《寧願相信人哋會教壞你個仔，都唔信你有能力教好自己個仔》
呀媽有班c9 朋友，廿幾年前，其中一個c9同個細路報左間幼稚園。間幼稚園請左個男老師，男老師因為健康問題，佢嘅眼皮會不受控制地貶。本來相安無事，過左排，班入面有個家長發現佢個仔喺屋企不停學個男老師貶眼，於是個家長向學校投訴，話男老師影響到佢個仔，學壞哂。最後男老師被學校辭退。而家諗返，點解個家長咁仆街，去投訴個老師影響學生，而唔係教個細路，世界有好多人有唔同嘅病痛，唔可以歧視人，學人眨眼笑個老師。
我覺得...有啲家長成日話人「教壞細路」
● 多年前，啲人話梅艷芳紋身，令青年人有樣學樣啦，「成個黑社會咁」
● 之後，就話sammi 染金毛教壞哂，「成個飛女咁」
● 然後，又話蠟筆小新露J露Pat pat，「猥瑣到死」
● 仲有，西遊記張衛健講個句：「Yo, 使咩驚呀?」，當年都有家長投訴啲細路有樣學樣，好粗俗
● 皆大歡喜趙學而，成日講「係咁(隔兩秒)架啦」。又有家長投訴趙學而講野衰
※※※
個仔壞，一定係「人哋」教壞嘅；個仔好，一定係「我基因好，家教好」。點解啲家長寧願相信人哋教壞你個仔，都唔信你有能力教好自己個仔？點解家長對自己個仔咁無信心呢？覺得佢咁易受到外人影響？
個仔你生嘅，佢壞，最大嘅責任喺你度，唔喺「人哋」度...
個仔衰，我諗最大嘅原因有兩個，一，你本身基因不良。二，你教導無方。世界充斥著不良資訊，「人哋」令你個仔變壞嘅誘因其實極微。你唔好借啲易將你嘅責任推喺「人哋」身上。
※※※
恐懼烏本書俾家長投訴內容血腥，部份書局將書下架。係咪呢樣禁個樣禁，個細路喺無菌環境長大，就一定唔會變壞？
細個呀媽帶我買餸，我見到賣魚勝暴力扑死條魚，鯪魚呀姐將條魚碎屍，田雞佬監生扯田雞層皮出來，雞檔呀叔吹隻雞law 友，割喉放血，再拎隻雞入攪攪機攪哂啲毛出來，根本驚嚇過去海浪公園玩鬼屋，血腥暴力齊集。
作為家長，你唔可以因為個世界充滿衰野，就遮住個世界。你要教，就要教細路對衰野嘅判斷，而唔係話佢知個世界唔存在衰野。
幾日前，史兄話本書要貼貼紙，加警告。我聯絡出版社，我好confused，到底本書內容要幾clean and clear，先令到家長同出版社放心，唔會有「下架」風險呢？我哋寫野，又點解要consider 你哋班無菌家長嘅心意？配合你哋製造一個無菌世界，幫你講大話，話「個世界係美好嘅呢」？
水清無魚，大家都聽過啦。如果你依然覺得個仔睇唔到衰野，就唔會被污染，我覺得要笠住嘅唔係本書，而係你個仔雙眼。唔好將你哋啲on9 行為，美化成「我都係為個仔好姐」。
雞檔 在 【TOPick專訪】每日與活雞搏鬥14小時80後雞販 - YouTube 的八卦
自從97年香港爆發禽流感，香港的活 雞檔 大幅減少，目前香港只有130間活 雞檔 。雞販張偉全今年32歲，已在街市工作10年，靠賣活雞為生。他每天都要與雞 ... ... <看更多>