真心ok喎的八卦，YOUTUBE和Yahoo名人娛樂都在討論

「一日三餐」是前立法會議員譚文豪，夥拍曾參選飲食界的林瑞華一起開的茶餐廳，入店的時候看到有食客一邊埋單，一邊拉著譚文豪說加油。進店後看到曾經是民望最高的立法會議員余若薇，還有不少政壇中人。

我坐下點餐後，旁座傳來一把嬌滴滴的聲音：「對唔住對唔住對唔住對唔住對唔住！」侍應小妹妹不停跟食客道歉，原來傍晚六時，食客想點米粉，侍應落單後發現已然售罄，連番道歉。食客倒也不介意，看到小妹妹不停道歉，客客氣氣地說：「唔緊要，唔緊要，我點其他嘢食。」然後報以一笑，場面好溫馨。

我忽然想起李柱銘以前說過，政客需要學會道歉，道歉要真心，道歉要做得過火，連別人都覺得「咁又唔駛」就最好。這家由尊貴議員開設的食店，店員似乎也學得一些精髓。

埋單時，我跟林生說：「咖喱焗豬扒飯又真係幾好食喎！」林生聽到，顯得很高興。雖然目前圍爐很重要，但這句話不是哄你高興，咖喱豬扒飯真係好食，大家不妨一試。

注：找店鋪地址，暫時不要用 Google Maps，要看 Facebook 上的地圖，否則有可能去錯。（我咁講，係因為我真係去錯咗另一間同名結業的餐廳。）

「一日三餐」地圖：https://www.facebook.com/ThreeMealsHK/posts/108742201086657 （去旺角通菜街搵 OK 就得）
一日三餐

話說上星期某晚。老何瞓瞓下聽到浴缸底下有聲。gwa gwa聲。即刻去睇咩事。D聲又傳上水管。懷疑有Raccoon(浣熊)爬入左屋底！@@~ 唔知係咪太肥kick住左 @@~!! 第朝發現屋旁D網真係比佢抓穿了。老何搵野封左。聽下夜晚仲有無聽。就知佢走左未！點知第晚。竟然聽到屋外窿位幅牆gwa gwa聲。7即衝出去。真係黎左。仲推緊塊板走正想入去。老公話用電筒照佢淨見到佢對眼反光(因太黑睇唔到個身) 。大家你眼望我眼。幾驚呀！憑眼高度有1歲細路咁高！好大隻呀大佬！！之後Raccoon走左去我地Backyard。但竟然響籬笆後面吼住。等7走再返黎！7照過backyard叫我同仔睇。佢真係超大隻。勁有性哩埋裝我地。之後唔夠10分鐘又聽到佢gwa gwa聲。7又衝出去 @@~!! 之後7用磚頭封左穿網。點知佢又走去屋另一邊通屋底既網抓穿。7又再用磚封網！結果好恐怖咁我響床聽到下面喪抓聲。原來佢已經入左去。因7用磚封左佢出唔返黎喪抓..... 好喇第朝。見到近車房門果邊網都爛埋(爛晒3個) 7話睇佢係琴晚左右封左出唔到黎。結果抓爛唯一無封磚既車房果邊逃走~ 7話拿拿聲封左佢。但我又諗佢咁想入屋底。會唔會係生左堆BB響入面？咁監生餓死佢地好無陰功喎！T.T 我扭老公爬入屋底幫我睇下有無野先安心。但佢好驚響入面見到隻肥野。因屋底好窄轉唔到身。真係撲埋黎可以死響入面。佢自制左支長茅入去。同埋用hand free同我聯絡住~ 拿成單野係幾好笑。但要入去的7其實勁想喊。真係恐怖的。入面全黑仲OK。講緊分分鐘會響轉角位見到果隻大Raccoon @@~!! 好彩檢查後無野響入面。最後安心封晒D穿網。自此都無聽到佢再返黎了~ 我老公真係好堅！真心覺得有佢響度乜都攪得掂 haahaha 型呀！

