根據我的時鐘，
距離你們睡眠時間尚餘3個半小時，
考生不得再過份用腦，
保留腦汁於明天使用，
學左3年，唔會因為今晚計多計少一條數而令你昇 Grade，
保持自己的狀態才是最重要的一環，
明天可能的話早少少起身，食個靚早餐，
提起精神就上戰場，始終今年大勢都係較深，
心理質素才是最為重要，要有信心，
要輕鬆面對困難甚至可能出現的失敗，
但緊記考試只係同學之間的較量，
少失敗者為勝，而唔需要 full mark，
無論明天的試卷如何，不要亂自己陣腳，
亦無需要因其他考生加紙而影響自己的心情，
人地加紙係因為成條計錯，人地唔加紙係因為成條唔識計，
你才是明天的主角，所有其他考生只係襯托，
唔識做的題目不要強攻，先取較易的分數，
心情會因你手上的累積分數上升而變得寬容，
好心情計數都會易d，
如果明天要加紙，記得貼 sticker 及寫題號 以及用綠繩索緊，
三年的努力不會有任何的差池，
當考完 paper I 後就要即時忘記 Paper I，
試場中見到認識的人扮唔識佢，
切勿於等考 Paper II 的小息中與人討論 Paper I 的戰況，
要令自己心情放鬆，
時下亦有唔少人會考完之後大叫 "今年 Paper I 咁鬼易﹗" 黎擾敵。
唔洗理佢地，或者可以還他們一句，"今年白痴都識做啦﹗"
Paper II 記住條條都要寫答案，即使做唔切。
Double check 自己的身份証、准考證、入左 program 的計算機 (印有 HKEAA Approved 字樣)、鉛筆、原子筆、擦膠、改錯帶、間尺、量角器、...
放齊入書包之後就慢慢睇下d必讀公式、文字解釋、
今晚食完飯之後就做少少柔軟體操、將自己放一放電，今晚可以訓得好d。
考完明天，你的 DSE 就完成一大半，好快就有悠長假期，
俾心機捱埋佢。加油﹗我地會於明天等候大家好消息。 ^^
