【雨傘運動義務律師團秘書 游月華：阿銘是個子小小的巨人】
幾時認識黃浩銘？真係唔記得，可能係長毛辦公室、可能係某個泛民會議、可能係某個社運、可能在差館/法庭、也可能係一個友人飯局。我哋實在有太多共同的平台，但同呢個「生得佢出」的男孩確實幾投契。
阿銘係一個咩人？開頭識佢，毫無好感，細細粒粒，以為只是一個社運的小混混、口水佬、濕水欖核，因為跟佢見面都係傾公事，佢總是一貫的鴻圖偉略、老氣橫秋，不過思路好清晰，轉數極快，多多鬼主意，唔講唔知，原來佢得廿幾歲，有個碩士學位，更有案底（當然因為公民抗命啦）！
之後睇過佢在法庭自辯，慢條斯理但字字鏗鏘，表現令我刮目相看，連在場的資深大律師都激讚，話佢的論述好過不少真正的大律師！
玉不啄不成器，今日的阿銘已然身經百戰。有抗爭、示威、公民抗命的地方，就有黃浩銘。
印象最深嘅係佔領旺角清場後的legal visit，見到佢眼鏡爛哂、傷痕累累，傷口D血都未乾，我睇到眉頭都皺哂，佢只係村長上身同我講咗句：“幫。我。影。低。佢！” 我心諗，你唔痛嘅咩？！
但你哋又唔好睇佢粗枝大葉，其實佢有情有義，對朋友兩脇插刀。記得有朝同佢傾電話，我講到好唔開心，靜咗（其實在咽哽），佢只係問咗句：「你係邊？我即刻過嚟搵你！」佢亦真係放低剩番三個鐘
deadline的工作報告，飛的從沙田出來和我吃了個lunch，自此我哋成為咗“閨密”，出席完“分唇”通常聯袂回沙田時再傾過， 阿銘，絕對是一個很好的吹水對手。
觀人於微而知其着，阿銘毫無疑問是一個軟硬兼備又有料子的代議士，我亦肯肯定佢係一個拉布高手，因為佢真係可以好長氣！
希望今個星期日，大家好好運用你手上的一票，送一個熟政策、堅抗爭、真心守護香港，守護我哋嘅家園的人入議會！
#我撐11銘同大嚿
#堅守原則票投11
#黃浩銘 #陳偉業 #新界西
────────
社民連行動資訊：Telegram.me/lsd_action
成為社民連義工：www.lsd.org.hk/volunteer
────────
2016年立法會選舉新界西⑪候選人
選舉廣告 社會民主連線自行製作 日期：2016/9/2 數量：1
脇田兼則 在 [問卦] 柯南的朗姆三選一一下就被看破手腳? - 看板Gossiping 的八卦