以下係一單靈異事件：
6年前，雲海借咗十幾本好珍貴嘅香港靈異雜誌俾舞台劇演員湯駿業。學黎明話齋：「借錢如送禮，還錢如乞米。」至今超過6年，湯駿業仍然未還書，於是雲海早幾日喺facebook 發火公審湯駿業，狂出3個feeds 追書。
故事教訓大家，千其唔好亂借任何野俾人！
以下係雲海同湯駿業呢幾日嘅足本真實對白，一路睇一路笑到gap gap 聲 😂 非常高能，長文慎入：
－－雲海出第1個post追書後－－
湯駿業：雲海，我太鐘意你啦，所以d書我keep 住左，你inbox 我點還俾你la
（瓊姐註：自己爭人野，要人地inbox佢😂 ）
雲海：嘩！ 終於肯現身！唔使inbox啦，喺度講啦！你只要將份嘢交畀903任何一個人，佢哋有辦法畀我㗎啦！
湯：使唔使咁轉折呀
湯：我check d history 先知你叫我還書，no problem，我重keep 住
雲：你講到唔叫唔駛還咁！仲有，兩年前公開留言比你，你話還！等到今日我發火！仆你個街！
湯：你俾地址我，我dhl俾你la，我想盡快俾翻你
雲：交比903！！！！！！！！！
湯：約出來俾啦，呢d事唔好交俾其他人啦，聽日你下午係邊，我拎俾你
（瓊姐註：佢係咪得罪商台啲人，唔敢上903？ ）
雲：講左交比903！！！！！！！！
湯：當日你係親手俾我，還當然親手還，你公開叫我還書，我唔再交嚟交去，我親手交俾你，此事關乎你與我，與任何第三者無關
（瓊姐註：講乜9 😂 ）
雲：想點呀你！
湯：親手還書，合理。唔想搞到任何唔關事既人，你咁有經驗，你應該明，一人做事一人當，書係我借，完全唔關其他人事
（瓊姐註：叫你放係903咋喎 😂 ）
雲：比你地址我！我上黎攞！
湯：好，其實我可以親手送去俾你
（瓊姐註：佢好堅持要見真人，親手還書，佢係咪暗戀雲海？）
雲：你地址！！！！！！！！！！！！！！！
湯：香港九龍觀塘XXXXXXXX
雲：你今日下午定聽日下午得？！
湯：聽日下午
雲：ok！聽日三點上黎
湯：好聽日，三點
湯：明天1點可以嗎？我兩點要去灣仔art centre，唔好意思要你改時間，如果唔得我交低俾同事，或者3pm係灣仔藝術中心交俾你
雲：三點藝術中心
湯：好，謝謝你，明天見
－－第二日－－
湯：今天可以改6點還書嗎？因為在入台technical走唔開
雲：6點係邊？！
湯：唔好意思要完左呢個section先出到來，你邊度方便？
雲：你又話係藝術中心？
湯：好藝術中心吧
雲：再改就唔該你交比903！903最方便我！
湯：903我放係reception？But I can't do it today if 903
雲：即係你六點藝術中心都唔得啦？！
湯：我怕一陣要你等，我做到一頭煙，撞正開show入台
雲：你都幾精神分裂！咁你鍾意幾時放係903就幾時啦！放完就話比我聽啦！
湯：好，麻煩晒
－－雲海再出第2個post後－－
湯：我可以六點係藝術中心交收，唔好意思要你改時間，可以嗎，待覆。
（瓊姐註：咁佢又話可以放係903？😂 ）
雲：message最後都講到明你話會交去903…… 之後過咗一陣你突然間又話六點得！你唔好再玩嘢啦！湯生！
雲：其實你都係好難捉摸㗎啦！ 頭先你話要入台出唔到嚟！我真係火都嚟！當年你做我哋個show,有埸採排我哋冇人知情下，你閃咗去無綫拍「勁歌金曲」 咁都得！依家話出嚟畀五分鐘書我都話唔得！
ps. 而且時間地點係你約我㗎！我嘅時間唔係時間！佢嘅時間係時間囉！
湯：雲海 陳雲海，俾你係度話完，即刻申請出來交俾你啦
（瓊姐註：講到雲海唔岩咁 😂 ）
雲：最終都係講到我唔啱！！！ 真係痴線！！！
湯：做野，唔係次次走得，而家d書我跟身，Anytime 俾得你！時間大家夾啦，都係想快d翻d書俾你，我唔岩，所以而家將d書跟身，你幾時方便？我車翻俾你
（瓊姐註：你自己話可以放係903，又問人幾時得閒車番比你 😂 ）
雲：無氣！你真係好嘢！
湯：咁你幾時方便呀
（瓊姐註：CLS 😂 ）
網友A：拎番未呀（啲書）？
湯：未呀，佢未覆呀
（瓊姐註：CL9S 😂 ）
－－雲海再出第3個post，指：「唔使還啦！開心啦！」－－
湯：其實你講幾時得就可以俾翻你啦，你幾時得呀，我俾翻d書你
（瓊姐註：佢係咪好驚903 😂 ）
雲：唔使啦！得閒就送曬俾當奴啦！
湯：雲海，陳雲海，我唔還，唔合理
（瓊姐註：佢係咪痴咗線呀？ 😂 ）
－－完－－
圖片來源：蘋果日報
陳雲facebook 在 李婉華頻道- 不尋常的旅遊經歷| 和雲海有個約會| 嘉賓 - YouTube 的八卦
雲海#不尋常的旅遊經歷# 陳雲 海#李婉華#李婉頻道Twitter : Wanhoi 雲海 陳雲 ... Facebook : https://www. facebook.com/anitaleechan. ... <看更多>