【食好D食平D🥘食譜#23】
今晚睇完食平D有冇肚餓呢? 😋😋 快啲讚likes同埋開心share👍🏻👍🏻👍🏻肥媽食譜😋😋
#食好D食平D 肥媽 Maria cordero
<西班牙炒飯>材料:
珍珠米 200克, 西班牙辣肉腸 200克
蝦 6隻, 青口 6隻, 魷魚 (切圈) 1隻, 番紅花 適量, 洋蔥(切粒) 1/2個, 青橄欖 10粒, 茄膏 2湯匙, 雞湯 250毫升, 紅蔥頭(切片) 4粒, 蒜(切片) 6瓣, 牛油 20克
做法：
1. 電炒鍋或鑊下油，加入一半份量乾蔥、蒜爆香，再加入雞湯、已洗珍珠米及少許番紅花不停翻炒，炒至米吸收湯汁，最後加入牛油炒匀。
2 .同步取另一鑊，下油爆香乾蔥、蒜，放入西班牙辣肉腸及茄膏爆香，再加入蝦及青口炒至7成熟，放入魷魚、洋蔥粒及青橄欖炒匀，加入少許雞湯，以適量鹽調味，炒熟後先盛起海鮮，剩湯汁留用。
3. 將(2)湯汁倒入(1)內，炒至米完全吸收湯汁。
4. 將(3)倒在上菜大鑊內，按個人喜好燒至飯微焦，再將(2)海鮮鋪面，放上香草、淋上橄欖油即成。
<馬介休球鴛鴦薯絲>材料:
馬介休 200克, 薯仔 4個, 煙肉 3片, 蒜頭 3瓣, 紅尖椒 1/4隻
做法：
1.馬介休洗掉表面鹽，浸水1-2天，其間換水2次，用前汆熟，用叉壓成絲。
2.薯仔刨成絲，用凍水浸泡去掉澱粉質，盛起吸乾備用。
3.煙肉下鑊煎香至乾身備用。
4.將一半(2)放入變頻鍋或油鍋炸至金黃香脆，盛起瀝油。
5.另起油鑊，先下蒜片爆香，加入（1）爆炒，再加入其餘(2)及紅尖椒絲翻炒，下適量鹽調味，倒入（4）炒勻，上碟後放上（3）即成。
<鴛鴦蒜子雞湯>材料:
雞 1隻, 蒜頭 2-3個, 雞湯 500毫升, 小棠菜 8-12棵, 水 適量
做法：
1.先起油鑊，放入一半份量原粒蒜炸香。
2. 將其餘蒜粒、雞、（1）、雞湯及水放入鮑參翅肚煲，接25分鐘；或放湯鍋內，以大火煮沸後轉中小火煲約1.5小時。
3. 煮沸後，加入小棠菜煮熟即成。
<番茄薯仔燴馬介休>材料:
馬介休 600克, 番茄 (切角) 3個, 薯仔 3-4個, 茄膏 2湯匙, 紅蔥頭(切片) 3-4粒, 洋蔥 (切絲) 1個, 青橄欖 15粒, 雞湯 200毫升, 水 200毫升
做法：
1.馬介休洗掉表面鹽，浸水1-2天，其間換水2次，用前刮淨魚鱗，洗淨後吸乾 備用。
2. 薯仔切片，用凍水泡浸，瀝乾備用。
3. 將 (1) 下油鑊以大火煎香，煎至兩面金黃香脆，加入乾葱粒、洋蔥絲爆香，再加入番茄、茄膏、青橄欖翻炒，倒入適量的雞湯及水，蓋好蓋以中大火燴約15分鐘至20分鐘。
4. 同步另起油鑊，下適量鹽，加入（2）煎至表皮金黃半熟，放入(3)內同燴熟即成。
馬介休炸薯球 在 馬介休- 求真百科 的八卦
馬介休 ，（來自葡語：Bacalhau），是鱈魚經鹽醃製而成。 ... 西洋焗馬介休、; 薯絲炒馬介休、; 炸馬介休球、; 白烚馬介休、; 馬介休炒飯等。 為天主教徒而言，馬介休 ... ... <看更多>