Search
睇新聞見到🇰🇷🐠 says goodbye，從❤️底滾動出來，我對政治冷感，但對呢條友完無好感，何解？因為高雄民眾選佢出來做市長，當民眾最需要佢嘅時候，佢竟然講 I am no service，走咗去選總統，係咪痴線😡咁跟我屋企比人打劫時，打999 call👮♀️無人聽有咩分別😭正所謂養兵千日用在一朝，我買得🐮🐻一定要搵間輪商開價穩定，我聽過有其他服務性行業好離譜，明明人哋call service 自己遲到，佢仲夠姜反兇你「你咁樣係唔會令我驚㗎！」😱所以咁多年我都鐘意幫襯瑞信Ivan買🐮🐻，勝在服務夠穩定，從未令我失望👍，每晚10點半我睇
https://warrants-hk.credit-suisse.com/tc/cbbc/outstanding-chart ，都未出現過no service，比咗我好大信❤️，Ivan💪
上述純粹9up，如有雷同實屬巧合😂
【龔成問答信箱】（Q16381-Q16400）
Q16381：
老師，由睇你既第一本書，到早幾年msg過你，點解你可以咁堅信自己？ 好似你之前share個post: 相信自己，就一定做得到
好似考份工咁，可能幾千人爭20個位，機會唔高，身邊人人3大一樣，反觀自己只係ou 咁計。根據現有環境其實都輸左，點解可以咁正面呢？
點解你可以咁正面
龔成老師：
其實好簡單，你如果想有正面的結果，就要有「正面的思維」。
正面，唔代表一定能成功，但就一定能大幅增加成功的機會率，因為無論信心及行動上，都會有最好的狀態，這當然會有較好的結果。
我成日都講，環境我地改變唔好，但就可以改變到自己，如果你經常比「我只是這樣」影響左，你就唔會有好大的成功，反觀，如果你相信自己，就會有唔同結果。
我過往，就是憑相信自己而得出正面結果，這就令我更相信這方法，於是，這就出現一個循環，令我更相信自己！
------------------------------------------------
Q16382：
老師，我是澳門的讀者，剛剛去宏達買了幾本您的出版準備好好學習一下，因為也是剛開始學買股票。
請問一下，如果中長線的話，0001 1038 1113，您是否還是比較推薦1038? 還是您覺得其他的選擇比較好？
龔成老師：
上述3隻都是長和系，都面對類似的情況：本質不算差，但由於投資太多歐洲業務，這一定會對佢的中短期有影響，但長遠仍是不差，不過，不預期佢有高增長力。
當中的質素接近，以值博率來說，長建（1038）會多一點。
------------------------------------------------
Q16383：
老師除了778 及435，我同時擁有823、14、12， 在計算行業佔比時，是否也要加上這3隻，因也是地產建築類別，5隻總佔比約24%！
3110， 請問合理區約多少，平宜區又是多少？
謝謝！
龔成老師：
對，這都是同地產有關的，在計算上，都會歸類作「同一行業」，而我地持有一個行業，建議最多只能去到30%，你暫時的比例仍可以，但開始要控制。
至於ＧＸ恒生高股息率（3110）現價在合理區中下部，你預跌多10%開始平。
------------------------------------------------
Q16384：
老師，想問1789，$20.8買入1萬股應持有還是沽出
384咩價可入？
龔成老師：
愛康醫療（1789）有質素，有增長力，但現價已經唔平因為近期有少少熱。但由於長遠仍有潛力，就算有部分長期持有都無問題。
你大部分可以持有，但部分可以睇位賣出，因為這股有少少熱，但同時又有增長力，因此可以用一些平衡的方法去處理。
中國燃氣（0384）有質素，現價合理水平，分注投資，長線持有，可以的。
------------------------------------------------
Q16385：
老師你好，上完堂冇幾耐就即刻有股災可以俾我低位吸納啲優質股，都賺唔少！但係都仲有少少野想請教下你
1. 我最近喺美股大跌市當中都吸納左唔少科技強股，但係都發現佢哋嘅財報好似好完美roe 高達30-60
Balance sheet 近乎完美，但係市盈率波動好大，所以想問吓可以點樣估值得準啲
2.同埋我最近已經將近七成嘅資金放在股票上，想問吓剩低嗰三成究竟應該點做？應該保留現金，準備溝現有嘅貨，定係買一啲受疫情影響較大股？
例如2588、823、阿sir愛股1928嗰啲
唔該晒
龔成老師：
1）有D公司，特別是一D科網公司，只需要利用好少的資，不高的股本，已經能夠創造到相當的盈利，你就會因此見到好高的ROE，你一定要明白背後的原理。
這雖然是利好的因素，但你都要分析翻行業與業務的情況，因為有些行業的界線不明顯，佢的地盤不一定穩定，你要小心分析這情況。在估值時，要分析佢那些業務會比較穩定，而那些業務有可能被對手較易搶走。
如果是不確定性較大的業務，估值時應該調低，以風險角度去衡量。
