【見鬼的方法】
＊＊下半部分是繁中華語版＊＊
＊＊下半部分是繁中華語版＊＊
阿公成日都話，見鬼都係一種緣分。
有陰陽眼唔應該視為一種能力，更應將佢視為一種責任。
此話何解？
或者有一日，你會因為陰陽眼而幫助某個靈體，呢個係你前世欠落嘅債，上輩子還不清，用今世來還。
又或者係反過來有靈體幫你逃過一劫，咁就係他上輩子欠你嘅，今世還畀你。
以前好多街坊都會搵阿公封陰陽眼，但佢都唔建議咁做，因為會錯失緣分。我嘅情況比較特殊，因為幾次親身接觸靈異事件後，同靈體頻率打通咗，我就可以見到佢哋。
「皓瀚係唯一一個求我幫佢打開陰陽眼嘅人。」阿公以呢句說話作為開場白，同我講咗有關皓瀚嘅故事。
喺皓瀚搵阿公之前，嘗試過很多坊間流傳能夠見鬼嘅方法，當皓瀚出現喺阿公面前嘅時候，已經被多個靈體纏身，更有啲餓鬼咬住佢個魂魄唔放，但皓瀚卻見唔到佢哋。
皓瀚嘗試第一個方法，先喺飯枱上鋪一塊好大塊嘅白色枱布，桌布需要大到能夠掩蓋整個枱腳觸碰到地面。
飯枱上，擺放咗各式各樣嘅祭品同燃點香燭，最後喺飯枱周圍灑上白米。
晚上十一點，皓瀚用浸有雞血嘅毛巾包住個頭，將自己嘅陽氣壓住，再躲喺枱底下。一直等到大約半夜三時，陰氣最重嘅時間，就開始出現動靜！
『噠…』
喺皓瀚就快等到訓著之際，就被一下怪聲驚醒過來，佢聽到枱布外面有踩踏喺白米上嘅腳步聲。
佢頓時睡意全消，趴喺地上從枱布隙縫望出去，靠住枱上面晃動嘅燭光尋找白米上嘅腳印。
『噠…噠…噠…』
腳步聲愈來愈密，聲音來自四面八方，透過白色枱布仲見到有人影喺外面移動。
皓瀚禁不住將枱布拉起少少，因為只得燭光微弱嘅光線，周圍環境非常黑暗，只隱約見到白米上佈滿凌亂嘅腳印，就好似有好多人喺白米上踱步一樣。
但與此同時，腳步聲已經消失咗，唔通靈體發現咗佢嘅存在所以嚇走晒？
就喺呢個時候，枱上傳來重重嘅『咚』一聲！成張枱仲猛烈震動咗一下！
皓瀚嚇得縮起脖子，佢感覺到有嘢跳咗上枱面，就喺佢正上方。
然後…幾個放喺枱面嘅水果跌咗落嚟…明顯有嘢喺枱面上郁動食物。
皓瀚又驚又喜，好似用捕獸器捉到獵物一樣，想揭開桌布從桌底爬出去，睇吓枱面發生乜事。
但估唔到，他揭開枱布之後，眼前仲係漆黑一片。
唔通枱上嘅燭光熄咗？皓瀚只好伸手又揭開一下，但仲係咩都睇唔到。
突然，佢面前出現咗一張女人嘅臉孔，皮膚白皙，雙眼直直咁望住皓瀚微笑，露出無牙齒嘅口腔。
原來…
桌上嘅燭光並無熄滅﹐只係被「遮蔽」住。
皓瀚一直用手撥開嘅，係個女人嘅頭髮！
受到驚嚇嘅皓瀚成個人縮返入枱底下，將包住頭雞血布除落嚟，喺枱底等到天亮先敢爬出嚟。
經過呢次教訓後，皓瀚仲未死心，又去嘗試另一種見鬼嘅方法。
呢次佢半夜去到無人嘅公園，自己一個人玩「紅綠燈遊戲」。
先搵一道牆壁，再講一句：「我做鬼先～」然後對住牆壁慢慢講：「一、二、三，紅綠燈過馬路…要小心！」
嗌完之後即刻回頭，據說咁做可以吸引到喺公園嘅遊魂野鬼陪你一齊玩遊戲。
