❲真。住家菜 碗仔翅篇〕
湯水喺廣東飲食文化之中佔咗好重要嘅位置
相信每位媽媽每日都會花好多心思
煲個靚湯比屋企嘅大小摯愛飲
日日買幾十蚊西施骨, 豬展煲湯
棄之可惜
其實物盡其用
用黎做碗仔翅不知幾正👍😋
只要煲完湯拎起D湯骨/肉
撕成一絲絲 放雪櫃
第二日中午就可以準備簡單又好味嘅碗仔翅啦!
材料準備:
肉絲 或 雞絲/ 木耳/ 冬菇(鮮或乾都可以)/ 粉絲/ 薑
調味:
蠔油 / 生抽/ 鹽麴/ 糖/ 料理酒/ 白胡椒粉/ 純芝麻油/ 荔枝醋汁
步驟：
🌟木耳/冬菇浸軟切絲備用
(用新鮮冬菇或乾冬菇都可以
如用乾冬菇的話洗淨除蒂軟切絲
冬菇水保留)
🌟粉絲浸軟剪2-3刀 記得唔好剪太碎
🌟油熱起鑊先落薑絲 爆香冬菇
🌟加水(如有可加冬菇水) 待水滾後可加調味
先加鹽麴兩湯匙
再加蠔油3-4湯匙
生抽 2湯匙
料理酒1湯匙
糖少許
胡椒粉少許
加肉絲, 木耳絲 中火煲5分鐘
後加粉絲煮多兩分鐘就ok啦^^
最後加2湯匙馬蹄粉 (或隨個人口味)
調教至理想嘅稠杰度
(用生粉/ 粟粉都得
但用馬蹄粉個湯嘅色澤可以keep住透明感)
🌟🌟重點🌟🌟:
食之前記得記得加荔枝醋汁 同純芝麻油, 仲有白胡椒粉
我醋底 鍾意加好多好多醋
喺街買碗仔翅果時叫都唔係太好意思叫阿姐多醋
又落得唔夠盡情 同埋D醋唔夠香...
自家製當然首選呢枝✨荔枝醋汁✨
唔會淡口稀流流 夠哂醋香
話說好幾次出街食飯都見到檯面有呢枝醋汁
試完已經心思思想買返屋企
早排唸起想整碗仔翅就即刻去買
再加埋濃郁嘅芝麻油真係十個讚呀!👍👍👍💗
自家製就係可以超足料
啖啖都咁有料 口感十足呀！！
素食版可以以素蠔油取代
素蠔油會比較淡少少 可以隨個人口味加減份量
素食版碗仔翅我會用呢隻素肉絲 口感有9成相似
自家碗仔翅真係好易整 又好味又可以重溫兒時嘅風味
下次加埋魚肉做兩溝應該會更正!
今晚煲完湯聽日就試下整哎^^
詳細Blog Link :
skyesychan.blogspot.hk/2016/04/blog-post.html?m=1
