你寫啲咁嘅稿過嚟，500蚊稿費沒收！買物資用！
＝＝＝＝＝＝＝＝＝＝＝＝＝＝＝＝＝＝＝
投稿人：雨水一盒
好多人話唔明白點解要反修例，我明白人各有志，人各有立場，唔想對「不表達」，「不支持」嘅多加鞭韃，今次分享一個親身經歷，聽咗，希望可以引起你不安。
我有一位親戚喺內地生活，屬中產人士，佢係一個知識水平極高嘅年輕人，我哋感情幾好，每年都會見面交流下中港情報。六月十三號朝早，佢冒住生命危險喺微信問候我，佢話知道香港有大事發生，但所有消息已被屏蔽，於是我將第一手情報話俾佢聽，喺微信上打字同發圖。講晒前因後果，突然佢同佢女友都相繼發出一段信息，如下：
「坚决拥护党中央国务院的领导，坚决发对一切破坏国家分裂行为」
我當時第一直覺係以為微信被hack，讀到我哋啲關鍵字後自動切入呢啲洗腦信息。但原來唔係，睇返上面嗰一句，原來係因為佢哋要打呢句作為愛黨聲明，以免俾人入罪。
重點係乜？
修例後最恐怖嘅唔係人人都有機會被送中，而係嗰種「自我審查」嘅終極恐懼，就好似政府喺大家心裏面種咗一粒恐懼種籽，令到呢種恐懼深入潛意識，以後你每做一件事、每講一句話，你都會潛意識恐懼碰到中共底線。
我亦曾聽過有朋友話返大陸消費同按摩技師閒談間，朋友不斷講及內地政治，結果被呢位技師即時阻止，希望佢唔好再講，因為中共「聽得到」。
係咩環境可以令一班人集體噤若寒蟬？連講都唔得？連不滿嘅權利都冇？
係因為佢哋嘅個人恐懼已經變成集體潛意識，佢哋只有全民開動「自我保護機制」，認同中共嘅做法，以免令到自己情緒淪陷，覺得生命受到威脅，先可以逃過一場身心浩劫。呢種心理現象大家都應該聽過，叫斯德哥爾摩症候群。
結果權貴因為恐懼，走資移民﹔中產因為恐懼，要無時無刻表態愛國愛黨﹔基層就連諗都唔准諗，黨說甚麼便是甚麼。
香港過去廿年其實一直經歷緊「自我審查」，而修例係將「自我審查」嘅底線再拉低，即係話無論你喺邊一層，最有可能發生嘅係，條例通過後每個人都會被「送中」呢個念頭迫到情緒臨界點，為咗令自己唔覺得受威脅，會慢慢說服自己「你睇，都冇事發生﹗」，同時如果中共冇乜大動作，一段時間後會有一大批無立場或者立場唔堅定嘅平民開始認同中共做法。
再過多幾年，「黨說了算」係極有可能喺香港發生的。
每一個人唔會再有個人選擇權，而係綑綁成集體，聽黨指示。
我唔希望我哋同下一代連表達自由意見都要用曲線方法，每講一句說話都要落愛黨聲明。
我希望香港仍然有結界，仍然有底線，而我哋無論而家定今後，都要盡全力去守住呢條界線。
生活hack 在 生活智慧| Life Hacks (Introduction) - YouTube 的八卦
Suggestions for car buying and organizing your closet關於購車和整理壁櫥的建議收看影片：#1 本篇介紹https://youtu.be/RPlGXquhC0I#2 洞見 ... ... <看更多>