皓瀚嗌幾次再回頭，都無見到有任何靈體。當佢叫到第四次「一、二、三…」嘅時候，皓瀚感覺到有人拍佢膀頭，有把小朋友嘅聲音喺佢耳邊說：
「哥哥，捉到你喇～」
皓瀚嚇到馬上跑返屋企，不過…佢依舊無打消想見鬼嘅念頭。佢從鄰居口中得知阿公做道士，就即刻去搵阿公。
經過兩次見鬼實驗，皓瀚精神愈來愈差，印堂發黑，講嘢時呼出腐屍般惡臭，阿公一眼就知道佢被靈體纏身。因為靈體不敢闖入阿公屋企，先暫時躲起來。
阿公以為皓瀚想佢幫忙驅鬼，估唔到…
「道士先生，可唔可以幫我開陰陽眼？」皓瀚。
「點解你要咁做？」阿公。
「我想證明佢係存在。」
「照你狀況睇，你都被遊魂野鬼纏繞咗一段日子，你應該好清楚靈體嘅存在啦？」阿公。
「我想知道…我細佬仲喺唔喺我身邊…」講到呢度，皓瀚竟然喊起嚟。
雖然阿公唔清楚所謂何事，但更令佢擔心嘅係…
門外，一直怒盯住皓瀚嘅男人靈體，佢怨氣非常重。
（待續）
300 Share 繼續！
大家有聽過什麼見鬼的方法呢？
留言告訴我！
＊喜歡阿公，請花半秒like & share＊
《阿公講鬼３》小說已經推出！
書店沒有，只能網購：
購買連結：https://bluegodzistore.boutir.com/
＊＊＊＊＊＊＊＊＊＊＊
＊＊＊繁中華語版＊＊＊
＊＊＊＊＊＊＊＊＊＊＊
阿公常說，見鬼也是一種緣分。
擁有陰陽眼不能視為一種能力，更應把它視為一種責任。
此話何解？
或許有一天，你會因為陰陽眼而幫助某個靈體，這是你前生欠下的債，上輩子還不清，用今世來還。
又或許是反過來有靈體來幫助你逃過一劫，那就是他上輩子欠你的，這輩子還給你。
以前很多街坊找阿公封陰陽眼，他都不建議這樣做，因為會錯失緣分。我的情況比較特殊，因為幾次親身接觸靈異事件後，與靈體的頻率打通了，我就能看到它們。
「皓瀚是唯一一個求我幫他打開陰陽眼的人。」阿公以這句說話作為開場白，跟我說了有關皓瀚的故事。
在皓瀚找阿公之前，嘗試過很多坊間流傳能夠見鬼的方法，當皓瀚出現在阿公面前的時候，身後被多個靈體纏身，更有些餓鬼正咬著他的魂魄不放，而皓瀚卻沒法看見他們。
皓瀚嘗試的第一個方法，先在飯桌上鋪一塊很大的白色桌布，桌布需要大到能夠掩蓋整個桌腳觸碰到地面的。
飯桌上，擺放了各式各樣的祭品及燃點香燭，最後在飯桌的周圍灑上白米。
晚上十一點，皓瀚用浸有雞血的毛巾包裹著頭，把自己的陽氣壓住，再躲在桌子底下。一直等到大約半夜三時，陰氣最重的時間，便開始出現狀況了！
『噠…』
就在皓瀚快等到睡著之際，就被一下怪聲驚醒過來，他聽見桌布外有踩踏在白米上的腳步聲。
頓時睡意全消的他，趴在地上從桌布隙縫看出去，靠桌上晃來晃去的燭光尋找著白米上的腳印。
『噠…噠…噠…』
腳步聲愈來愈密，而且來自四面八方，透過白色桌布還看到有人影在外面移動。
皓瀚禁不住將桌布拉起一點點，因為只靠燭光微弱的光線，周圍環境非常黑暗，只隱約看到白米上佈滿凌亂的腳印，就像很多人在白米上踱步一樣。
