[香港 荃灣 ] 好耐冇食過 #燒肉 啦🤩牛大人 Master Beef一向好評多，最近知道佢嘅姊妹店 安平燒肉 Anping Grill 喺荃灣新開張，就趁著假日同👦🏻去試下！安平燒肉人氣十足，1pm已經座無虛席，差唔多3pm出面仍然大排長龍😱
我哋點咗 #澳洲M5和牛120分鐘放題餐($378@)，同我哋一樣係 #牛魔王 嘅話呢個餐非常抵食😏因為可以一次過食到 #澳洲M5和牛、#SRF極黑霜降牛肉眼、#安格斯牛小排、#SRF極黑一口牛 及 #SRF極黑牛肩胛肉 等多款靚牛😍除咗常見嘅牛豬雞肉類之外，仲有海鮮、台灣夜市小食及多款台灣直送食材，選擇又多又吸引！
燒緊肉嘅時候試下 #台灣夜市小食😌 炸物上枱時仲係熱辣辣，南部章魚卷、澎湖花枝排、安平炸蚵卷、鹽酥雞通通都炸得酥脆惹味！
枱上共有5種醬汁，例如檸檬汁、燒汁等、蛋黃醬等，各有特色。我自己鍾意肉類配燒汁，蔬菜配蛋黃醬，更能提升味道👏🏻 肉類質素好高，平時我喺屋企都有煮下澳洲M5和牛、SRF極黑牛同安格斯牛，呢三款牛都係肉味較濃，而澳洲M5和牛及SRF極黑霜降牛肉眼油脂分佈平均，肉質細膩，所以價錢稍高，而家放題有得任食，真係超滿足🥳另外 #上選牛腹肉 都好食，爽脆嫩滑😎
呢個放題餐仲送 #嚴選牛舌芯（每位2件），牛舌芯切成長方條狀，厚身爽滑，牛味突出之餘亦散發油脂香，令人回味💕
除咗牛之外，豬肉及雞肉都好有驚喜！豬肉類選擇多多， #厚切杜洛黑豚肉 亦屬較貴價，肉味香濃！ #原住民鹽燒肉 燒後又香又脆，都唔可以錯過✌🏻 #烤豬肉乾 亦好特別！雞類我最鍾意 #九層塔三杯雞 及 #老虎雞翼，三杯雞完全係台灣嘅味道，好入味🥰 貪心d講，如果有啲內臟就好啦😅
海鮮方面亦有回本位，有大大隻 #虎蝦 及 #帆立貝 任點，海鮮用料新鮮，而且無將貨就價，虎蝦真係又大隻又彈牙🦐
呢度仲有好多 #台灣直送 食材，出面燒肉店好少見👉🏻例如：台灣鯛魚下巴、屏東燒魚腹、雞泡魚乾、起司鵪鶉蛋、台灣小枕頭。屏東燒魚腹係魚最嫩滑嘅部位，好刁鑽，平時極少見到，所以我足足encore咗5次🙊
值得一提嘅係飲品選擇好多👉🏻有台式蘋果梳打，百香果綠茶，藍莓果茶，桂花烏龍茶等等，出面飲品櫃仲有 #冷泡茶，一來我本身好鍾意飲茶，二來食燒肉飲D茶絕對有解膩作用🍵
甜品有Haagen-Dazs雪糕及 #檸檬愛玉，愛玉滑捋捋，加埋珍珠及蒟蒻，口感豐富又清新🥰.
————-
總體來講，食物質素好高，選擇多元化又吸引，上菜速度亦好快，服務殷勤，絕對會encore！
老虎雞翼 在 匠弄。沙茶薯片雞翼Crispy Potato Chicken Wings ... - YouTube 的八卦
匠弄。沙茶薯片雞翼Crispy Potato Chicken Wings RecipesYoutube 訂閱響鈴: https://www.youtube.com/c/CookingAlley%E5%8C%A0%E5%BC%84Facebook 按讚 ... ... <看更多>