我有個同事係藍絲，40歲左右，男性，Senior，住屯門聚康山莊。
之前個個講林鄭，講五大訴求，講遊行，佢都開口埋口叫示威者做暴徒，仲同自己啲下屬因為政見問題而互窒咗幾次，但佢哋都算有分寸嘅，唔會大庭廣眾動真火。
元朗黑夜當日佢正正出咗市區食飯，返嚟嗰陣搭西鐵入兆康轉K51，點知去到錦上路就停咗喺度唔郁，當時佢已經睇到啲即時新聞，知道元朗站出咗事，係好大件事。
雖然佢架車因為遲一班而冇直接受到波及，不過車廂中依然有人尖叫，估計係有乘客用手機睇緊live，下個站又係元朗，所以真心覺得好驚又無助。
以上呢啲描述，係事發後第二日佢返公司講嘅，應該真係好驚好驚，要搵人傾訴下。佢話當時訊息好混亂，同老婆一齊更加唔知點算好，架車一直停喺度已經半個鐘，又唔知去到元朗會唔會開車門，呢位同事形容嗰一晚係自己人生中最恐懼嘅一晚。
佢係藍絲，佢本身撐警，佢更加冇參與過遊行，so what？你一樣要畀黑社會班白衫打，大肚婆、記者、醫護，全部無一倖免。你撐政府撐警察呀？Sorry，人哋唔撐你呢！
無可否認，有啲人係針唔拮到肉唔知痛，噚日見到班婦聯舉牌話信警察，我都好想作嘔，如果佢哋當日喺架列車上面，唔知仲可唔可以大大聲走出嚟話撐警呢？
另一個同事私底下講：「當日畀人無差別攻擊嘅唔應該係無辜市民，送晒呢班藍絲上車就啱喇。」
千祈唔好咁黑心，當藍色遇上白色，然後變咗黃色，其實係一件值得慶幸嘅事，你身邊有冇人因為今次牛屎佬大鬧西鐵事件而轉咗顏色？
同一晚嘅另一個地方-----中上環，警察開咗好多槍，有好多人受傷但相對上冇乜人講，個個嘅焦點去晒元朗，冇錯係令人幾心淡，隨時仲係分散注意力嘅招數，但係元朗黑夜真係令到唔少人由中立變到肯表態，甚至由藍色轉黃色。
其實肯轉色，呢個人已經受到好大衝擊，唔好排斥佢哋，改邪歸正始終係一件好事，要珍惜。
錦上路 在 突傳石籬將建鐵路站？連接錦上路九龍塘？3號風球預掛到幾時 ... 的八卦
突傳石籬將建鐵路站？連接 錦上路 九龍塘？3號風球預掛到幾時？18-10-2022. 鄺俊宇. 鄺俊宇. 289K subscribers. Subscribe. ... <看更多>