【香港人請不要敗給恐懼：一生難忘嘅機場快線體驗】
我好唔爭氣話咗唔出po，但呢單點都要同大家分享吓。
話說今日堅要送朋友機，但去到櫃位已經喺冇任何通知吓close咗，而我朋友不斷打俾國X都冇人聽。老老實實，現場冇人搞過Departure，或者講冇人搞過任何嘢，而機管局就自己封機場，原因我諗大家會明白。
但係，經過今日，請大家講任何事前，先fact check。
話說我由兩點開始已不斷有人話清場、兩點清場、四點清場、五點清場、六點清場、清緊場、放緊彈、斷signal、熄燈、裝甲車入緊嚟、水炮車standby、青馬大橋已經有狗load曬彈、好多人走曬、機鐵已停駛，我唔排除部份內部消息係真，但十之八九都係流料，最起碼，從冇斷signal、從冇熜燈、從冇停駛，而如果真係封橋，老老實實大嶼山話大唔大、話細都唔細，我去南美呀，一個復活節島都係大嶼山咁大架咋，你真係玩封橋，東涌冇位住，我住大澳又點呢？
一直以嚟我冇去到最前線，但我今次深深明白，前線自己決定。唔好話去唔去遊行，就算你去睇煙花呀，都知現場收唔到電話好正常；如你喺現場，自會知道燈火通明、tune暗張相話熄燈？！如你有親歷當時環境，自會知道一啲都唔亂。我同朋友喺國X櫃位Departure附近，滯留外國人仲多過香港人。
而就有班冷氣軍師，撤呀走呀打緊喇屠機場呀大屠殺呀，唯恐天下不亂。
等到咁上下就決定走，我朋友就想等多陣，但其實地勤嘅櫃位果陣全部都係人，有一刻我哋真係以為開返，原來全部都係遊客嚟，坐喺度訓覺。Fake news會唔會話佢哋全部都係便衣？
冇斷Signal、冇熄燈，機鐵都冇停，仲密過平時。
有人吹到現場人踩人，叫我走就行樓梯，我想講，現場係混亂，但未fact check請問何來人踩人？咁當然，俾n條fake news吹到咁行，你話唔驚就假。
喺我排緊機鐵時，有人大嗌：有狗呀！
現場係一片混亂，有人堅跑走，都有人大叫：冷靜！冷靜！冇事發生！
有人突然大嗌：放彈呀！我見到有煙都淆咗吓，但彈唔彈你都係郁唔到，原來有人食煙，即時俾人大叫：屌你老母食少陣煙洗撚死呀！現場拍手。
現場大家都驚，但好有秩序。人踩人？吓？
終於，一架又一架機鐵嚟，我都知冇三四架冇可能上到，有人大嗌：
細路老人家上先！
手拎袋上多啲人！
有老人家叫：要走就一齊走！
後生仔就話：你走先！
上咗車佢仲嗌：一定要走到呀！
睇住個門關埋，我堅有一刻生死相交感覺。
我終於上到車。
上到車人人大叫：行埋啲！行埋啲！同前面講，上得一個得一個！
上得一個得一個！
上得一個得一個！
上得一個得一個！
如果，每朝迫巴士都識咁樣就好。
我搭到入由博覽館再返返轉頭，有人講：喂屍殺列車呀！唔好開門呀！
呢刻唔好講笑，冇人理，更多人大嗌：讓位呀！上得一個得一個！
出面有人叫：企上位呀！好多人上唔到呀！求吓你哋呀！
然後，好多人企曬上位，矮嘅女仔衝出嚟：我捐行李架下面！有幾個女仔即捐，即時上多廿個人。
上得一個得一個！
成架車係咁嗌，我喺門口位，忍唔住對住出面啲人：入嚟呀！仲有位呀！
門口果幾個細路仲話：好似好迫喎……
即刻俾一片聲蓋過：
上得一個得一個！
佢哋上咗，然後度門關埋，人人叫：Be safe！一定要走到呀！
我以為會鐵達尼咁，原來危急關頭人性可以咁偉大。唔好理佢真real news or fake news，呢一刻，一生難忘。
架車出咗機場，見到勁多人行出東涌，有人就話，死啦，佢哋出唔出到去架，話封橋大嶼山屠城喎……
即刻有人大嗌：冇Fact check唔好亂講！
講就咁講，大家都驚，成功一上青馬，全車拍手。去到青衣，大家幽默感返返嚟：俾二樓落先！Upper class first!
最後，去到九龍站，我從來都唔會嗌呢句，都忍唔住同大家嗌：香港人加油！
冇去過嘅冷氣軍師，唔好亂咁散播謠言，前線識自己決定。
冇去過現場，請隨便吹到外星人襲機場，但請加句未fact check。經過元朗戒嚴後，背後有咩人控制言論我諗大家心知肚明，今日fake news嘅誇張真係睇到都想笑。
經過今日後，我更驚係香港人最後係敗給恐懼同fake news。
話說回頭，機場提早罷工，我朋友滯留咗好耐，電話打唔通、都冇任何人交代事件。仍然未熜燈、仍然未斷signal、仍然未屠機場，最後仲搭到機鐵走。
有危機意識係啱、經過尋日後大家更加要小心，但請唔好危言聳聽，未經證實就亂咁share。
尤其是，門口都冇出過果班。
行李架 在 車頂架- 優惠推薦- 2021年11月| 蝦皮購物台灣 的相關結果
你想找的網路人氣推薦車頂架商品就在蝦皮購物！買車頂架立即上蝦皮台灣商品專區享超低折扣優惠與運費補助，搭配賣家評價安心網購超簡單！ ... <看更多>