《唔難發現好多香港人都好憎公立醫生》上集
最近發生了一宗醫生睇漏X光片陰影的事故。睇睇留言你唔難發現原來好多香港人都好L憎公立醫院醫生，覺得大部分醫生都一係就無醫德、一係就廢柴、一係就hea做等出糧。其實呢個現象已經出現咗一輪，不妨一齊睇下點解會搞成咁？
文科生我睇過下d comment，以下為節錄
「成2cm都發現唔到，班醫生讀屎片嫁？」
「班醫生根本就hea做，無醫德」
係理解睇唔到X光2cm陰影之前我地要先知道X光到底係乜嘢。X光是一種以放射性幅射穿透身體去形成影像的造影技術，於云云咁多種造影技術中可算是非常低清晰度的造影。
在X光裡，影像由不同程度的黑和白色組成，影像黑色定白色取決於「密度(density)」，密度愈高的就會愈白，因為幅射未能直接穿透高密度的組織，同理，密度愈低就會愈黑。所以骨頭在X光內就會是白色（因為高密度），肺部就會是黑色（因為充滿空氣）。
可能你會覺得，分黑白色到底有幾難？讀咁多年醫科都分唔到，讀屎片嫁？
是的，即使做了很多年醫生的資深醫生仍然會覺得X ray interpretation是一項很困難的工作。因為人體可不是只有骨頭和空氣啊！我們有林林總總的血管、軟組織、器官、肌肉等等，全部都不同的密度。而在進行X光造影時，有時候亦會有造影質素的問題，例如exposure, rotation, penetration, artifact, 等等的問題，令到一些細小的病變(pathological changes)難以發現。
在一份國際研究發現，即使是醫生專業的interpretation，仍然會出現誤判或睇漏的問題。在1cm-3cm的陰影裡有28%的機會睇漏，這代表著X光的sensitivity和specificity並沒有我們想像中那麼高。在理想的世界裡我們當然想達至100% sensitivity & specificity，但無奈的是現實中這並不存在。每一項的影像技術都有其局限，X光這種相對便宜又readily available的便有更多的局限。
好啦，你可能又會話，如果咁唔準咁照X光做乜？X光雖然在detect早期肺癌病變方面的確係唔太準確，但在detect其他病變方面就有其優勢，例如骨折、肺結核、肺炎、氣胸(Pneumothorax)、肺積水(Pleural Effusion)等等是相當準確的。而且X光的幅射相對較低。而且便宜又快，在眾多的Investigation裡，亦是常用的。
好啦，你可能又會話，咁點解之後個醫生發現到，但之前個醫生發現唔到？首先我地要明白一件事，就係如果係肺癌或其他肺部病變的話，持續過了一段時間的話是會變大，在follow up的X光裡亦會變得容易發現。另外，到底發不發現得到個陰影亦好取決於臨床的資訊，例如如果當時個presentation係非肺部問題，咁岩做個chest X ray的話，醫生的確係未必會花好多時間睇個肺部。但如果個presentation係呼吸困難，再肺水腫/肺積水，又抽埋水去化驗(cytology)然後highly suspicious 肺癌的話，醫生會花更多的時間睇個肺，那麼即使是細小的肺部陰影都可能會發現得到。
更加重要的是，當我地往後用咗更加準確的影像技術，例如CT scan去睇個肺，然後發現腫瘤，用住呢個finding去retrospectively睇返先前同一位置的chest x ray當然係會更容易發現個陰影。但係呢種已經有additional information的情況下進行x ray interpretation又係唔係對當初的醫生公平呢？
其實講咁耐唔係想為當初的醫生開脫，而係想帶出個訊息比大家，就係醫學係有其局限性。大家都好理所當然的覺得2018年的今日有咁多新科技和儀器，唔應該會睇漏。
但係無奈的現實係，我地唔可能refer所有病人去照更加準確的影像造影，如果下下照CT，當中involve的幅射未必平衡到當中的benefit。在理想的環境下，我們當然希望所有的影像都由放射科醫生去interpret再寫report，但係今時今日香港的醫療環境下我地又做唔做得到呢？
很多時候，我們都會對醫生和其他醫護人員有好多期望，認為醫生必然要零出錯，認為醫生要有醫德、醫生掌握緊的係人命、醫生係一個崇高的職業、醫生.......(下刪100個期望）。
但係現實告訴我們醫生也是人、任何一個醫療器材/技術都唔會可以做到100% sensitivity & specificity。呢個局限我想我們早晚也得去理解，無論我們多麼唔想去接受也沒辦法。
*雖然話醫療一日無100% sensitivity/specificity，我們都避免唔到出錯，但係我地都可以盡量去避免。好多時候我地都會習慣地覺得上手應該睇咗，無寫即係無問題（呢個practice唔係醫療人員獨有，好多打工仔都會有呢個概念），但係如果時間許可，不妨double check。you can never check enough，呢個唔單止係保障病人，更加係保障自己的唯一方法。
**香港的醫療環境一日比一日惡劣，致所有仍然留係公立醫院的醫護人員，文科生無咩可以幫到你，只希望可以透過小小的文章讓大眾更加了解大家的局限和難處。共勉之
Reference
https://www.ncbi.nlm.nih.gov/pmc/articles/PMC5338577/
肺部有白色陰影 在 法界新聞》20140825肺結節：X光片上的陰影 - YouTube 的八卦
法界新聞》受訪者： 衛生福利部基隆醫院胸腔內科主任蔡富順醫師 肺部有陰影 ，稱為肺結節。雖然不一定是肺癌，但也不能輕忽，一個有經驗的醫師， ... ... <看更多>