但與此同時，腳步聲已經消失了，難道靈體察覺到他的存在全都跑光了？
就在這個時候，桌上傳來重重的『咚』一聲！整張桌子還猛烈震動了一下！
皓瀚嚇得縮起脖子，他感覺到有什麼東西跳到桌上，就在他的正上方。
然後…幾個放在桌上的水果掉了下來…明顯有東西在桌上郁動食物。
皓瀚又驚又喜，像用捕獸器抓到獵物一樣，他想揭開桌布從桌底爬出去，看看桌上發生什麼事。
沒想到，他揭開桌布之後，眼前還是漆黑一片。
難道桌上的燭光熄滅了？皓瀚只好伸手又揭開一下，但還是什麼都看不見。
突然，面前出現了一張女人的臉，她皮膚白皙，雙眼直直的看著皓瀚微笑，露出沒有牙齒的口腔。
原來…
桌上的燭光並沒有熄滅了﹐只是被「遮蔽」住而已。
皓瀚一直用手撥開的，是那個女人的頭髮！
受到驚嚇的皓瀚整個人縮回桌底下，將包著頭的雞血布脫下，在桌底待到天亮才敢爬出來。
有過這次的教訓後，皓瀚還沒死心，又去嘗試另一種見鬼的方法。
這次，他在半夜跑到無人的公園，自己一個人玩「紅綠燈遊戲」（台灣是1 2 3 木頭人）。
找一道牆壁，先喊一句：「我來當鬼囉～」然後對著牆壁慢慢的說：「一、二、三，紅綠燈過馬路…要小心！」
喊完之後然後馬上回頭，據說這樣做就能吸引到在公園的遊魂野鬼跟你一起玩遊戲。
皓瀚喊了幾次再回頭，也沒看到有任何靈體。當他叫到第四次「一、二、三…」的時候，皓瀚感覺到有人拍他的肩膀，一把小孩的聲音在他耳邊說：
「哥哥，抓到你了～」
皓瀚嚇得馬上奔跑逃離現場，不過…他依舊沒有打消想見鬼的念頭。他從鄰居口中得知阿公做道士，便馬上動身去找阿公。
經過兩次見鬼實驗，皓瀚的精神愈來愈差，印堂發黑，說話時呼出腐屍般的惡臭，阿公一眼就知道他被靈體纏身。因為靈體不敢進入阿公的家，才暫時躲起來。
阿公以為皓瀚想要他幫忙驅鬼，沒想到…
「道士先生，可以幫我開陰陽眼嗎？」皓瀚。
「為什麼你要這樣做？」阿公。
「我想證明它們的存在。」
「從你的狀況看來，已經被遊魂野鬼纏繞了一段日子，你也應該很清楚它們的存在了吧？」阿公。
「我想知道…弟弟還在不在我身邊…」說到這裏，皓瀚竟然哭了起來。
雖然阿公不清楚所謂何事，但更令他擔心的是…
在門外，一直怒盯著皓瀚的男人靈體，他的怨氣非常重。
（待續）
300 Share 繼續！
大家有聽過什麼見鬼的方法呢？
留言告訴我！
＊喜歡阿公，請花半秒like & share＊
書店沒有，只能網購：
購買連結：https://bluegodzistore.boutir.com/
雞動哥桌布 在 蛋黃哥的YouTube頻道將決定發布英語、中文、韓文等字幕 ... 的八卦
超人氣角色「蛋黃哥」的YouTube頻道「YouTube GUDETAMA/ぐでたま頻道」， ... 所以放棄了自己的命運、總是懶懶散散的蛋黃哥、被積極熱血的雞動哥強拉出冰箱外的世界。 ... <看更多>