Search
今日自己喺茶餐廳食lunch, 隔離檯對情侶商量食咩, 個肥妹都幾肥, 嗌好多好多嘢, 夠五六個人食咁多. 嗌完嬌嬌地問男朋友: "哎呀,會唔會叫多咗😣今次又肥返啦實😣" 男朋友溫柔咁摸摸佢頭: "嗌囉, 鍾意咪食囉, 你都唔係好肥姐, 今晚陪你跑步喇.😊"
好sweet........個男仔真係好好啊.我相信肥妹都係好好所以先搵到個咁錫自己既人.
「其實唔係每個女仔都鐘意係情人節收花同去食貴又唔飽既情人節大餐❣」
仲係一個妹妹仔既時候，有段時間我係辦公室front desk做野，每年一度既情人節 我幫同事收花都收到手軟。
當時見過最誇張既係有女同事同一日收到三紮花，分別來自唔同追求者，其他女仔眼紅啦 就暗地裏話佢「收兵」「發姣」。連平日係公司入面個位西口西面既阿姐都收到紅玫瑰一紮，其他人就忍唔住話：「肯定係自己買 然後寄去office啦。」
我諗指定要係情人節收花 唔多唔少都係為左滿足內心個幾份虛榮心，等全部人都知道自己有追求者，男朋友/老公好錫自己。又或者當見到街上面其他女仔手上一紮二紮，自己手上連草都無條個陣，內心難免有點在意。試過聽到個女同事話佢每年情人節都要佢男朋友送花或者手袋,我心諗:做你男朋友都幾慘。
但其實 情人節買花好貴，好多比較靚既花束都要過千蚊，但轉過頭放幾日就謝曬，抵唔抵買就見人見至啦。
記得第一年同男朋友拍拖，佢有送花又帶我食大餐，當我知道佢淨係為左個日就洗左幾千蚊既時候，我同佢講:「多謝你今日安排左咁多野，不過試過一次就夠啦，下年唔洗再食大餐俾人呃錢，同你一齊食乜都咁開心。」
或者你會覺得我唔識趣，但係我會寧願用個舊錢去做d更有意義既野或者一齊去旅行。
其實「愛」唔代表要男人花好多錢係自己身上先稱得上係愛。幸福唔一定要張揚，欣賞佢平日為你做既事，一個體諒既擁抱，一個關注既眼神，已經足夠長長久久。
你對他好 他對你好 其實每天都是情人節，不是嗎？💕
祝各位情人節快樂。
＿＿＿＿＿＿＿＿＿＿＿＿＿＿＿＿
IG: genie1184
FB: 空姐發夢日記 A daydreamer 's diary
謝謝
😫😫😫😫😫😫
尋晚經歷左入行7年
第一次趕deadline交野
第一次咁夜先訓
因為臨近收爐就係交野既時間
大家明白左呢行既規則
放假前忙交野。
放假忙交定野。
放完假忙繼續交野。
年終冇休。
但我好多謝身邊有個男人
（我知佢有睇呢個page.
所以我要讚下佢
大家都要讚下佢😂但佢已經係我囊中物❤️）
尋晚佢係電話陪我做住野。
眼訓都唔訓。叫佢訓又唔訓.我不知幾想訓
佢係咁叫我加油💪🏻想幫又幫唔到我都要陪😅
「男朋友」呢樣野。入行前真係要搶返件😂
因為好多時佢就係你既心靈雞湯🍲
由讀緊幼兒教育已經有佢陪我行呢條不歸路
到依家都係佢繼續聽我講呢行既野
佢應該獲得好多呢行既資訊..
（例如做portfolio..儲垃圾..女人是非😅）
雖然佢都唔係好明成間學校都係女人既工作
覺得咩都好易解決.出聲就得..
但佢都仆心仆命咁幫我哄我幫我鬧人
得閒又黎學校幫我上吊..做下呀4！
返工遇到既野又會同佢分享
佢好樂意聆聽我講埋d好無聊既野
同埋唔好笑既野佢又覺得好好笑好得意
當我唔開心好勞氣時
佢最鍾意就話「唔好理啦」以為就解決到😂
仲有佢唔會嫌你.沙聲爆瘡放工瘋婦樣
其實所有野我都感受到佢既關心同埋愛
最重要呢個男人明白呢行既辛酸
所以佢會更加識得照顧你哄你❤️
幼稚園老師既男朋友/老公真係好重要
今晚不妨對佢講句窩心既話😉
# 其實女朋友係幼稚園老師都好好
因為我地會好似照顧小朋友咁揍男朋友
第時自己既孩子更加識教😏
大家既男朋友要記得好好錫住你個..
「日做夜做」既幼稚園老師女朋友
所以呢個page既名就係咁意思😌
最後我都要好多謝屋企呢個支持
呀媽成日幫我儲垃圾
呀爸知我臨急有野買聽日上堂用又即刻幫我買
雖然我係屋企成日好少講野（返工講太多了
但我體會到身邊錫自己既人❤️
多謝大家🎉🎉
我會繼續做好呢份工💪🏻💪🏻
但我會繼續倒數3日就放假😏😏😏
