《叱咤後⋯遺症》
《2019年度叱咤樂壇流行榜頒獎典禮》圓滿結束，各獎項亦名花有主。話雖如此，但每年叱咤過後總會問⋯「吓！呢首歌十大都冇？」
谷主揀選咗幾首作品，你會唔會都有同樣疑問？會唔會有被遺漏嘅感覺？會唔會戥佢地唔抵呢？
________________________________________________
1. 謝安琪 Kay Tse ⋯《其實寂寞》
「一個人會上癮」⋯至尊唱片大獎《the album and the rest of it...》專輯入面其中一首歌曲，好多人都話《寂寞就如》、《其實寂寞》要連住一齊播先有嗰種「寂寞」嘅感覺，可能就係因為咁⋯兩首都入唔到十大咯。
2. 古巨基 Leo Ku ⋯《亂世情侶》
好耐都冇出現過「夕陽」式情歌，兩位大師一出馬，即刻獲得上年第一首四台冠軍歌！之後再推出與胡定欣嘅合唱版本，唱K終於有多首合唱歌唱luuu...
3. Stephanie Cheng Yung 鄭融 ⋯《13樓的大笨象》
呢首冇入十大係令谷主最跌眼鏡嘅，鄭融上年雖然只係派得一首歌咁多，但成績相當好！係上年另一首嘅四台冠軍歌！Dear Jane作曲編曲、Wyman如禮物般嘅歌詞，相信除咗《紅綠燈》之外，鄭融又多一首代表作了。
4. 陳蕾 Panther Chan ⋯《妖治時代》
恭喜陳蕾獲得唱作人銅獎！谷主近年最喜歡嘅唱作人之一，上年轉投華納，推出幾首作品，《妖治時代》、《熒光》、《相信一切是最好的安排》，各有特色，其中《妖治時代》嘅日系風格，盡顯豹哥獨特有型嘅個性味道！
5. 容祖兒 Joey Yung ⋯《Pretty Crazy》
Joey入行廿年，為演唱會度身訂造嘅主題曲。現今樂壇已經少快歌，能做出洗腦式快歌更加少之又少，再加上軒仔嘅「火龍果」惡搞版本，真係三個字「神經病～～」
6. Juno Mak 麥浚龍 ⋯《情感的廢墟》
Juno雖然憑《忘記和記》獲得專業推介第六位，但谷主比較喜歡《情感的廢墟》，能做出八/九十年代最璀璨時期嘅廣東歌感覺，真係唔容易～既有一種令人懷念嘅感覺，又有一啲唔真實，畢竟已經係2019年喔！但我喜歡⋯呵！
7. 周國賢 feat. JW 王灝兒 ⋯《逃生門（門外版）》
很驚喜的一個配搭。JW推出嘅獨唱版本已經覺得好好聽，望望作曲一欄，「周國賢」，腦入面立即幻想周仔唱嘅版本，亦期待住會推出⋯之後真係出咗個(門外版)合唱Version，谷主大膽講⋯周仔完美演繹《逃生門》！
完～
#香港製造 #MadeInHongKong #廣東歌 #香港人撐香港音樂
#2019廣東歌 #2019年度叱咤樂壇流行榜頒獎典禮 #叱咤
#謝安琪 #其實寂寞 #古巨基 #亂世情侶 #鄭融 #13樓的大笨象 #陳蕾 #妖治時代 #容祖兒 #PrettyCrazy #麥浚龍 #情感的廢墟 #周國賢 #JW王灝兒 #逃生門
逃生門jw歌詞 在 JW 王灝兒- 逃生門[歌詞同步/粵拼字幕][Jyutping Lyrics] 的八卦
逃生門 - 於2019年派台作詞：林若寧作曲：周國賢編曲：Johnny Yim 監製：舒文@zoo music 大門被你緊緊鎖上那一下情緒像快將崩潰失去知覺吧旁人的祝福或 ... ... <看更多>