先講聲唔好意思，因人在外地，若果呢單野已經係喺傳媒報道左，咁我就當重複鋪啦！若果無人報道過，咁我就要爆俾大家聽啦！話說啱啱返到酒店，收到我一位喺政府部門工作嘅朋友線人報告我知，醫管局竟然發左一封信比旗下醫院嘅醫護人員，內容大致係由於發生嘅公眾事件，佢哋竟然要求醫護人員記錄低入院者嘅身份、受傷情況詳細記錄、以及受傷地點形容等等，而且有任何特別情況之下通知醫管局當局！我個政府朋友同我講：「呢個指控唔輕，但如果屬實就係違反人道主義！」我就會答佢：「直情違反晒所有香港簽嘅國際公約啦！」平時醫管局就口口聲聲話尊重病人私隱，平時叫醫務人員連病人身份都唔好有記錄交俾外人，今日竟然會要求醫務人員主動將病人嘅詳細私隱準備交俾第三方，第三方明顯就係保安局同警務處啦！點解我哋嘅醫管局可以同保安局同警務處有咁嘅聯繫呢請問！破天荒喎！違反晒所有人權公約⋯⋯等等喎！雖然明顯地呢份通告係有三頁，呢張通告係第二頁，而我手上並無第一同第三頁，若果我手上這份文件屬實！第二頁已經寫得好清楚動機同埋要做啲乜，簡直係恐怖過非洲第三世界國家喎！一場柒娥嘅政治活動，到底令到幾多人痴咗線呢！若果呢份文件已經喺網上流傳左，對唔住啦，我今日資訊流通得好慢！若果係我第一個人爆料，就唔該傳比所有人知，我哋嘅議員要做啲野啦！英文好嘅唔該幫我翻譯比國際記者傳媒，醫管局主席出嚟交代下你憑咩做呢件事？！
醫院部門英文 在 中文部門名稱 - 臺南市政府衛生局 的相關結果
英文部門 名稱. 董事會. Board of Directors. 經營決策委員會. Steering Committee. 稽核室. Auditing Office. 院長室. Superintendent Office. 行政中心. ... <看更多>