XROUND VERSA 真無線藍牙耳機 - 呢款號稱媲美Airpods嘅真無線藍牙耳機，支援藍牙5.0、APTX編碼以及qi無線充電，賣價只需要HK$899，今日就同大家開箱！
隨着近年新嘅旗艦手機唔再提供3.5mm耳機插位，真無線藍牙耳機成為咗近年熱門電子產品之一，好多朋友都話花多眼亂，唔知點揀好。今日就同大家介紹一下手上呢款台灣品牌，XRound Versa真無線藍牙耳機！
對我來講，藍牙耳機最緊要睇外型、舒適度、支援嘅格式同埋藍牙版本、同埋電量以及充電嘅支援同埋表現。XROUND VERSA大細適中，外型未至於好前衛，算係唔錯嘅大路款。XROUND同全球耳塞大廠合作推出Spinfit舒適耳塞同埋獨家嘅隔音耳塞，再配合四種尺寸嘅耳勾，確保帶起上嚟舒服同埋穩固，亦唔容易滑落。我就覺得XROUND VERSA長時間戴住亦相當舒服，唔會有墜住或者耳仔痛嘅情況。
XROUND VERSA除咗支援SBC同iPhone提倡嘅AAC編碼外，更加支援對音質影響更少嘅APTX格式，配合支援嘅手機，音質絕對有保證。XROUND VERSA支援藍牙5.0晶片，除咗慳電之外，亦確保咗藍牙連結嘅穩定性，斷線嘅機會亦大大減少。用S20 Ultra手機以Moov聽歌，因為XROUND VERSA有獨家嘅3D調聲技術嘅關係，高音位同複雜位都做到恰到好處，低音嘅Base位唔算好震撼，但絕對唔失禮，亦唔會有平價耳機「太嘈」嘅感覺。
試埋睇劇喇！好多朋友反映，部份藍牙耳機會有唔對咀嘅情況，用XROUND VERSA睇咗成個鐘，都無呢個問題出現。至於收音方面，宜家呢段聲就係用XROUND VERSA錄嘅，大家又覺得掂唔掂呢？
電量方面，官方表示耳機本身可以用8個鐘，加埋充電盒提供32小時嘅續航力。要讚嘅係充電盒以USB-C接口充電，而且支援QI無線充電技術，HK$899呢個價位，相當吸引啦！
