有日一位媽媽帶住個小朋友嚟到診所。
登記後，媽媽似乎忙於篤電話，等等吓…
小朋友同媽媽講：「媽咪我想去廁所呀」
媽媽望住電話問：「去VV定嗯嗯呀」
小朋友：「嗯嗯」
媽媽向住我方向嗌：「帶我個女去廁所呀」
我哋冇人應佢。
媽媽望望我，再行埋嚟同我講：「你聽唔到我講咩呀？」
我：「你頭先係同我講啊？洗手間喺出面啊，呢度有鎖匙～」
媽媽：「你同佢去呀」
我：「你唔自己帶佢去？」
媽媽：「佢要去屙臭臭呀」
我：「你同自己個女去好正常啊？」
媽媽：「我唔會理呢啲嘢囉，我個工人今日放假呀」
所以我係你個工人呀？我份人工呢？
我：「你係佢阿媽喎？」
媽媽：「咁即係點呀？你唔同佢去，唔通我同佢去，我去抹佢PATPAT呀？」
咁唔係好合理咩？我去做嘅話唔係唔合理咩？
我：「嗯，係呀，個女你嘅，你幫佢好正常呀～」
媽媽：「我已經生咗佢出嚟，做咗我應該做嘅本份，佢出世到而家我都唔需要同佢換片沖涼，陪月又有工人又有，我對手冇掂過呢啲嘢，一次都冇」
你覺得係一件值得自豪嘅事呀？
媽媽喝我：「你仲坐喺度？仲唔出嚟？佢一陣喺度去咗嘅話，你買衫褲俾佢換呀？佢啲衫係咩牌子你知唔知呀？分分鐘貴過你一日人工呀」
咁巴閉嘅話，你應該請多幾個工人，咁咪唔會存在工人放假你要自己湊嘅問題～
我：「唔好意思呀小姐，我哋係唔會帶你朋友去洗手間㗎～呢個係你要做嘅嘢」
媽媽：「好呀，我一陣入去同你老闆投訴囉，我同你老闆好熟㗎」
媽媽發晦氣行返去個小朋友度大喝：「你唔准去呀！等工人返嚟先好去呀！」
小朋友無辜回答：「媽咪，我識自己去呀…XXXX(應該係姐姐名)有教我…」
媽媽行埋嚟拎鎖匙，邊行邊嘮叨：「佢教你都係想自己做少啲啫！你應該要SAY NO呀！你對手唔係用嚟做呢啲嘢㗎」
咁係咪要請人一世幫手抆屎呀？咁你呢？你搵邊個幫你抆屎呀？你唔好話我知靚女唔屙屎啊～你唔係靚女啊。
陪月 在 陪月一站| 陪月服務| 服務範疇 - erb 的相關結果
「陪月一站」由僱員再培訓局統籌，是全港規模最大的陪月服務轉介平台，並提供嬰幼照顧的一條龍轉介服務，免行政費，歡迎致電僱員再培訓局熱線182 182查詢。 ... <看更多>