February 2020 #SharedomoNewbies
嗱我記得我講過2020要買少啲化妝品護膚品嘅😹😹今次個post多數都係護膚品方面嘅補給黎架咋🤪
.
//自購// BIODERMA Make-Up Removing Micelle Solution
我係Bioderma長期用家嚟，用過咁多樣卸妝產品，始終都係Bioderma令我皮膚最穩定，唔會生粒粒同暗瘡。平均兩個月就會empty一支，今次見到重光號 @cgh.online 有貨就囤定幾枝，價錢好平(大約$110一支)仲要送到你屋企🤘🏻
.
//自購// SWISSE Women’s Ultivite Multivitamin
另外一樣喺重光號 @cgh.online 入手嘅就係呢一款女性Supplement，如果有留意我嘅Story都應該記得我問過食咩supplement 可以令個人無咁易攰，有好多人推薦B雜，益生菌，或者鐵，因為我對supplement無咩研究，所以我就買咗呢一款all in one嘅試下先。佢個功效都有講明係assists energy production，唔知係咪心理作用，食左半個月好似真係有少少幫助，要食多一段時間先再同大家分享。有樣嘢好難頂就係佢浸味好臭，臭到好難以形容，再加上佢每粒丸都好大(以我家姐嘅形容係花生咁大粒😹😹😹)，頭果幾次食都會有少少反胃嘅感覺，未必個個都接受到。
.
//自購// UNICHARM 1/2卸妝棉
冇咩特別，純粹為咗湊運費先買😹如果用化妝水濕敷就會用呢一款化妝棉，感覺上好似比較節省化妝水咁，不過除此之外無咩特別。
.
//試用// LOCCITANE 蠟菊青春活肌保濕面膜
精華質地偏向乳液狀，保濕同埋滋潤嘅效果非常明顯，之前有幾日好乾用完即刻覺得舒緩左。不過佢嘅價錢偏高，而且剪裁有啲奇怪，唔太符合亞洲人面形。
.
//自購// DIPTYQUE Scented Candle #Baies 70g
之前買嘅Paris En Fleurs 就快點完，回購左呢個最經典嘅槳果香蠟燭，味道唔會太濃，聞落都好清新令人放鬆😌我唔係好識得形容味道，大家可以去counter聞下
.
//自購// IPSA Luminizing Clay
用GlamGlow 用到有啲悶所以買返以前用過覺得唔錯嘅Ipsa, 算係比較溫和嘅深層清潔同埋磨砂面膜，清潔力無GlamGlow咁高，但就無咁乾無咁刺激。最近Shiseido 用撐警劉亦菲做代言人，而Ipsa都係Shiseido Group旗下嘅其中一個品牌，大家請自行決定仲買唔買。
.
//自購// FREEPLUS Mild Moisture Soap
用哂Elta Md但又唔想幫襯莎莎，所以就去誠哥到買咗呢支用住先。同我之前用過嘅Freeplus mild soap(啫係牙膏裝個款)相比，呢枝洗面泡泡無咁乾，不過感覺上無Elta Md洗得咁乾淨，而且比較快用完。結論係我最愛都係Elta md，大家可以去anthonG或者salala beauty買🤘🏻
.
//自購// SLIP 6 Pure Silk Skinny Scrunchies
呢款絲質橡筋主要賣點係唔傷頭髮，但我啲頭髮無咁嬌生慣養，呢方面無咩必要🤣反而平時我將橡筋箍係手臂嘅時候會敏感，又紅又痕，但係做野扎辮又方便好多，所以就買左呢款絲質橡筋。雖然佢嘅價錢比較貴，但係一盒有六條，而且應該都幾襟用，所以都可以接受啦。
.
//自購// KAJER WEIS Cream Blush #Precious
之前都買過另一隻色叫 suntouched，偏橙紅色，而precious就係比較淡，橙調再勁啲嘅杏桃色。質地易blend易推，可惜最近戴口罩好少搽blush，遲啲有時間swatch哂兩隻色比大家睇😆
.
//試用// STAYMEE 1 Day Wear Soft Contact Lenses #NudyBrown #RosyBrown
B.C. 8.7mm, Diameter: 14.2mm
Nudy Brown外圈比較深色，戴上眼比較明顯同埋有神啲。Rosy Brown就比較自然同柔和，我自己就比較中意Rosy Brown多啲。質地幾水潤，戴足一日都唔會乾。不過佢嘅直徑比較大，如果追求自然偽素顏嘅感覺，呢款未必會適合。
箍牙橡筋作用 在 [矯正知識]了解拉矯正橡皮筋的功能，會更願意認真戴！ - 黃淳逸 的相關結果
甚至，說話的時候，會因為張口的力量，而讓橡皮筋作用的效果更好。配戴橡皮筋的過程中，可以鼓勵自己多開口或多說話，不要出力咬緊，這樣牙齒移動的效果會 ... ... <看更多>