尋日六四ok事件，可謂峰迴路轉，事件由公審千禧寶寶，到一眾做訪問的90後紛紛中箭，政治嘅野真係一日都嫌多。
認真講句：街頭採訪前係必須要講明來意，除非你係打算放蛇，否則這種街頭必須清楚解釋自己媒體的背景和影片用途。在你追求自己的政治理念的同時，受訪者的知情權、私隱以至不受採訪的權利與自由，是應當被尊重。那怕是做賊的，也能面對警察說句「我有權保持緘默」。要是人家拒絕了，你就不應糾纏，畢竟受訪者不是高官也不是公眾人物，不欠你的回應。
另外，但若果開始講嘅係要對方分辨電影情節，而一個轉身就去左六四，係一種不道德的採訪手法，咁同旺角街頭做問卷「你食唔食煙架」然後sell保險的sales更過分。一來這個訪問本身已是欺騙，幸好的是這次訪問並無取得什麼受訪者資料，否則將會有個人資料的收集問題。你想像一下，要是建制也加入說謊的行列，在維園門外欺騙受訪者，希望取得他們的政治取態、立場以至個人資料，受訪者第二天才發現自己被放了上時X香港和一眾官媒，無格仔直出，我相信會很令人困擾的。
而這種圈套式的採訪，也對受訪者很不公平：要是有人先給你幾張電影劇照讓你分辦場景，突然加一幅佛祖割肉餵鷹的照片，問你有咩感受？你又唔知答完會否得罪對方（萬一對方係極端耶L想要盤點異端咁點算？）其實，你除左可以即場唸心經/背主禱文希望神仙打救外的，唯一可以答嘅，真係得返一句「ok啦... 」敷衍了事，咁都ok吧？
最後，補多句：時代變架啦，千禧寶寶唔太鬧得，要多讚賞才可以溝通。我地呢班老seafood 再咁樣_票，只會將班細路_到走曬，到時候唔好話無人抹女神像，連擔幡買水都冇呀！不論我們願不願意，未來是交到他們手的，與其鬧後生讀S片，不如諗下點樣好好的表達自己吧？啲街訪trap得佢地多，到時連街訪都無人肯做，咁點算？鬧班後生冷漠了？不過好彩，班細路唔上facebook，我地呢班維園呀叔點講，其實又好像沒什麼關係了。
#繼續東歐之旅
#烤魚拼盤
#好多魚
#個底仲有件大吞拿魚排
#二人晚餐
#飲飲食食最開心
