【超強自助餐😋 #期間限定KitKat甜品😍】
困住咗隻囡喺屋企幾個月，媽媽我真係覺得妳好叻❤️ 見疫情無咁得人驚，我都帶咗言妹妹出街見朋友。原來依家食自助餐就算離位去拎食物都 #必須帶返口罩，酒店 set 好餐桌間1.5米安全距離，#餐具盤都用保鮮紙包裹。
#我認我都幾嘴刁🤫 如果唔好食嘅自助餐，不如用同樣嘅錢去食 A la Carte~ 咁點解呢個 buffet 值得寫呢？
🔸冷盤海鮮大量供應，有高質松葉蟹腳、龍蝦鉗，生蠔新鮮又夠 meaty 🦪
🔸刺身好多款！有言爸爸唯一會食嘅魚生 #油甘魚，唔係間間酒店 buffet 都有架
🔸推介熱食： #芝士龍蝦 #鴨肝多士 #澳洲M5和牛後腰脊 #明太子醬燒帆立貝 看食材就知道檔次吧～ 必食推介都很高質！
🔸 有咩啱小朋友食？ 言妹妹果然係 #正宗港女，掃左幾 round #迷你雞蛋仔 同 #蛋撻仔。另外亦有麵檔，可以自選配料揀返啱小朋友嘅食物。
不過講到整個 buffet 最特別之處，一定係多款由 #Kitkat 化身嘅甜點😏 我本身唔算係 Kit Kat 迷，因為覺得偏甜，但當 Kit Kat 配合其他食材成為甜點，口質同味道層次大增，令食材有互相輝映嘅效果💃🏼
🍫 #紅寶石草莓慕絲蛋糕
第一次食 Ruby Chocolate (紅寶石朱古力)，係近年新品種嘅朱古力 — 沒有添加食用色素，卻有令人難以抗拒嘅粉紅賣相💗 味道沒有傳統可可嘅苦澀味，反而帶有清新莓果味，難怪成了甜品界新寵！A mouthful size 包含四層滋味：Ruby Chocolate 外殼、士多啤梨慕絲、士多啤梨白朱古力脆片、新鮮果肉。平時在 buffet 很少 encore，但我把兩件吃光光🤤
🍫 #芒果朱古力千層酥
將 Kit Kat 內嘅餅碎混和朱古力同脆片，成為獨特嘅朱古力酥片，配以 Mango Mousse 同香芒片，似曾相識卻有一份新鮮感！
🍫 #巴西莓朱古力慕絲蛋糕
一件成功嘅 Chocolate Mousse cake 朱古力味一定要夠濃，但吃畢卻沒有苦澀的 after-taste，因為中間夾帶一層藍莓巴西莓mousse！明明好飽，但另一個胃即時開啟食哂成件👻
至於價錢，我真係好少見花月庭做呢個價😱 而且 #5歲以下仲免費添！想知有幾抵，留言我再pm話你知🤫
Royal Plaza Hotel 花月庭
瀛「脆」樂滿 Fun 自助晚餐
地址：九龍太子道西一九三號帝京酒店二樓(MOKO商場側)
訂座：https://bit.ly/LS-Openrice
供應日期：即日至 7 月 31 日
#自助餐情報 #自助餐 #生蠔 #和牛 #Kitkat #帝京酒店 #花月庭
餐具盤都用保鮮紙包裹 在 筷子都吃下去！可食用包裝、餐具這麼環保為什麼至今無法普及？ 的相關結果
它擁有兩層膜，在食用的時候，只要撕掉外層，就可以直接放進口中。如果不願意吃掉它，用完就丟也行，因為Ooho的內外層都是不需要特殊條件的生物可分解， ... ... <看更多>