分享一件發生喺我公司嘅事，冇記錯應該係兩年前左右。
某日我做做下嘢嘅時候，聽到有人喺門口reception個位大吵大鬧，成班同事都走咗出去睇，不過仲有啲女同事因為太驚，只敢遠觀，喺office望出嚟裝下裝下。
如果大家唔善忘，應該記得我話過receptionist姐姐好鍾意搵我笨，呢次都唔例外，過咗一陣個內線就響起：
「喂喂，你可唔可以出嚟幫下手，個求職者嘈得好緊要，有另外一個女仔（佢指另一個本來坐喺梳化等緊嘅求職者）都畀佢嚇走咗。」
我心諗，你打得我內線，我又咁唔好彩接咗，唔通唔出嚟咩！
出到去我見到一位男士，目露凶光睥晒每一個望住佢嘅同事，包括我，然後係咁鬧係咁鬧，當中都夾雜咗唔少粗口。
原來呢位男士上到嚟之後就畀receptionist安排咗入房填form，期間receptionist不斷打內線畀嗰位約佢上嚟嘅同事，但係呢位同事就一直喺度講緊電話，據聞係同一個本地大集團客人傾緊其他position，大茶飯大生意，而receptionist亦都行過埋去佢個位，話有求職者等緊佢，只係呢位同事完全冇理，仲做咗個手勢叫receptionist行開。
咁呢位求職者究竟喺房等咗幾耐呢？唔計填form，齋坐都坐咗兩個半鐘，所以破口大罵嘅內容就係以下呢堆：「我等咗兩個半鐘呀！你哋公司咁樣對求職者㗎咩？你哋嗰啲係時間，我嗰啲唔係時間呀？我特登請假過嚟，連埋頭先填form就嚟三個鐘喇，唔想見出聲吖，唔係得你哋一間獵頭公司㗎，你哋真係好唔專業。」
我行埋去佢面前講咗一句：「先生，唔好意思，不如我哋入房再傾吖。」
然後佢就指住我講：「傾你老母，等咗你兩個半鐘，你有冇過份啲呀！」
因為佢未見過我同事，因此以為係我約佢上嚟，於是我講：「約你嘅人唔係我，不過佢仲講緊電話，如果唔介意，不如等我同你interview吖。」
呢位求職者稍為收咗啲火，但仍然係咁鬧，然後一路鬧一路跟我入房，當時我只能靠佢所填嘅form略略知佢in咩position，略略知佢咩background，而呢個position究竟有咩要求？係邊間公司搵我哋請？而個position又係幾錢人工？我全部都唔知，因為我安頓咗個求職者之後，一度走去同事個位想D7佢，已經諗好行埋去就一嘢幫佢cut線，點知行到去先發覺佢唔見咗人，我連想問齊以上資料再入去in都唔得，最後我同個求職者傾咗幾句，再另外幫佢問其他team有冇適合工作，幫得盡量幫，唔好要人白行一趟。
我想問幾個問題：
1）我同事係咪離晒譜？
2）我公司係咪好過份？
3）求職者遭受咁嘅待遇，佢出嚟reception大吵大鬧係咪唔啱？
4）我係無辜，要放低自己工作去做一個無預計嘅interview，仲要畀佢指住鬧，你覺得我應唔應該體諒佢？
其實個求職者有影響到我，不過我完全諒解，佢只係嚟見工，想有一個正常嘅interview，但冇人比到佢，負責嘅同事潛水，等了又等都冇人理佢，我竟然聽到有同事講：「點解佢要出嚟嘈？留喺間房度咪得囉！騷擾到其他人吖嘛！」
如果佢留喺間房入面，應該唔止等兩個半鐘，可能係三個鐘、四個鐘、五個鐘，甚至冇人發現佢存在。佢係騷擾到其他同事，騷擾到receptionist，騷擾到另一個求職者，但亦都因為咁，最後先得到正視。
要怪嘅，唔係怪呢位求職者，而係怪嗰位不負責任嘅同事，佢先係成件事當中最仆街嗰個。
#香港人明白嗎
#匿埋嘈係冇意思
#要迫佢正視
#要分清楚邊個先係最仆街嘅始作俑者
男士獵裝 在 男獵裝西裝-PTT/DCARD討論與高評價網拍商品-2021年10月 的八卦
男獵裝 西裝在-PTT/DCARD討論與高評價商品，提供男獵裝外套在露天、蝦皮優惠價格，找男獵裝西裝相關商品就來飛比. ... <看更多>