糕「食豆腐」，貴黨就連署狙擊，告到上去平機會，你地同路人龍生周街派豆漿，你就左一句「平常」、右一句「社會需要多些不同的聲音」，家陣係咪南亞女童就唔係女性？邀請人食自己豆腐就好侮辱女性，但金魚佬影細路女私處，你班名門正派岳不群就睇唔到，說好的譴責呢？
#最敵女性嘅環境咪就係龍生個辦公室囉
#炮房咁款
#誰料你為了他可這樣不雅
#如果這就是民主鬥士
#這種水平人的爭取回來的民主質素會如何
#我有預感就算俾佢執到神燈許願
#佢都有本事許到你天下大亂
#與其引入外國醫生
#不如考慮一下引入外國社運人士
#為市場帶來良性競爭
#其實與其爭取兒童性自主
#我覺得首先爭取兒童投票權
#睇下你班人渣仲有冇得咁涼薄
#仲有邊個企出黎幫變態佬護航
#麻煩舉一舉手俾大家望一眼
#無乜嘢就唔好交個女俾你照顧
https://www.make-a-wish.org.uk/…/MAWUK%20Safeguarding%20%26…
https://www.worldvision.org.uk/…/polici…/child-safeguarding/
麻煩舉一舉手俾大家望一眼 在 一舉手肩膀就卡卡？認識容易被忽略的「肩夾擠症候群」 的八卦
肌肉流失想利用簡單15-20分鐘改善上肌少症課程:https://www.9vs1.com/go/?i=xkcc8t8xppbx 會有肩夾擠症候群的人通常都是有在運動的人有些人是急性拉傷 ... ... <看更多>