2）暫時應該保留現金，當股票進一步下跌，就會分注買入優質股，入貨是大方向，但要善用現金，慢慢用。受影響較大的是目標之一，領展（0823）、金沙（1928）都可。中銀航空租賃（2588）則要控制注碼。
------------------------------------------------
Q16386：
老師，我想加按物業，約3%
在這個環境下 加按70 萬作流動資金 用作結婚或裝修 3% 分28 年值嗎？
龔成老師：
其實唔太值得，你這動作等用於借錢去消費，將你這刻的油費，分左多年去還，這就會影響左你住後每一年的現金流。
我會建議你利用儲蓄消費，始終在理財的角度上是較好的。
------------------------------------------------
Q16387：
龔成老師好，鑑于未曾投資股票，太太未必同意把所有定期$5m投資股票。暫定先用$1m作嘗試。
這星期對個別股票做了少許分析，想你給點意見：
$0.5m打算長線持有，先睇一年回報再看是否增加。
0388 佔40%
2800佔20%
1928佔20%
1398佔20%
另$0.5m打算以3-6個月作比較短期投資，可否提供上下幅度作參考及會否太進取。
9988，1810，2382，2018，2840各佔20%
如果以上組合有不妥當請提点一下，再次感謝你。
龔成老師：
這都是好的，最初只是小部分資金投資，等你地有更多的概念，過1年後，等你地有一定的經驗後，先加注。
另外，我唔建議短線投資。
你要明白買股票的概念，買股票就是買入企業，我地不是炒差價，而是買入企業後等企業成長，所以會長線
上述的都是有質素的股票，建議盈富（2800）的佔比增加，而單一股票則不能太集中。另外，上述其中3隻都與手機有關，這樣會出現行業集中的情況，你最好調整翻。
另外，建議你多增加投資知識，在選股、企業估值、投資時機上落功夫，對你長遠財富有好大影響。
現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。
------------------------------------------------
Q16388：
Hello, 唔好意思呀 有少少問題想問下
（1）想問點睇越秀地產同中海物業？比較之下邊個比較好？
（2）想係依家趁機買入一些增長較強的股票，有無咩好推薦？
（3）分散持有多隻股票還是隻中3-4隻股票比較好？
謝謝
龔成老師：
1）越秀地產（0123）及中海物業（2669）都有質素的，越秀會較為穩定，估值合理陸，中海物業股價增長快，業務都有理想增長，不過估值較高，現價唔平。所以單從這刻的投資值博率計，會考慮越秀先。
2）你可以考慮一些潛力股，例如比亞迪（1211）、小米（1810）、阿里（9988）。中生製藥（1177）則要等回少少先考慮。
3）分散在5-10隻較好，但每一隻你都要經過分析，以及都要是優質股。
------------------------------------------------
Q16389：
你好, 龔成老師~先恭喜你的數本作品都登上了誠品的暢銷書榜, 我剛剛也買了你最新版的50潛力股, 預祝你的銷量再創新高!
另外想請教一下, 近來世界局勢受各種因素影響, 越趨不穩定, 香港亦受到重大打擊
過往香港經濟整體而言一直向好發展, 但來到今天, 香港過去賴以維生的金融, 旅遊和房地產, 其中二項在未來有機會受到國際局勢和國策的嚴重影響
假如因此引致香港經濟出現大蕭條, 甚至淪為二線城市, 香港股市是否也會一沉不起?謝謝
龔成老師：
香港會面對中短期的問題，都會有幾大影響，但這又未至於有核心性的影響。全球經濟轉弱，這對香港或其他地方都有影響，而香港是外向型經濟，好多行業都會受經濟，不過，這不是香港有核心問題，而是外圍的問題。
即是當全球經濟好轉，香港的價值仍是存在的。
香港不會因此而一沉不起，香港本身的儲備多，能夠過冬，加上只要疫情過去，其實全球會慢慢好翻，現時大家不是無錢消費，而是有錢都無法消費，所以，大家個底不算差，只要疫情過去就慢慢好轉，當然都要一段時間。
------------------------------------------------
Q16390：
老師您好，本人27歲，月入大約3萬，能每月約儲1萬5。
現時有現金20萬和儲蓄保險(供5年，已供3年，每年5萬，回報率約5.5%)
股票投資左約20萬，手持股份如下：
中華煤氣（1000股，14.44買入）
恒基地產（1000股，32.2買入）
置富產業信託（5000股，9買入）
比亞廸（500股，39.3買入）
小米（600股，11.8買入）
中國飛機租賃（2000股，8買入）
金沙中國（800股，34.6買入）
港燈（500股，7.95買入）
盈富（1000股，24.9買入）
本人擬繼續持有以上股票，如本人想於35歲前實現每月20000蚊現金流，請問老師次計劃能否實現？有勞老師指點迷津，謝謝!
