有friend問我去開邊度剪頭髮？如是者，我就畀咗自己髮型師阿Ming嘅contact出嚟，其實搵到個啱心水又好傾嘅髮型師係好難，用「可遇不可求」呢5個字並唔過份，佢早排唔知痴咗邊條根走去轉行，我出去再搵過幾個都係麻麻，當時真係好傍偟。
後來有一日阿Ming WhatsApp我話辭咗工，而家轉返去之前嗰間髮型屋，我冇問詳細呀，梗有佢自己原因嘅，總之對我嚟講係好事啦，為咗支持，仲即刻book埋期去剪。
喺Salon坐低，阿Ming行埋嚟問：「喂，好耐冇見，想點剪呀？」
我閃閃縮縮咁遞咗部電話畀佢：「跟呢個吖，兩邊唔好剷。」
阿Ming：「睇唔到喎，起晒格既，拎嚟睇下。」
其實好唔想畀部電話佢，因為我盡量拉到得個頭，而佢拉返細之後就見到孔劉......
隔離剪緊嘅另一個髮型師望到，隨即嘴角上揚，笑咩啫？你哋一個二個未試過拎張明星相叫髮型師跟住剪咩？🙈最近我學精咗，去之前WhatsApp定玄彬張相畀阿Ming，叫佢睇熟先，去到髮型屋就唔拎出嚟㗎喇。
有次我問阿Ming，多唔多客人會拎啲明星相出嚟叫你跟住剪？我呢啲算唔算過份呢？
阿Ming：「你唔算過份㗎喇，有頭髮剪個孔劉頭ok啦，試過有客人冇頭髮走嚟話要剪個周柏豪all back頭㖭啦！」
「咁點樣變出嚟呢？」
阿Ming：「冇㗎！畀建議佢囉，其實呢啲都係冰山一角，你算好㗎喇，起碼乾乾淨淨，唔係勁多頭皮同埋好多頭油，仲有一啲係成日染髮電髮，你見到佢啲頭髮已經好傷，甚至髮質好『老』，勸佢又以為你唔識整唔想整，其實點會吖，你又電又染我仲賺得多，不過怕佢哋太密好唔健康啫，賺錢都要有良心㗎嘛，客唔係食一水，有回頭客先係長遠。」
「你呢啲髮型師好，不過應該冇發達。」
阿Ming：「哈哈，係，我都知。」
「原來以麻煩客嚟講，我呢啲都係最低level。」
阿Ming：「搵食艱難，慣㗎喇！」喂，咩意思呀😂
對髮型有追求係好事嚟㗎，人愈大，頭髮可能愈少，到時唔好話孔劉頭啦，陸軍裝兩邊起角嗰種都冇得你剪。因為我係一個人住，最近掃地發現甩幾多頭髮，坦白講每個人都有呢種情況，只係平時未必由你負責吸塵掃地先冇為意，最忟憎係呢頭吸完，轉頭又見到地下有，唔知仲以為自己思覺失調冇吸過。
雖然stay home期間冇出街，gel頭都少咗，但係頭皮健康同埋掉髮問題係日積月累得返嚟，所以平時用洗頭水同護髮素係唔夠㗎，仲要用返啲補品先得，洗完頭將EBC Lab頭皮精華液搽喺頭皮上，令頭皮健康啲，咁先可以更有效改善掉髮問題，話晒係日本研發同埋製造，清爽唔黏笠，除返開都唔駛20蚊一次，一杯咖啡嘅價錢就留住健康髮質同埋青春喎，我都唔想成為阿Ming口中髮質好「老」，勁多頭皮同頭油，冇頭髮又想剪個all back頭嗰種客。
髮型師點睇你就好小事，同事、client、朋友佢哋對你嘅印象分先最重要，個頭係icon嚟㗎，一定要幫自己做好branding！下個頭剪咩好呢？唔......就《梨泰院Class》個朴世路頭啦！希望出到嚟唔會變阿旺......
掛住講私人嘢，差啲唔記得講正經嘢，EBC Lab 防掉髮無矽護髮系列防掉髮無矽護髮系列 有兩個款式照顧唔同類型嘅髮質，如果係油性髮質就用藍色清爽系列，至於染燙乾旱受損髮質用紫色修護系列就啱喇，萬寧同埋呢個網站都有售👉👉👉 https://bit.ly/3aA6S08
有興趣嘅朋友亦可以去官方網址了解更多：
https://www.ebclab.hk
#EBClab #護髮根守髮線 #日本製 #MadeinJapan #無矽 #萬寧
護髮根守髮線 在 【EBC Lab日本科研防掉髮】護髮根守髮線 日本製全線無矽 的八卦
EBC Lab由擁有超過135年研發經驗の日本桃谷順天館之專業團隊研發， #日本製造#全線無矽研發專家推薦，信心之選✨以日本科研配方【泛醇Panthenol x 絲 ... ... <看更多>