鍾意食泰國嘢，但係無可否認香港好多泰菜館啲進食環境唔係咁理想。地下黐立立，張櫈黐立立，枱面黐立立，碗筷黐立立，上菜嘅碟都係黐立立，食完之後，真係成個人黐立立咁行返出間泰菜館。
不過今次喺高人帶領之下，我喺 #九龍城城南道 搵到呢間乾淨俐落兼且好食嘅「泰地道」。梗係好食啦，如果唔係高人點會行入去喎，失身份㗎🤣🤣🤣！
呢間泰菜館其實已經成名好耐，不過細細的呢一間係新開嘅，骨骨子子，食物精美，價錢便宜，而且最重要係每一樣都好好食。我唔係賣廣告，真係平靚正，一個午市套餐，一碟好大嘅飯、好足嘅料加個飲品，免加一，都係＄40，食碗墨丸紫菜河可加支可樂都唔止啦！
大力推介。想唔排咁長龍就要閒日去，因為星期六日都好多人㗎。
#何嘉麗callmegaga #何嘉麗 #為食路上 #泰地道 #高人幫我影相你認為佢技術如何 #碟芽菜仔真係炒得好好味 #有我最喜歡嘅木薯 #仲有紅茶雪糕唔記得影真係好好食