#throwback

早幾天跟兩個朋友吃晚飯，其中一個問：「一個禮拜要寫一篇，你邊嚟咁多靈感？」

近來，某些非常熟絡的朋友見到我，總喜歡問葉朗程的事，不是順便問，是重點問。我覺得自己個答案幾型：「唔使靈感，有呼吸就有嘢寫。」

使唔使咁寸呀，呼吸我都識，又唔見我有嘢寫？

「身邊發生緊嘅每樣嘢都有價值，一個阿伯過馬路都可以係一個故事，呢啲叫觀察力。」

另一個朋友搭嘴，個勢似想挑戰：「樣樣嘢都可以係故事？」

佢咁問，我有少少淆底，唔知佢諗乜，於是說：「98% 囉。」

咁不如我幫你開個題，等你下個禮拜寫。

「開乜嘢題先？」我問。

就在這時候，侍應姐姐問：「幾位，煲湯使唔使幫你哋分？」

我們三個在西苑吃飯，除了叉燒和杏汁包之外，西苑最出名就係呢個湯。呢煲湯唔係普通嘅湯，係聞名遐邇嘅「爵士湯」。據說在 70 年代，這湯是鄧肇堅爵士的至愛，爵士湯因而得名。

「葉朗，就寫湯啦。」

No problem，由細到大飲過咁多碗湯，要由一碗湯寫個故事出嚟，應該沒有難度。

媽媽是煲湯高手，所以從小就知道「湯」的精髓在哪裏。

一煲湯，放兩隻雞，三兩花膠，四件乾鮑，總之就是最靚最靚的材料，燉足八小時，然後試一口，有幾好飲？答案原來是難飲到極點，原因何在？Very simple，因為冇落到「鹽」。

細心想想，很諷刺吧。落齊哂價值連城的山珍海錯，竟然就是因為缺少了那幾茶匙賤價到不能再賤價的鹽，而令到一煲靚湯連飲都飲唔落。

幾時都話，簡單的生活小智慧，可以讓眾生悟出大道理。Open for discussion，剛才的煲湯比喻，讓你悟到什麼真諦？

問小朋友，他們說：「呢個故事係話，唔記得落鹽就大件事，所以凡事要小心，媽咪話做完功課記得 double-check，careless mistakes 最唔抵。」呢個答案 ok，起碼 makes sense。

問師奶，她們說：「兩隻雞三兩花膠？你煲湯好多人飲咩？仲有，邊有人用乾鮑煲湯㗎？梗係落青邊鮑啦！同埋話時話，點解要落鹽呀？唔係金華火腿好啲咩？」有時候，真係唔係好識同師奶溝通。

問中環人，他們掩著半邊嘴笑說：「呢個比喻我明，每個崗位都有其用處。花膠有花膠用處，鹽有鹽用處，正如好人有好人用處，賤精有賤精用處，所以賤精永遠是老闆。」

小朋友的答題技巧，師奶們的煲湯心得，打工仔的職場哲學，也許都有其深遠的道理。如果你問我，一煲湯又會蘊藏著什麼重大啟示？先跟你分享一個故事，關於一個中環人的故事。

Kenneth 和 Jane 拍過兩年拖，兩個都是我的朋友，我跟 Kenneth 較熟，他在投資銀行工作。幾個月前，從 facebook 上得知，兩人已經分手。合則來不合則去，感情告終，本應只是他們兩個人的事，但世界上總有好事之徒希望八卦當中內情，我就是那個好事之徒。

「邊個飛邊個？」我問 Kenneth。

戀愛遊戲，經歷兩年，埋單計數，誰勝誰負，身為他們當年的媒人，Kenneth 有必要向我交待。

Kenneth 呷一口還在冒煙的綠茶，輕輕嘆口氣，苦笑反問我：「你話呢？」

心諗，阿茂都估到係你畀人飛啦。

兩年來，聽過其他人談論他們的感情狀況，Jane有很多不滿 Kenneth 的地方。

第一，不滿他開口埋口都是工作。「唔係講個客，就係講老細，唔係講老細，就係講佢嗰啲 deal。」

第二，不滿他沒有足夠時間陪她。「平日做到十一二點都算啦，連 weekend 都要呢度飛嗰度飛，佢對住本 passport 嘅時間仲多過對住我。」

最最最不滿，就是除了工作以外，他真的什麼也不懂。

「我超記得，嗰次一大班人食飯，其中一個 friend 叫佢揀支酒，佢揀嗰支，難飲到你唔信，都唔緊要，你知唔知佢同個 waiter 講乜？」呢吓真係經典，百聽不厭。「佢係叫酒嗰個，人哋 waiter 哥哥梗係第一個斟畀佢，點知佢話：『點解得咁少？』我啲 friend 全部爆笑，原來佢唔知呢個世界上有樣嘢叫做試酒。」

講真，要個男朋友有生活品味之餘，又要佢擺工作喺第二位，跟住大把時間陪你，咁即係想搵個富二代囉。

「係阿 Jane 走寶，唔使灰喎，天涯何處無索女。」我跟 Kenneth 說，是真心話。

怎料，Kenneth 再呷一口綠茶後，臉上竟然綻起如沐春風的笑容。

「灰？邊個話畀你聽我灰？多謝佢都嚟唔切。」Kenneth 說，然後把他的電話放在我的鰻魚飯旁邊，螢光幕是他和一個陽光少女的合照。看真點，那個女孩我認識的，好多好多人追，但係冇聽過話佢有男朋友。