龔成老師：
適當的儲蓄保是可以的，但就不用過多。
當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。
例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。
你在35歲前，可以集中投資較有增長力的項目，之後才慢慢轉至收息型項目。
你上述投資的，方向大致正確，但有部分股票，例姆港燈（2638）就未必適合你這刻的方向。
你現時每月投資$15000，假設回報率10%，8年後會滾存到$200萬。連用你原有的資金。到時大約會滾存到$250萬。
如果到時轉投資收息股，預期6%股息，每月收到$12500。
我會建議你將目標定為40歲，股票有更多時間增值，會比較好。
當然，如果你好想在35歲完成，可以加大投入，又或加強投資潛力股的力度，提高回報率，但之前一定要先提升知識。
------------------------------------------------
Q16391：
龔成你好，純利，我理解為扣除所有成本之後淨賺的錢。
即係548 深高速係2019 年既業績係比起2018 年，淨賺既錢少左？
還有一樣好困惑，佢話「被政府提前回購公路」，即係點？
龔成老師：
對呀，純利就是收入減去所有開支，即是佢2019年賺少左。
但要留意翻，當中有一些較難明的會計定義，就是深圳高速公路（0548）有一些物業公平值的變數，簡單來說，就是持有物業或一些資產，價值跌左，就算無賣出，都會出現一些虧損數，這就是影響了盈利數目。
因此，這點令佢2019年盈利少左，正是有些物業減值。
至於回購，因為在中國，有些路有時會被中國政府買翻的，當然，會比翻佢合理價佢，但這就會對佢的業務情況有所影響。
------------------------------------------------
Q16392：
成哥。多謝你，上年一直有睇開你FB ge 文章同影片，我介紹一下我自己，我係澳門人，失業中，之前有創業但都浮浮沉沉
所以近呢2個月就開始專心睇股票，每日9點起身睇XXX財經台，最近睇反你3月份一個post就係講電視節目入面講窩輪牛熊證
近呢2個星期我開始接觸牛熊，開始買入，即日仙，每日賺1千-2千就離場，突然感覺錢原來甘易賺，就在前幾日星期四，買了熊證過夜
認為自己眼光獨到睇準聽日一定跌，點知星期五早上升500點，接近打粑位，終於止蝕
連同之前係牛熊證賺的幾千蚊一拼虧損了共5萬，突然覺得天終於黑了，個心仲想追反個5萬反黎，但睇左你偏文章，同你以往所教人都吾會教人玩牛熊
我就係今日下就醒了，多謝你老師！
因失業中，感覺有小小迷茫，應該點做好？
龔成老師：
這類炒衍生工具，與賭博無分別，我20年前都錯過，所以先不斷叫大家唔好玩。而所講的財經台，都是鼓勵短炒，同樣是錯誤行為。
你還原基本步，無工作，應該持有現金，心態上，唔好打算炒炒賣賣賺快錢。到之後有工作，先開始翻投資，利用月供股票，以「儲」的模式去累積優質股。
------------------------------------------------
Q16393：
我有七百萬現金，今年四十二岁，想慢慢不做工了，有何投資建議，謝謝
龔成老師：
以你的情況，其實會開始為退休做準備，但同時，財富仍有增長力（但不是進取），因此，你可以投資「平穩增值股」+「收息股」。
現時的$700萬，可以投資物業、債券、股票、現金等，建立一個平衡組合，目的是長遠的收息。
投資股票是其中一部分。你可以分注投資股票，「平穩增值股」+「收息股」，但就隨著年齡增加，慢慢增加收息股的比例。
平穩增值股，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）、港交所（0388）。
同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、匯豐（0005）、置富（0778）、陽光（0435）都可以。
另外，建議你多增加投資知識，在選股、企業估值、投資時機上落功夫，對你長遠財富有好大影響。
現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。
------------------------------------------------
Q16394：
龔sir您好！我已報左你的投資班，現時想先準備一下。近來搜查有關於ROE的計算方法，有的建議用除稅及股息後盈利，有的建議用股東應佔溢利，請問用哪種較好？
此外，如果用前者，請問在5年數據中達到百分之幾才算是優質的企業？謝謝您的解答！
龔成老師
你用「股東應佔溢利÷股東權益」會較好的，而較多財經網站都是用這個計法的，你找資料都會比較方便。
我地會要求12%以上，先算為基本對企業的要求，要用5年的平均數。
股票班見。
------------------------------------------------
Q16395：
龔成老師, 我想追加一問, 0003&1083; 同埋 0006&2638 呢兩pair 分別都係煤氣同 港燈, 有乜分別呢?
