【是否很驚訝講不出說話】
好幾位網友驚訝說原來好多國際學校係教簡體字??
老老實實，早在我中學時（即係廿年前，未回歸），早已知國際學校中文科教簡體字。近年聽好多人為此事驚訝，我反而驚訝大家原來唔知。
「國際學校」，原意係俾外國人、唔識中文的華僑讀，佢地母語大多係英文，因此多數選修一樣近似的語言（如法文西班牙文）。會學中文的，識講識讀小小已算係咁（你諗下，鬼仔喎），要寫的話學簡體當然易好多。
再加上國際學校以前華人學生好多係馬來西亞、新加坡人，佢地原本國家係用簡體，大多跟住expat父母因工作轉來香港居住讀書。雖說入鄉隨俗，但人家不是讀你local school，要轉channel學繁體有點強人所難。
所以，國際學校學簡體我可理解原因。未必全是政治理由或大家以為的咩咩討好中共，皆因早在廿幾年前港英政府時期已係咁。
(是否有點亂我究竟支持哪一邊)
但！！
近年入國際學校的，多左好多好多土生土長香港家庭 (亦多左好多國際學校)，入讀原因大部分係寧願俾錢讀書去避開愈來愈衰的香港教育制度 ........
所以，當大家知道現時好多土生土長的香港家庭小朋友喺國際學校原來係學簡體，就表示好驚訝。因為，佢地明明唔係外國人........
其實返番去原點，我地要驚訝的唔係國際學校原來教簡體 (因一直都係，只係你唔知咁解)，而係應該驚訝個教育制度 / 政府出左咩問題，會搞到以前真係「外國人」先讀的國際學校現在大量湧現本地學生個wait-list長到你唔信呢?
嗯，個問題係難搞到，甚至，教育局長或高官自己的子女都選國際學校囉 (攤手)
**以前的年代，高官仔女大多讀地區名津再去英國升學**
