講過好多次，阿媽嘅創作力量同幻想，會嚇你一跳......
上次母親節飲茶，佢見人哋個牌有糭賣，我已經心知不妙。
「係喎，下個月端午節，等我整啲糭畀你拎返公司派先。」
嘩！整呀？先唔計以前粉到一個點嘅蘿白糕，老婆餅外形嘅月餅，同埋平時嘅後現代藝術fusion菜 ，淨係講上年佢整嗰批糭，拎完畀同事之後我覺得人際關係差咗，班人好似覺得我跣佢哋咁，舊記憶講不出有多重，我唔想搞大件事呀！
雖然話甜的吃，苦的也吃，始終都係阿媽嘅一番心意，但為咗自己個胃同埋前途，點都要婉轉啲去表達。
「阿媽，今年我哋買啦，唔好咁辛苦喇，因為拎住啲糭返公司唔方便，反而畀張糭劵人哋仲好，放工放假走去換都得吖嘛。」
「買同整咪一樣，做咩要嘥錢？」(聽得出佢對食物創作仍然有一份堅持。)
「唔一樣，你睇下呢隻金華兩頭烏瑤柱裹蒸糭，兩頭烏係名豬，後腿肥美，肉間脂肪含量高，所以啲火腿特別好食，加上用原粒日本宗谷瑤柱，唔易散開，絕對值得一試。」
唔係嫌棄阿媽啲心思，只係端午節就到喇，想整得好又點可以咁趕呢？雖然我唔算乖仔，不過都唔想阿媽咁辛苦，我應該請佢食好嘢，而唔係點佢做嘢，點人做嘢嗰啲叫老細。
「咁複雜呀？好啦，呢隻就買，傳統嗰啲我整啦。」
「嘩嘩嘩！唔好！辛苦呀，反正呢度仲有好多唔同嘅糭，鍾意咩口味都滿足到你，買糭最緊要睇隻糭好唔好食啫。」
阿媽最後都肯接受我嘅好意，因為呢度係鴻星集團 Super Star Group，佢食得開心，對間酒樓有信心，咁就自然買得放心啦！
你都一齊嚟揀糭啦~
https://bit.ly/2JZoDZ9
#糭是鴻星好
#唔使FreeStyle
#靚糭唔易做
