#珊吹老師
#和你吹
各位同學，珊吹老師今日開課，大家好💃💃
講明先，珊吹老師已經好老，個人又任性，脾氣唔係幾好，仲好自我，我想講咩就講咩，教書會又中又英又白話又Cantonese又粗口。有時間就會寫全套碌屎，無時間或者太老花，就會開Live，實行視像教學。
仲未subscribe 我 channel 的請 sub 定：youtube, search Maxi House.
呢度主要敎閲讀邏輯分析，同埋鬧交 / 駁嘴技巧，KO 膠論。
我主張，如果條友無踩親你，你係唔駛追住人去說服佢嘅，花生完就算，自己都慳返啖氣。但如果條友係咁追住你嚟吠，死咬唔放，或者態度鳩屎，我哋就要有禮貌咁覆返人家。
運用詞彙係好重要嘅一環，我會教大家盡量保持大方得體，心平氣和，先講道理和邏輯。講粗口亦唔代表冇禮貌，最緊要表達到說話意思嘅精髓。
🥭🥭🥭🥭🥭🥭🥭🥭🥭🥭
好，入正題，繼續借謝Sir 件條題來做今日嘅教材。
佢個問題係：「一啲從未受過專業槍械訓練嘅人，係基於咩理據，質疑警方嘅專業判斷。」
聆聽問題好重要，我哋要留意佢個問題：佢係問緊我哋「憑乜嘢」。
咁我哋就要針對呢一個問題來答，至於佢呢三句野裏面有幾多謬誤，已經唔係咁重要，我哋就集中答佢「憑乜嘢」。
一個有質素嘅答案，係直接回答對方嘅問題。
佢問how，答佢how；俾個方法佢
佢問why，答佢why；俾個前因後果佢
佢問who，答佢who；俾個人名佢
佢問what，答佢what；俾個object 佢
佢問where，答佢where；俾個地點佢
佢問when，答佢when；俾個時間佢
佢問how much，答佢how much，俾個數佢
佢問我哋「憑乜嘢」？有好多個答案都可以，我就諗到：
⁃ 憑着愛，我信有出路 ～
⁃ 憑着愛，情懷不老 ～
- 憑自我 硬漢子 拼出一生癡
- 憑傲氣 下決心 追尋大意義
⁃ 憑什麼阻止我？oh ou ou ou ho ~
- 憑我徹底的勇氣，愛是最大權利
⁃ 憑良知
⁃ 憑同理心
⁃ 憑你手足玩開插贓嫁禍
- 憑我係一個納稅人
⁃ 憑你開記者會，根本就係俾人問問題，唔通開嚟睇你靚仔呀？
給謝Sir的幾點忠告：
1）其實呢，呢個係你開嘅記者會嚟㗎，就係開嚟俾人問問題。你知唔知自己坐喺嗰個位係做咩㗎？
2） 喺記者會發問環節中，我哋鍾意問就可以問㗎嘞！唔使向你申請不反對通知書㗎。
3）其實答問題嚟講呢，好容易之嘛，講你所知嘅真話就得。但如果真話你答唔出口，咁你better直話「我唔識答」啦，next！
4）自己唔識答問題嘅時候，就用另一個問題去做答案，將個波交返比問問題嘅人- no no no 唔得㗎，老師俾你O雞蛋啊🙅🏼♀️🙅🏼♀️🙅🏼♀️
5） 見啊謝Sir 你都好鍾意問問題，歡迎你去參加民間記者會，向台上主持發問。
6） 謝Sir，你自己又「憑乜嘢」，將記者會裏面一條「問題」，定性為「質疑」呢？你話係就係呀？
7） 而最後你都冇答到我哋嘅問題，唉，你又唔做嘢～，又唔讀書～，呀～～～
#2019103
視像教學 在 不用Zoom的話有哪些遠距教學工具？教師實測10款視訊軟體 ... 的相關結果
因應疫情部分學校開始實施遠距教學，而教育部又禁了Zoom，許多老師、學生以及家長苦惱著該使用哪個軟體，本文將以課程為導向出發，說明測試軟體結果。 ... <看更多>