「呢個咁似 Kelly 嘅？」我問。

之唔係佢，Kenneth 說。

佢喺你公司好耐啦喎，無端端點樣 hook up？「都真係幾無端端。」Kenneth 吃一口天婦羅說。

放工時候，Kenneth 和 Kelly 咁啱一齊等的士。兩個人談起公司最近的 deal，Kenneth 開始發表偉論。「有陣時上市，唔係淨係講實力嘅。就算間公司唔係好大，如果個 market 冇乜同類公司上過 (市)，個 valuation 都可以谷大啲，scarcity value 嘛。」

Kelly 沒有說話，也沒有點頭，根據 Kenneth 形容，她只是靜靜的看著、聽著。「Sorry，我講嘢係唔係好悶？」唔係呀唔係呀，你講得好呀。「係囉，所以係第三、四間上，個 market 好容易 cap 咗個 ceiling，到時冇肉食啦。」一個木獨佬講木獨嘢，竟然撻著咗 Kelly。聽你講嘢，有啲暈暈哋嘅感覺，Kelly 說。「悶到暈？」No，型到暈。Jane 覺得是缺點的地方，在 Kelly 心目中，竟然型到暈。

每個人都是一個 package，有缺點，也有優點。我覺得是優點，你可能認為是缺點。無論喜好如何，也要學懂包容對方缺點，而更重要是，多看對方優點。這樣的話，感恩之心便會油然而生。

愛下去，有時候就是靠一顆感恩之心。

網上看過有段話，值得深思。選擇了外表好的人，你就要接受他不能給你安全感；選擇了事業心重的人，你就要接受他不夠顧家；選擇了理性的，就要接受他的計算；選擇了果斷的，就要接受他的固執；選擇了能幹的，就要接受他的霸道。世界上，從來就沒有十全十美的人。

當然，選擇一個人，就跟選擇一煲湯一樣。千萬不要被花膠鮑魚這些外在因素蒙蔽你，因為一個人最緊要是內在美，即是那幾茶匙毫不起眼的鹽。老掉牙的道理，beautiful things are not always good，but good things are always beautiful。

===============

最適合的人，有時候不是用眼去尋覓的。

閉目，深呼吸，那個人總在你的回憶裏。

And the sad thing is，也只能在你的回憶裏。

麻不甩

主唱：Yellow! 野佬
作曲：Yellow! 野佬
填詞：梁栢堅．Yellow! 野佬
編曲：Yellow! 野佬
監製：Yellow! 野佬．Sammy@KOLOR

歌詞

一開波經已表態　我地確實係單拖
(曳曳曳曳曳曳曳　曳曳曳曳曳曳曳)
番工齋hea 做唔掂檔　一開工　上高登最繁忙
(曳曳曳曳曳曳曳　曳曳曳曳曳曳曳)
一放工我先至開竅　走去賭馬撚雀冧下莊
(曳曳曳曳曳曳曳　曳曳曳曳曳曳曳)
搵巴打　輕鬆下　杯杯清　yeah
一眾麻甩好友　group chat 裡約實打波　冇個浦頭
一眾麻甩損友　一飲勝　我地冇輸過
喂　嗱　其實我搵到自我
真心架　無謂太乖　成棚傻人唔收口
一飲醉講嘢癲喪　一訓醒我入咗廠
樓無錢買　份糧用晒　交稅卡數　交息去銀行
一個人無乜嘢束縛　點會一世任你綁
麻甩佬　鬚根騷　杯杯清　yeah
一眾麻甩好友　三字頭　冇伴侶捆綁叫自由
一眾麻甩損友　都知道　你係要請我
喂　嗱　其實派帖咪預我
喂　睇下　除笨有精　一班寡佬蛇貓狗
一世麻甩咀咒　駛講嘢　無物無錢無隔夜仇
一個麻甩私竇　駛乜理　佢係似狗竇
一眾麻甩好友　三字頭　冇伴侶捆綁叫自由
一眾麻甩損友　一飲勝　各地靚酒喎
喂　嗱　其實我飲到未夠
吹水咋　無謂太乖　成棚傻人唔洗抖

《傳統三大智慧》這次賣書《李根興的生意哲學》對你做生意的啟示

希望你唔好覺得我好「吋」，在玩嘢...! 我只想真心同你分享我的思維。

中國人有什麼傳統三大智慧，在這次賣書過程都好有用?

