邊有咁癡纏嘅客架的八卦，YOUTUBE和Yahoo名人娛樂都在討論

［羅賓漢行動］我做廣告做marketing咩客都見過，但今次呢個客真係我見過最特別嘅客：佢並唔係客戶本人，而係客戶嘅女朋友，呢個靚女兩個月前就已經搵左我，希望我可以出一篇文幫佢男朋友的鋪頭做宣傳，當係聖誕禮物。

喂！你們會唔會太sweet了？！

於是，我終於接左人生第一單客戶「被推廣」的廣告了！各位單身的朋友，呢個moment係咪被閃到好想掟電話呢？係就岩啦，因為今次我呢個客 3C維修工作室係做整手機架！

係咪覺得呢間野好似熟口熟面？無錯，佢就係上年幫100毛腦細林日曦上門急救電話的小店，而佢呢間小店最近亦都提供上門整機服務，大家如果想做一次腦細，又或者太忙去唔到深水埗整機，歡迎約佢上門急救！

大家知道，羅賓漢行動介紹得嘅都一定經過我的評估，呢間手機維修店亦都唔例外。我可以開門見山咁講，佢唔係收得特別平，甚至佢係貴過出面求其一間的鋪頭，但係貴得有道理，除左手工快靚正之外，亦因為佢係用返原廠零件，唔會用次貨，成本高，自然收費都會高，呢個世界冇免費午餐，就係呢個意思啦。當然，大把鋪頭都自稱自己用原廠零件，但有時候呢啲鋪頭收費仲平過原裝零件的入貨費用，到底人地嘅興趣係做蝕本生意，定係另有內情，我諗大家明架嘛？

另一方面，作為手機維修店，技術也是很重要的，3C維修工作室除左換mon之外，入左水嘅機同開唔到機，都係佢地維修的拿手好戲，仲可以保留返啲資料添！根據客戶所講，突然開不到機，很可能是部機跌過，又或是原廠問題，呢啲對於佢地黎講，算係小菜一碟，整起上黎問題唔大。最令佢地頭痛嘅，其實係之前俾其他鋪頭拆過，搞壞左先再拎俾佢地「另請高明」的手機，呢啲救唔返嘅機會反而最大。所以，如果係開唔到機而又想保留返原來的資料，不妨一開始就考慮搵佢地幫手啦！

睇到呢度，你應該會估到呢間小店除了做維修外，也會懂得做一定程度的破解。開得鋪頭喺深水埗，自然經常有人走上門話唔記得左「自己嘅手機」密碼，要求他們破解。佢地打開門口做生意，邊個係真手機主人，邊個係拎賊贓過黎破解，其實都隱約估到。通常會多問幾句「咦？手機保養得幾好，幾時買架？」如果你連自己幾時買、apple或google ID密碼乜都答唔出，咁佢地都會默默地幫你破解，然後又默默地搵返原機主的資料出黎，問個客介唔介意同原機主講兩句，呢個時候，個客就會放棄部手機，由得佢地call返原機主領回失物。

「叫做唔賺黑心錢咁囉，有時失主就從此變左我地熟客仔；但都有失主講極都唔明，以為係我地偷左佢部機，黎拎番既時候仲要鬧我地，咁都冇辦法。」

唔好諗住自己只係一間小店、又或是一個小角色，如果大家在自己能力範圍內行多一步，其實呢個世界會變得更加美好。

最後，例牌啦，整手機的時候同佢講你係人妻先生的讀者，會減100蚊（不能與其他優惠共用），我呢個讀者優惠算唔錯啦掛？

所以，各位今個聖誕節就放心吵架扔爛電話、飲醉跌爆mon，或者扔部電話落水池許願吧！(咦?!!!)

小店資料：
香港深水埗(深の都)1樓11號鋪 (深の都)Metro Sham Shui, Store 11, 1/F ,長沙灣道242號
電話：+852 6855 5896
客戶評價：https://www.facebook.com/pg/Fix3C/reviews/　

#羅賓漢行動
#呢個客喺我問產品優點時狂sell自己男友靚仔
#邊有咁癡纏嘅客架
#好彩我結左婚唔怕食閃光彈
#係愛呀
#聖誕快樂
#今次呢一筆款項會連同上兩篇一次過捐
#我懶搵捐助目標
#當係聖誕出bonus啦