//咁好啦，問題係點解無國界醫生咁驚呢？或者答案就喺《人民網》嘅一篇文度搵到，標題如下：《揭祕香港亂局幕後推手：「掛羊頭賣狗肉』的 NGO！》篇文就提到，「自今年3月份以來，香港本地約50 家、境外超過100家NGO組織先後在『反修例』期間參與亂港活動。」
嘩！有咁多間咩？官媒就好體貼嘅，當然有點名啦，帶何韻詩去國際演說嘅聯合國監察、美國人權基金會當然係座上客，至於社聯、教堂亦都因提供休息、醫療而中箭；最慘烈嘅係紅十字會，因多次於示威現場設急救站、或開班教急救，都被指為「人道主義救援背後的『攬炒』勾當」，仲要全部FB Cap圖為證。
咁瘋狂嘅論調背後，其實反映緊中國已將打壓NGO一套手段，喺香港展開。
話說，《境外非政府組織境內活動管理法》（境外NGO法），早於2017年1月生效。你要喺中國運作，首先要搵政府部門作為主管單位作為你監管，搵唔到你就開唔到Office。同時，公安亦會對機構把關，每年續簽一次，你有咩差池，你成個Office就會GG。
好啦，咁點解我會話呢條係惡法呢，因為法例規定，境外機構「不得危害中國的國家統一、安全和民族團結，不得損害中國國家利益」，或「不得從事或者資助營利性活動、政治活動，不得非法從事或者資助宗教活動。」即係話，如果中國將活動定性係非法，任你嘅工作係出於人道立場，只要你出動，你以後喺中國都唔使指擬生存。
今次歷時5個月示威，傷者無數。作為人道組織，救人本來就係職責所在，見死不救沒有討論嘅餘地，但現實話畀我哋聽，國家機器已出動，更強迫救援機構，喺救同唔救之間二揀一：一係，你就好似紅十字會咁，救人，然後得罪中國被點名；一係，你就要好似無國界醫生咁，為自保而違背成立宗旨、人道主義袖手旁觀。呢一個，先係背後的真正人道災難。//
請睇全文，相信會了解更多
by千頌C@堆填區
http://fb.com/winbigwok
紅十字會宗旨 在 中華民國紅十字會章程 的相關結果
一.關於戰時傷病兵之救護及戰俘平民之救濟。 · 二.關於國內外災變之救護與賑濟。 · 三.關於預防疾病、增進健康及減免災難之服務。 · 四.關於政府委辦業務及就業服務業務等事項 ... ... <看更多>