【識揀一定揀個情人節同你食譚仔茶記既女朋友】
前幾日係一年一度既懲人...呀唔係情人節，無論你有冇女朋友都應該好頭痛，冇女朋友就諗緊13號呢48個鐘應該點過好，有女朋友就要苦惱夜晚去邊度食飯。
其實你預左今日啲餐廳係大pk，趁呢個時候出情人節set劏到你一頸血！食完今日...黎緊十幾日都要捱麵包，好彩今個月得28號，你都總算捱少幾日。但假如女朋友主動提出食譚仔、茶記，係咪幫到你唔少呢？係咪好滾動呢？係咪想即刻娶佢呢？
譚仔又平又好食，加上食完唔熱氣、夠飽肚，叫一款餸既米線都只係廿幾蚊，仲平過麥記！你諗返起之前啲EX喺情人節都會話想食日本野或者西餐，淨係book檯已經係一場爭霸戰，就好似你喺大學狂撳F5搶reg靚timetable咁。「788加一、999加一、1688加一...」呢啲價錢完全唔係人食架！不過為免女朋友嬲，都要喺明知比人當做水魚既情況下乖乖地落訂。
不過講真，食唔係問題，問題係唔單止情人節，係次次都會要你比錢！係鑊鑊奉！旨！要你請佢食飯。其實明明佢自己郁有能力比到吖，做咩要你比呢？一餐日本野/西餐計兩個人，出到黎張單要成四五舊水。喂佢估你出黎做野好容易架？每個月仲要預備一筆錢去送野比佢，搞到你一見到啲卡數就想跳樓！每個月都係咁點還呀？佢又唔幫手還！
不過件事已經過去左，你要記住你由以前到依家得一個女朋友啫，就係隔離大啖大啖陪你去茶記食火腩飯嗰個。食完張單都係60幾蚊左右，佢仲要爭住比返自己嗰份，出糧嗰陣偶爾請埋你食飯。人生有女若此死得眼閉啦，千祈唔好望返轉頭呀，走左就算喇。
食日本野 在 【HEA住去食】觀塘抵食日本料理| $12珍寶赤蝦刺身$15時令 ... 的八卦
【HEA住去食】觀塘抵 食日本 料理| $12珍寶赤蝦刺身$15時令生蠔$28特長燒鰻魚壽司| 原板海膽原條魚刺身廚師發辦時令刺身燒白鱔鹽燒牛舌| 一本食堂| ... ... <看更多>