龔成老師：
煤氣（0003）有香港業務，同時近年在中國搞好多公共事業的業務。穩定性較強，有一定質素。
港華燃氣（1083）集中中國的燃氣業務，質素不差，但業務分散風險的能力不及0003。
港燈（2638）業務只有香港島的電力市場，特點是穩定，派息高，但就無增長力。
電能（0006），是港燈母公司，同時也持有其他國家的發電業務，增長力會比港燈強，但股價不及港燈穩定。
------------------------------------------------
Q16396：
你好，我近日買左新樓用左270天付款計劃，已俾樓價5%，9個月後才付另外5%+按揭，呢家大約有現金$17萬咩都冇做
但9個月後要付餘下5%樓價約$25萬，請問老師是否建議係呢9個月將個$17萬去買股票？
因為我覺得齋擺係度又冇增長，但買左股票又驚蝕到時唔夠俾樓錢，求指教。謝謝。
龔成老師：
我會建議你「持有現金」，做定期。
因為投資股票，要長期才有收成，中短期可能會因為各種股市的突發情況，令股市大幅波動，到時你要蝕賣，甚至資金出現問題。
因為股市可以好忽然出現這類情況，因此，唔建議面對這類不確定的風險。
------------------------------------------------
Q16397：
龔老師早，請問你對2777（富力地產）這隻股票評價如何？
這隻股票優質嗎？個人覺得這股票息率非常吸引，現時我持有12(恆基地產），想遲d買入埋富力地產，用呢2隻股票作一個中長缐的投资，大概是3-5年
其間只買入不放出，希望可以滾存到一百萬，老師你認為我這策略如何、可以給我一點意見嗎？謝謝您！
龔成老師：
恆基（0012）可持有，長線無問題。
至於富力地產（2777）都有一定的質素，業務增長不差，品牌與規模都不弱，都有投資價值。不過，這企業的負債較高，存有風險，所以唔建議太大注，同時你要明白佢股價上落會比較大。
另外，唔建議你只集中在2隻股。更是同一行業。這都會有集中風險出現。
------------------------------------------------
Q16398：
龔成老師
想請教現在投資商廈有冇用呢？
龔成老師：
要睇翻租金回報率是否吸引，因為香港經濟轉弱，商廈的租金影響會較一般住宅大，所以回報率會有較大影響，同時樓價上落都會較大。
如果我同一些同商廈有關的房託做指標，佢地的價格都比高位下跌了4成以上。
因此，投資商廈不是無價值，但你要在較平的價位買到，確保有一定的租金回報率先得。同時，你要預中短期回報會差，但長期回報則慢慢好轉。
------------------------------------------------
Q16399：
龔sir你好，最近越尼越多人留意5G，你點樣睇呢個發展？中移動係一個好的投資選擇嗎？什麼價位為平宜區？
龔成老師：
5G發展是正面的，因為當落實發展，之後就會產生好多廷伸的應用，長遠會更為有利。
中移動（0941）不差的，不過，5G雖然對佢有正面影響，但中國政府希望相關費用不會太貴，令資訊流通更好便利，所以，對佢的賺錢能力方面，未必能帶來突破性的增長。
這股都可投資，但你預佢是平穩增長型。
------------------------------------------------
Q16400：
龔成老師你好，本人今年29歲，本身有follow你既page同埋睇左你2本著作，想你俾d意見我，睇下點可以達至財富增值同埋長遠達至財富自由。
本人有穩定正職，扣除洗費、保險、稅項、供樓（同屋企人同住居屋，要幫手供樓），每月大約能儲2.5萬。
現有資產約70萬，分配如下：
- 現金20萬
- 高息債券基金10萬（新與市場，之前買落）
- 股票約40萬
股票分配較散，但大幾有分開幾個類別如下。
收息股：
- 中電，4萬
- 領展，3.5萬
- 長江基建，5萬
穩定股：
- 蒙牛，5.5萬
