早前睇健吾 姐姐個專頁，他一句你的樣子如何，你的日子也必如何，真如暮鼓晨鐘發人深省。
之後見到有靚女/仔share個post講自己如何躺著也中槍，明明一切都係係靠自己實力努力得來。嗯，原來唔止發人深省，直情大開眼界。
我自問唔算傾城絕色，但總算比下有餘，我比較像是那種人畜無害、零殺傷力的小男生的角色，而我很清楚外表能為你帶來的好處，尤其在工作上和社會上，是有著壓倒性的優勢。唔講遠，講見工，要是能力相若，你會想請個望落歪瓜裂棗的，還是一個外表乾淨望落心曠神怡的伙記？見工，從來都係一場戲，而又有幾多套戲會專挑醜男醜女當主角的？
不說見工，平時工作出活動的cocktail session，大家也不知道彼此是誰，但由於被困在社交場合需要social，我被搭訕的機率，是100%。這當然不是因為我是什麼大人物，相反，正是因為我人畜無害的外表，別人會很放心跟我聊天，活動結束後，收回來那疊厚厚的卡片就是我的connection。我有特別努力過嗎？沒有。但世界就是這樣不公平。我當然不能否定我的談笑風生有著一定的幫助，但要是最初無人問津，我那裡有學習「談笑風生」的機會？
不要自欺欺人，我們的起跑線並不一樣的。
最簡單例子，我第一次見我老公時，英文差到我自己講完都唔知自己講乜。我讀大學唸中文，所以英文停留在中七水平。你想像一下，用極糟糕的中學水平英語，和一個鬼佬銀行家約會，仲慘過古天樂講普通話，但幸好呢個世界有身體語言呢回事。你唔好同我講佢欣賞我嘅才華，佢唔係貪我靚仔，唔通鍾意聽我無限loop足一個鐘 Yes, I agree with you 同埋 I totally agree with you呀？
如果籃球員不會否定自己高而帶來的優勢、騎師不會否定自己矮帶來的好處，你為什麼要否定自己外表這一個天賦？認識、了解和接受自己，是成功的第一步，一味否定自己的天賦，只會讓你看不到自己的價值。大部分人的課題，都是先了解自己的天賦，再放在適合的地方發揮，發揮好了，再慢慢轉變去綻放內在的另一個自己。你看看影帝Leonardo唔識串，佢唔係靠套丁死眾生的《鐵達尼號》成名，那有可能現在肥到成個波咁都仲有戲拍？更重要的是，人家要是的起心肝減一減即刻丁死眾生，你呢？削骨還父都不會變成帥哥，這就是天賦的差異了。
#成功是一分天才加九十九分努力
#說明缺乏那一分天才你再努力也不會成功
#請正確解讀名人格言
#外表也是實力的一種
#現實是很殘酷的
#何況好多人聲稱的努力其實也不怎的努力
#在你努力地跨一步時總有人更努力地跨兩步
#想人睇到你努力就唔好成日除衫影相擺上網啦
#你show咩人地咪睇咩囉
#矯情的小賤人
#但努力不等同有回報
#喂大佬邊個追我嗰陣冇努力過姐
#咁我係咪要結幾百次婚呀
#正能量系列
#心靈雞湯
