我老母，藍。
荃灣光榮冰室，黃。
我同老母喺右手邊直行到門口轉入去，剛剛避開咗餐廳左手邊嘅連儂牆。
坐低叫嘢食，我老母係咁話好抵，好食，加上個侍應姐姐超級nice，老母一直讚不絕口：「而家香港好少餐廳咁有禮貌。」
食食下飯佢個whatsapp響，然後我老母好驚訝咁遞畀我睇：「嘩，原來郭富城係黃絲嚟㗎喎！」我望一望佢whatsapp幅圖，差啲笑到噴飯，原來係城城上次揸車被困cwb，畀人加咗句光復香港caption，不過我冇解釋，sorry呀Aaron！
食完個飯之後佢好滿意，行出門口見到好多人影相，然後問我呢度係咪好出名，我話係，跟住叫佢等陣，今次行去左手邊幅連儂牆寫張memo，老母眼都凸埋：「乜呢度黃絲開㗎？」
正當我以為佢會好嬲之際，呀！又反高潮喎。
我：「係呀，黃店嚟㗎，支持示威者。」
我老母：「哦，話之佢啦！最緊要好食，又抵。」
本來想導個藍絲幫襯黃店，激一激佢睇下有咩反應，但原來藍絲係冇撐藍店嘅概念，就當佢哋又跟風搞個經濟圈都冇用，因為冇嗰份齊心、意志，同埋loyalty，你有冇見過藍絲去幫手清理360同埋排隊買爆360吖？冇！啲大媽趁火打劫入去偷嘢，要示威者喝返佢哋轉頭就有。
所以點解黃店排長龍，藍店食西北風，而啲藝人只係唔舒服戴個口罩，都會得罪阿爺而要光速跪低，擺明係畀人屈都唔敢解釋。呢啲就係藍絲嘅世界同埋價值觀，簡單講句，喺佢哋眼中，所有嘢都係condom，邊一度有利益，佢哋就挨嗰邊。
利申：呢餐我畀錢，唔會畀黃店拎藍絲嘅錢。
荃灣餐廳黃店 在 《食好西系列》黃店正宗 荃灣高質家庭式西餐廳 - YouTube 的八卦
荃灣 #香港美食# 黃店 追蹤IG獲得更多美食資訊：CITIZEN_LEE_FOOD 一名香港小市民，主要周圍食好野掃街。希望紀錄低日常食過嘅野，及向大家介紹美食及 ... ... <看更多>