【全民街站 —— 當街坊居民問我國際制裁進度】
「哇，岩岩先見到你開記者會，咁快嚟到彩虹度開街站既？」
「民意戰好緊要嘛，叫得大家全民街站，當然自己都要一齊幫手架啦！」
「鋒仔見你國際線咁忙，呢啲派單張粗重野我地搞就得啦，唔洗你做啦……」
「我又唔係咁覺得，國際線接觸記者議員官員緊要，但作為政治人物，落到條街先感覺到個氣氛。」
從華府向《路透社》同埋《彭博》放風，到美國總統特朗普開記招，都不過係三日既事。呢段時間，國際戰線既節奏，快得難以想像，工作量同難度更相比起上年，完全兩個層次。
咁樣日日夜夜應對全球傳媒訪問，根本就係「用生命值硬接」，但點解仲要落街擺站，係因為落到區裡面同大家交流，就更會體會到民情，大家所著緊既事情，推動完國際外交政治到落區交流，係好震撼既。
可能大家唔會想像到，但就係一個彩虹拎住完兩袋餸既師奶，頭先下晝追住問我官員制裁名單有邊個，昨日朝早就有個返工OL喺觀塘問我，白宮幾時開記者會出招，話美國佬就算未必真心幫香港，都要借外力夾中共。
前日藍田先最爆，有個望落唔多好和善既中年啊叔，走來想同我傾計，一開始以為係果種想鬧我既藍絲，點知講多兩句，就係問話會唔會爭取取消聯繫匯率，同我講話：「習近平夠疆咪同我地攬炒，反正香港被佢搞到雞毛鴨血，我去到呢個年紀就算有包袱，都睇唔過眼……點都要拉北京落水」
國際線，過去大家可能會覺得離地，好似網上連登之類有幾多討論都好，落到街嗌咪時，都唔會突然講咩制裁、人權民主法、天下圍中果類野，但隨著國際槓桿成為香港拉倒國安法，至為關鍵既工具，我都好享受落到街派單張時，同各位街坊居民一齊，去分享國際戰線既想法。
和你抗爭，我很愉快。
————————
儘管拉人封艇，取締眾志不再是空談，留一口氣，點一盞燈，拜托大家幫忙延續國際戰線血脈：https://bit.ly/DemosistoBackup（是次籌募以美金結算）
存亡號召，絕不撤退。
————————
🎥 http://www.youtube.com/香港眾志Demosisto
📷 http://instagram.com/joshua1013
📱 http://t.me/DemosistoOfficial
💰 http://demosisto.hk/donation
🏃🏻♂️ http://demosisto.hk/joinus
————
不屈火苗 存亡號召 Ballot, or Bullet
黃之鋒 Joshua Wong・觀塘願景 - 梁凱晴 Jannelle R. Leung
聯繫匯率 在 (中字)有何處境會導致香港解除聯繫匯率及外匯管制 ... - YouTube 的八卦
(中字)有何處境會導致香港解除 聯繫匯率 及外匯管制？若解除將持續多久？解除後會導致何種結果？ 細說 聯繫匯率 的前世今生！【 聯繫匯率 第二講】. ... <看更多>