臨瞓前（因為食咗藥）嘅Post通常最誠實。
香港人口口聲聲話自論自由係最可貴，但係我想講自由意志思考嘅自由先最重要，因為除咗自己，無人可以阻我地思考，諗咗唔出聲犯法呀？而且諗埋收埋，你知幾時用咩？
每日每晚，我出咁多個Posts，並唔係要發表什麼自己嘅言論，希望大家認同擦取存在感。唔該留意下，我最鐘意用嘅係「分享」同「討論」呢兩個字。
原因係眼見近期，太多香港人雖然的確醒覺咗，亦對國際大事留意多咗。可惜嘅係同時間唔覺意，無形中比咗好多框框限制自己嘅思考空間，某程度上等如反鎖自己嘅自由意志。
係咪好似好深呢？唔係㗎，大家覺唔覺唔少人都比顏色立場身份限制自己，好似有啲嘢唔諗得咁？更多嘅係「邊個邊個都係咁講」，然後自己嘅思考就停㗎喇，因為彷彿「邊個邊個」已經幫大家分析思考咗一樣，自己個獨立批判，自由思考意志去咗邊？
世界大事唔係太空科學，宇宙奧秘，而世上無幾多個霍金，愛因斯坦，佢地嘅理論尚且都會被挑戰（啱定錯都好都係人類思考進步嘅表現）。
我無意挑戰任何神級、高級、低級同劣級國際評論KOL（阻人揾食同自High猶如殺人父母）。坦白講我自己都有睇有聽，個但係我會聽完自己分析，唔會因為佢已經幫我分析咗就唔再諗，有時諗完會同意，亦有唔同意甚至講「搞L錯呀」嘅時候。就正如我出post講一件國際新聞，必定會Cross Read另外一兩件傳媒報導一樣（所以有時大家見到我嘅Post講一單嘢有幾個傳送門）。就係想大家明白唔好話KOL，外國大傳媒都一樣有唔同嘅視角立場，信晒一個就係所講嘅嗰啲框框。
所以誠心希望大家唔好再用「邊個那個都話」，試下將自己框住嘅自由思考同批評意志解放多啲。因為香港人的確無時間再可以再浪費。
#廢話講完瞓覺
#我一生都不會做KOL
霍金愛因斯坦 在 與時空行者徜徉天際— 愛因斯坦與霍金的宇宙 - 科技大觀園 的相關結果
這個巧合開創了近代物理學的傳奇，也串聯著兩個充滿智慧的生命—愛因斯坦(Albert Einstein)與霍金(Stephen Hawking)。這兩位科學巨擘都享年76歲，愛因斯坦生於1879年3 ... ... <看更多>