- 金沙，1.5萬
- 盈富，7萬
潛力股：
- 美團，4萬
- 阿里巴巴，4萬
- 小米，1.5萬
- 瑞聲，2萬
- 比亞迪，2萬
1。想問下你對我既資產配置有無咩建議，應否趁跌市既時候用現金再買多d股票？股票分佈方面有無問題？
2。每月可以點利用2.5萬儲蓄？
謝謝！
龔成老師：
1）高息債券基金，自己要衡量風險，因為這不是保本的產品，而之前有唔少讀者講翻，佢地會出現「賺息蝕價」的情況，因此你要明白這點。
至於持股方面，基本上所持有的都是有質素的股票，無問題，分配比例都可以。如果可以的話，之後增加翻多少少盈富（2800）。
2）你可以月月供的模式，又或自行分注進行，每月投資約$15000。盈富$6000，餘下選一些優質股，分注投資，例如金沙（1928）、領展（0823）、恆基（0012）、太古地產（1972）等。
另外，以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。
現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。
----------------------------------------------
若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。
另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。
由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。
【龔成問答信箱】（Q17841-Q17860）
Q17841：
你好，龔老師，經朋友介紹，開始睇你Facebook，亦已開始咗月供股票，同開始股票聖經
我以前亦係聽number去買股票，以下都想請教你幾個問題
1) 剛剛開始咗月供
2800 ($6000)
0012 ($6000)
依個組合可以嗎？
2）想請問下你點睇依幾隻股票
9618 京東（1000）234.6入
9966 康寧傑 （10000）15.98
1580大森 （25000）0.52入
883 中海油（10000）10.68入
再睇你推介，亦已買了
9988阿里 （1000）
778置富 （10000）
同埋我係股票初哥，應該選擇邊幾本書睇最好，想學點去了解公司架構，公司估值去選擇股票，想揾一啲潛力股，一啲平穩增長收息股去投資
另外選股勝經，年報勝經，50優質潛力股，50值博倍升股，50穩健收息股 你覺得我應該點排住去睇，同適合初學者睇
龔成老師：
1）盈富（2800）無問題。
恆基（0012）雖然是優質股，但都唔好太集中，建議你供$3000，另外再找另一隻去供。
2）京東（9618）有質素的。
康寧傑瑞製藥（9966）要注意風險，這股只是概念，未有盈利。
大森控股（1580）虧損中，投資價值不高。
中海油（0883）是商品企業，雖然都有質素，但唔值得持有太多。
阿里（9988）、置富（0778）可長線。
你睇《股票勝經》、《選股勝經》，《50優質潛力股》，《50值博倍升股》，《50穩健收息股》、《年報勝經》。
初學者最好熟讀《股票勝經》。
------------------------------------------------
Q17842：
Hello Sir，我係你學生，今日用評估表第一二頁，分析左1297同1809。
1297優質度我比佢有18分，政府係佢既大客，公司發展方針拍齊運用大數據同低碳/環保政策。但睇番幾年都唔似有新發展，而且佢股價長期無起色，係唔係唔值得花時間用之後幾頁做深入分析?
1809初步分析優質度我比20.5分，企業評分444432。會否太過鬆手?
但整體我對佢研發新產品步伐的確有信心，佢仲發展埋泰國市場，其實我認為佢仲有發展潛力。
另外佢算水桶一嘛?