想預訂我親筆簽名的新書《李根興的生意哲學》，可以whatsapp我(＋852) 90361143。

內容包括(1) 創業勵志故事，(2) 生意理論，(3) 商舖知識，(4) 創業隨筆。三百多頁，定價HK$198，2020年第二季出版。

P.S. 我只whatsapp 回覆至新書No. 854，其他會未來一兩日內會回覆。俾我一家人放下假先?

#賣書的傳統三大智慧
。。。。。。。。。。。。。。。。。

錄影日期2020年1月30日星期四 at Lake Tahoe
全文內容:

首先希望大家在香港保重，身體健康。 我而家嚟咗Lake Tahoe 呢度同外母一家人趁農曆新年滑雪，到處走走。

嚟緊第二季我會出本書叫做【李根興的生意哲學】， 內容包括好多勵志故事，生意理論，商舖知識同埋創業隨筆。基本上就係我過去18年創業的經驗同理論炒埋一碟。 我爸爸，亦都係我偶像，會幫我寫個「序」，總括佢1973年大陸落嚟香港兩手空空對我嘅創業忠告。 我三個女幫我用手畫緊個封面， 唔知係乜，佢哋話事，可能係個月球，可能係隻烏龜，whatever they think it's right. 到時你睇到。我仲已經搵咗多位商界名人，每人幫我寫三至五個創業原則同謬誤。全書約三四百頁。2020年第二季出街。定價港幣$198。

本來我都冇諗過突然賣書， 只係飛嚟嘅時候冇嘢做繼續要proof-read 本書，機上 wifi 有人問我幾時可以預訂，我畀咗個whatsapp number，就馬上收到好多order，兩三日內就賣了過千本。I have lost count, 未有時間數。So far 千四五左右掛。我唔係靠賣書搵食，not sure .....

我目的唔係想show off，反而係賣書過程入面有啲中國人嘅傳統智慧對我有三大啟發， 肺炎疫情總會過去, 可能到時對你做生意都有幫助。

(1) 「物以罕為貴」。

Whatever you sell, try to make it limited edition (限量版). 普通一本書印十萬本都得，但如果十萬本都一模一樣，就唔珍貴。 我自己頭嗰1000本就講到明有編號， 蓋章，簽名，加個人化的message，一千本之後就無 number 。

你做間茶餐廳都係一樣，每日都要推出啲特別限量餐，要講到明限幾多份，不斷update 剩幾多，咁人客先會覺得緊張，好嘢才爭住買。 亦都因為咁，你有冇留意到airlines網上嗰啲訂位，永遠都係得 few seats left for this price，幾個坐位剩，之後可能都只係加幾十蚊又有位啦， 但啲人客見到 few seats left for this price 就緊張好多，馬上訂位。

(2) 「瘦田冇人耕，耕開有人爭!」

之前啲人訂書，都係一本一本咁訂，whatsapp 覆到我手軟。 後來啲人就馬上平均訂書數目飆升咗兩三倍，點解? 因為我加咗句，限量每人五本，再後來改做每人限三本。 咁啲人可能覺得:「嘩，限三本，咁梗係好嘢!」，馬上個個都訂兩三本。 馬上賣得好快。

記唔記得我同你講過, 美國人好鍾意飲金寶湯。 超級市場想賣多啲金寶湯嘅方法唔單止係減價，根據1998年美國 Journal of Marketing Research 三位教授研究咗86間超級市場指出，佢哋發現如果純粹減價，由每罐美金89仙減至79仙， 平均每個人會買3.3罐。 行過買嘅機會率係7%。但如果擺個sign 喺度 Limit 12 Cans per Person, 每人限買12罐， 咁啲人睇到 limit 12罐，一定係好嘢啦， 個個係咁買，咁樣平均每人買就會由3.3罐提升至7罐。 行過買嘅機會率亦都會由7%提升至9%。 咁.... 總生意額就可以升咗165%。

你盤生意， 又有冇咩係可以唔單止限總數，仲要每人限量呢? 每人限食兩個特色漢堡包? 每人限飲三杯特色 milshake? 「瘦田冇人耕，耕開有人爭!」，中國人幾千年嘅智慧有佢嘅道理。

(3) 「小財唔出，大財唔入」

有冇留意到，我話部分靚嘅number我會出錢以倍數價錢回購。我回購咗1，2，10，18，111等，仲有其他我出咗錢，買家唔肯賣俾我。

It's not about money! 我做咗個 test， 當我話用作慈善用途，個個都賣比我，但如果我話我自己日後可賣貴啲，就個個都唔肯俾我。Why?

