《新年快＿》
今日同大家講既野其實有少少掃興，所以最好都係趁年卅晚講喇，費事新正頭講出黎唔老黎。拿其實咁既，我首先要聲明一點：就係依家係牛市，只要恆指唔再次跌穿50月線（相當於27000點）既話，都係牛市。
好喇，我今日想講咩呢？1月21日，恆指第一次上30000點，當其時係一口氣直衝，升不估頂咁既格局。1月25日，即係隔個週末，恆指第二次衝30000點，我話「無比較無傷害」一比，就發現當日個市升700點有一半係靠騰訊（700），而另一半係靠美團（3690）同港交所（388）。我話咁唔全面，市寬太窄，假，唔可靠。之後，恆指三日跌左1500點。
响眾人最恐慌既時候，我衝出黎派定心丸，我話依家係牛市，唔需要拋售，揸穩手貨，咪埋眼挨上去。好老實，我無唸過恆指會有機會响新年之前再次上到30000點，甚至係突破點數收市。不過，有樣野我好想帶出黎俾大家關注：就係恆指第三次黎到呢個位，無論係大市既成交、相對強弱指數（RSI）同資金流都出現左顯著的背馳，即係反映指數虛高。
先講成交：上次既高位有3000億，尋日得1600億，少左一半。之後係RSI：上次既高位87，今日得67，連超買都未到，但指數破頂？跟住係資金流：其實我芒住既唔係呢個CMF，但礙於自家系統唔想流出，惟有拎呢個頂替；淨流入响21日見頂，之後個市一路彈，佢一直流出，唔好講話上唔返前頂丫，得罪講句，其實係上都無上過，繼續一直流出。
客套既說話唔講喇，直落總結：農曆年前夾硬夾高，係真係假，自己判斷。同樣既情況可以好清楚咁响幾隻市場趨之若鶩既股份，包括騰訊（700）、微盟（2013）移卡（9923）等等（不能盡錄）通通看到，一模一樣！
但你記住我第一句同你講過既說話：就係依家係牛市，我無叫你反手做淡，有貨係可以keep既，只係你要知道成件事唔穩陣。Party會繼續架，你可以繼續high，但係要盡量企近門口，火燭起上黎既話你要走得最快。
🙃
#港股 #恆指三萬點 #第三次上試
相對強弱 在 【技術分析教學EP1】RSI相對強弱指數是什麼?? - YouTube 的八卦
今集我會跟大家解釋什麼是RSI 相對強弱 指數，之後再用不同例子去講述RSI 相對強弱 指數的應用方法，希望幫到大家更加全面去做一些股票的分析。1. ... <看更多>