龔成老師：
中國擎天軟件（1297）本質不差的，不過，佢之後的增長動力的確有減慢情況，因此估值上認為佢會較低，但如果佢能保持這增長，其實現時的股價有吸引力的。
這股的其中風險，就是規模較細，以及行業存有風險。
要睇你想投資那一類股，佢優質度存在，但如果你想找潛力股，就未必值得再分析，唔需要用「企業評估表」的3-6頁。
但如果你想找一些有基本增長力，以及現價唔算貴的股，這股可再繼續進行分析。
至於浦林成山（1809）我自己都無特別研究，初步睇佢的財務數據是不差的，不過以我的經驗，好少企業會去到有20分，你可能比分標準太鬆，我建議你睇多一次我比你的範例，你每一點分析，同埋加分只是第2頁，第1頁只是初步指標。
同時，建議你進一步分析佢產品及市場競爭，佢現時擁有的技巧，是否有優勢，競爭對手好難入到佢的市場？長遠的發展如何，你可以加強分析。
------------------------------------------------
Q17843：
老師你好，想問下596，浪潮國際值唔值得投資，我見到佢嘅業務都係同雲業務有關，因睇好未來5G市場，想睇下有咩潛力股可投資，謝謝
龔成老師：
浪潮國際（0596）佢地有部分業務，發展雲服務的，睇翻之前的營業額，都有唔錯的增長，現時去到$4億元，但就仍然虧損中。
不過暫時佔比唔算高，同埋未知幾時有真正的貢獻，這刻未能有太大期望。
其實業務都不算差，整體投資價值都有的，但未能話佢好有潛力。
------------------------------------------------
Q17844：
你好 我岩岩開始接觸股票一段好短嘅時間 但好唔好彩就誤信騙徙 買左1936輸左好多 不過我好後生無野唔輸得 當今次唔好彩買個教訓
我想問下依家咁嘅情況 得返兩三萬蚊本金 我應該要點樣做同埋有啲咩類型嘅股票我係可以考慮下咁架？
港股美股都會考慮吓無所謂
中招後睇到你嘅野覺得同之前嘅騙徙好唔同 比較中肯有道理 所以想請教一下你 因為真係初哥
或者有無咩野我係可以train下練下先 因為真係太fresh但我真係好想學下 因為除左想賺錢之外我都想係邊度跌低邊度起翻身 你可唔可以俾我跟你學野
龔成老師：
這是一個學習，你要好好記住，當你之後每次投資時，都提醒自己，要做足功課，只投資有質素，價格合理的企業。
你這刻反而唔好心急投資，財不入急門，你儲下現金先，同時打好基礎，之後先慢慢投資，唔好急於一時。
你可以睇《股票勝經》同埋有關巴菲特相關的書，巴菲特係全球憑投資賺最多錢的人，你跟佢的方法一定有唔錯回報。
------------------------------------------------
Q17845：
老師：2380 中國電力，我上市抽現只有1000 股，咁多年來都有派息比我，有見價位低，派息不俗，是否值得增持收息？
我有留意你常提的領展，地鐵和盈富基金，入場費高一截，如果息口比例一樣，我覺得買中國電力感覺更好。這想法是否太幼稚？
龔成老師：
中國電力（2380），你預長遠的增長力都有限，所以要睇你的投資目標，如果你目標是這部分資金收息，就繼續，如果想增長，就轉其他。
入場費唔好成為你建立組合的限制。
如果你太集中在單一股票，這就會造成風險。建立一個平衡的組合，是投資好重要的事。
------------------------------------------------
Q17846：
龔sir你好，好多謝你教識我買入股票資產而非短炒呢個概念，呢大半年來我開始買返股票投資，感覺到現在開始朝正確方向前進！
雖然小弟29歲起步較遲，但都要盡我所能達成財務自由的終極目標！
有兩個問題想向老師你請教：
(1) 美國無限QE令資產價格無限上漲，只是依靠美元國際貨幣的地位維持呢個騙局，可見的將來聯儲局亦會受制於既得利益者的壓力而維持量化寬鬆。
假若有一日美元真係崩潰，而港元又和美元掛鈎，咁我地買左港股、港樓和港元資產既咪會有重大損失?
有盛必有衰，美元價值終會回歸合理水平，但現時在香港我們又不得不買資產來保持購買力，定其實我都不能擔心咁多，唯有寄望未來數十年資產繼續因QE上升?
(2) 老師點睇耀才(1428)(我$2.06買左)?自從耀才去年初推出股票APP後積極拓展內地市場，今年首5個月，透過旗下手機應用程式(APP)「耀才證券寶寶」開戶量
較去年同期飆升近5倍，使用量亦按年勁升約4倍。落盤總量超越560萬宗。而受惠於資產泡沬上漲和中小型劵商結業，理論上耀才都可以好似港交所(388)咁長線看升?
請老師不吝賜教，謝謝！
龔成老師：
1）港元同美元有聯匯，因此，港元可以理解等如美元。
如果美元大跌，港元都會，「貨幣」會貶值，而我地只要持有「資產」，就能自保，物業、車位、優質股，都是典型的資產項，這些資產的價值不會減少，反而是保值的方法。
2）耀才（1428）都不差的，不過，這類證券相關股，會較受投資市場影響，因而比較波動，這類股只能小注投資。
長線持有是可以的，但你預中間的上落可以好大。
------------------------------------------------
Q17847：
你好 老師，本人同先生未來想買樓置業..先生三十出頭月入四萬 但家庭開較大 每月可能只儲到5000..未必做到月供股
保險有十幾萬但唔可以拎出黎...請問如果想入手長遠投資嘅股票...
(可能都係入得一兩手最多幾萬蚊....有沒有意見可以比到我們一家....