根據哈佛行為經濟學教授 Francesca Gino，呢個叫 Endowment Effect (禀赋效應)。人無嘅時候，就唔介意繼續無。但一擁有咗，就唔想無。 除非知道係畀另一個人，比佢更加差，能夠令佢好返少少，咁佢又唔介意再無喎。 即係等於做慈善，個個都ok，接受我個價。

但如果要令到佢由有變無，目的係令到另一個人更加好，比自己仲好的話，佢又唔制喎。 因此我話我想回購再賣高啲價，個個都唔肯賣畀我。

但賣唔賣畀我，唔重要。最重要嘅係，佢接受咗我嘅價錢，佢開心收到多啲錢，肯定周圍同人講。 即使唔接受， 都已經覺得自己賺咗， 肯定更加珍惜本書， 都係周圍同人講。變相免費 word of mouth marketing (口碑宣傳) 亦都係最有效的marketing. 有限錢，最緊要大家happy.

你做生意都係，「小財唔出，大財唔入!」。 開緊茶餐廳，試下每個碟有個number， 到某個幸運數字嘅時候，就請個人食餐飯。或者同佢講，佢可以選擇免費，捐咗個餐錢去做善事積福。

你食物成本最多幾十蚊，每日送十個、一百個都好呀，有限錢，但肯定 word of mouth 嘅 marketing effect 好大， 餐廳一定大排長龍。 我都會落嚟幫你宣傳送你啲「良心餐」出街。 好過為咗省成本，社運/肺炎，逆市白交租，拍烏蠅。

總之，「物以罕為貴」，「瘦田冇人耕，耕開有人爭」，「小財唔出，大財唔入」， 做茶餐廳，做牙醫，做運輸同樣道理。中國人幾千年的傳統智慧有佢嘅料到。我唔係靠賣書搵食， 都係兩三日單靠facebook 賣千幾本。 對我自己做商舖基金都好大啟發。你呢?

It's a good book，我畢生智慧係晒入面，想有我親筆簽名，whatsapp me at +852 9036 1143。出街時通知你點攞書。如果你 message mark 住以上「三大智慧」其中一個， 我會親筆係本書入面「第四個智慧」特登 Blank 咗嗰頁寫埋畀你 ? 其他人無㗎，大家香港保重!

李根興創業之友 https://www.facebook.com/EdwinNetwork/

李根興商舖之友 https://www.facebook.com/edwinprimeshop/

李根興 youtube 商舖創業及投資分享https://www.youtube.com/channel/UCEN66AnLghXESgCDIsz-3Nw

好感謝呢間銅鑼灣新開樓上泰國菜邀請我去試食，平時如有餐廳邀請我去試食，一般我都係FB/IG出個POST寫返試食後感想就算，要動用到我拍片剪片除非我真係好想，但今次呢間新開的樓上泰國餐廳我真係好有衝動自薦為他們拍片宣傳，一來我同佢地聯絡得知他們都是同路人，(相信呢個都係佢地搵我的原因）而且仲是良心小店，雖然佢地先新開張2個幾月，已計劃去幫助社區有需要人士，黎緊每星期仲會派發愛心船麵等，二來的上佢地FB PAGE見到個泰國老闆娘的追夢的過程而感動，所以都想盡少少綿力幫呢間良心小店拍條片宣傳下。

本身我去試食都無咩特別期望，始終我食過好多間好味泰國野，點知今次真係俾佢驚艷到！老闆娘真的超用心製作每道菜，估唔到咁高質！除左驚艷仲有驚嚇，後面泰國老闆娘超熱情竟請我地食佢家鄉生曬田雞乾@0@！！真真......真係多謝晒呀......不過食落又OK喎！HAHAAA～～ANYWAY有良心又高質的泰國餐廳好值得大家支持，不過因佢地開係樓上酒吧內又遇上第4波疫情而冇得做堂食，生意點都有影響，只可以做外賣，如果大家經開銅鑼灣都可以多多支持佢地呀，宜家外賣自取仲八折～

店名：泰妹麵
地址：銅鑼灣謝斐道460號楊耀熾商業大廈3樓

大家仲可以係不同的外賣平台搵都佢地GA，同可以FOLLOW埋佢地 FB/IG：@泰妹麵thaimuinoodle

同埋今次條片多謝好友BO2擔任嘉賓同我一齊試食，條友真心好好笑XDXD希望可以下次再邀請到你^^ 我知道大家想要靚女IG架啦XD， IG在此＞＞＞ @bo22222