謝謝老師指教
龔成老師：
首先，唔建議你地投資太進取，因為如果想好急儲到錢買樓，而強行投資高風險類，最後結果可能未如預期。
因此，你地這刻只能從收入與儲蓄著手，如果可以的話，想想增加收入的方法，短期可想兼職或小生意，長期就要想想突破現時的職位，如果更進一步。
另外就是儲蓄，有家庭儲蓄會較難，但都可試下每月定一個儲蓄金額。
另外就是適當投資，你地可投資優質、平穩增長類股，都能助財富增值。
同時，可以努力學投資，希望小部分資金能找到潛力股，這都可以令組合回報增加。
------------------------------------------------
Q17848：
你好老師,請問775有投資價值嗎?感激,會不會變了一文不值的垃圾股,我想在775,3868之間選一隻,想看看老師意見,和想看看老師有沒類近這兩股的潛力股推介謝謝
龔成老師：
長江生命科技（0775）有投資價值的，不過風險就較高。
佢從事產品之研發、製造、商品化、推廣、銷售及投資，涉及的項目和資產涵蓋保健、醫藥及農業相關業務三大範疇。
農業相關業務和人類健康分別佔總收入約4成和6成，農業相關和保健產品業務這2個範疇，相信未來會平穏發展。而集團主要潛力，來自醫藥研發部份。
這部份成功會有好高回報，失敗就變得好差。這部份會係潛力所在，同時也是風險所在。投資只要控制注碼，都可以。
信義能源（3868）有質素的，都可以長線投資，都是潛力股。
兩隻你都可以考慮，長江生命科技風險度會高少少，不過潛力又會大少少。
------------------------------------------------
Q17849：
龔成老師你好。本人36歲，投資初哥，月入5萬，手持三手騰訊。現居自置物業，市值480萬，月供萬二蚊，還要供20年。
另有卡數及基本開支每月約3萬5。計劃兩年內以儲蓄/投資方法累積100萬，想請教該怎樣做？感謝。
龔成老師：
騰訊（0700）可以長線持有，這股有質素。
如果想2年內有$100萬，你要加大力度儲蓄先得。
至於在投資方向，可以投資多少少較有增長力的股票，但就要留意風險度會高左。要自己平衡。
可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177）。
如果你不懂股，就集中供盈富$5000。
現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。
------------------------------------------------
Q17850：
老師可否講吓易和國際8659? 明明係做一次性塑膠速食盒，以為疫情下不會太差。點知連日大跌，0.4時以為算低位
但今天跌到0.1X，只買了一萬蚊都冇咗六七千。。。
謝謝您！
龔成老師：
易和國際控股（8659）最大問題是估值，佢一年賺$2000萬左右，業務唔算有獨特性，其他公司都做到類似的產品，就算需求增加，都唔代表佢一定取得該生意。因此，市值預佢值$1、$2億，加上是創業版股票，估值唔會太高。
之前市值去到近$10億，根本是誇張！就算現時跌到0.1X，市值大約是$1億多，基本上是回歸到合理價。
記住「高不如貴」，「低不等如平」。
------------------------------------------------
Q17851：
龔老師，我係新手睇左你大約都3個月，見你解答都好好，我想問下，我3818中國動向，1.23買左84手，應唔應該現貨止蝕，定係等螞蟻上市先再考慮？
另外1089樂遊科技控股3. 1買左7手，應該升到幾多要止賺？
龔成老師：
中國動向（3818）本質未算好強，但近期的股價上左，因此其實唔適合高追，因為本質唔太值得這樣做。
整體上，不是完全無質素的，但就唔好持有太多，你可以考慮賣出部分，餘下可以守住先。
至於樂遊科技控股（1089）增長力是有的，但現時估值都唔平，未必值得持有太多。如果7手佔你組合比例較多，可以到上多少少賣出。
另外，唔好整個投資組合，都集中在高風險股，你要建立一個「平衡的組合」。
------------------------------------------------
Q17852：
Hello 龔sir, Follow左你個page唔係好耐時間，但都想你比d意見，為將來生活打算。
我既背景：
1. 兩公婆3x歲，每月收入 $70k
2.月供股票 中電、港鐵、滙控 各 $2k (由上年9月開始)
3.供緊層樓 $14k/月
問題：
1. 放在股票市場的組合、金額可以嗎？
2. 仲可以做邊一類型投資？
感謝！
龔成老師：
利用股票去進行財富增值，而及成為財富組合的一部分，可以的。
不過，你現時所供的，雖然都是有質素的股票，但增長力就不強，你3X歲，其實可以加入增長力好少少的股。
中電（0002）、匯豐（0005）只是收息股，可以考慮轉其他類別股票。
你現時股樓平衡已足夠，其實可以加強股票方面的投資知識，除非月供外，可以自己分析平貴去進行買賣（長期性的）。這樣都可提高財富的增長。
------------------------------------------------
Q17853：
阿sir你好，睇咗一排你嘅post，一直都係建議長線投資，但係我希望短期內資產增值所以prefer潛力股多過穩健股，想問你攞d advice
首先講講自己依家個profile：
月入20000
2000月供基金
2000保險
扣埋雜費家用每月最多儲10000
股票戶口現有35萬
投資組合：
2013/2000股 @10.72
241/2000 @23
268/2000 @19
3690/100 @189
700/100 @545
9618/100 @236
9988/100 @211
753/4000 @4.74
仲有1100股嘅美股preferred shares，26蚊左右買，跌咗太多唔諗住放
leverage ard 1.5x
我知道自己投資好集中，高價買入好多科技股，依家小賺/打和嗰d（例如700）應唔應該放咗佢買長線股？投資組合應該點砌？
接受到自己2-2.5x leverage，所以仲有錢買入多幾隻
現時24歲，希望30歲前滾到200萬，有冇可能？
龔成老師：
其實我18歲時，同你都有相同的想法，好進取，想盡快賺多D錢，可適，最後的結果反而是輸錢，幾年的投資都無結果。
你組合，太多潛力股，這會有較高的風險，同時你想用槓杆，這會令風險度進一步提高。
當然，如果股市大升，你的回報會放大，但事實是無人知的，如果心態上「只想回報，而無想風險」，就要小心。
我反而會建議你平衡翻D，潛力股一定要有，但不能過度集中，同時要有其他股票，另外，都要有一定的現金。你永遠唔知大市幾時會跌，如果大跌發生，你反而無得把握這個機會，你要想一些較平衡的做法。
------------------------------------------------
Q17854：
龔SIR,你好，本人36歲，每月可儲1.5萬，手頭上本身已有大約現值110萬的股票，另有現金40萬作備用。
現時持有股票分別：
22% 租務地產股 (0016,0066,0778,0823) 月供0066$1500
12% 銀行股 (1398,2388)
7% 電訊股 (6823)
2% 醫藥股 (1177) 月供$1500
50% 中概股 (0981,1810,1833,2382,3690,9988)
2% 澳賭股 (1928)
5% 盈富 (2800) 月供$3000
1. 我想問問我持有的組合入面有16隻股票是否太散? 其實100萬大概應該持有多少隻會比較合理?如果價錢合理我應該先沽了那些來降低持有的隻數?
2. 現想將月供部份由$6000加至$10,000,是否可以加2隻每隻$2,000, 個人心水是0669同1211各$2,000,另外現時是否不建議月供0388及0700?還是有其他更好的選擇?
THANKS!
龔成老師：
1）都唔算散，以一個$100萬以上的投資組合來說，持有10-15隻股票適合，基本上你組合無問題的。
不過，比較集中近期熱炒的科網手機相關股，上述股不少都有質素可持有，但任何類別就算睇好都唔能夠太集中，你最好調整到40%以下。
同時你可以增加盈富（2800）的比例。
2）這4隻都都可以月供，其實這4股除了創科（0669）未到貴外，其他都開始貴。不過過月供股票的原理是長期買入，將買入價平均，只要你每月投入的資金不多，同時月供的年期長，就算這刻唔算平，都可以進行，因此你選其中2隻心水股就得。
------------------------------------------------
Q17855：
你好, 老師，自從在FACEBOOK上見到老師向大家分享投資理財概念後，我就開始購買老師的書籍以及已報讀老師的課堂, 我購買的書籍包括:
- 80後百萬富翁 1
- 80後百萬富翁 3
- 50穩健收息股
- 5年買樓4部曲 (計劃買)
看完後, 發覺我起步有點遲, 由小到大只懂得儲錢, 完全不懂投資, 導致在我過去黃金10年資產增值時段白白浪費了。
如今, 我已33年也結了婚, 未來2-3年內我和太太想計劃生小孩及買樓, 但資金有限, 計劃時有點迷茫, 不知道老師您有什麼建議呢?
這是我現時的財產分佈:
- 家庭收入: $61,000
- 每月能儲蓄: $22,000
- 流動現金: $113萬 (已扣月供股票)
- 儲蓄基金: $11萬 (暫時不能提取)
- 月供盈富: $6,000
- 月供領展: $2,000
- 月供港鐵: $2,000
皆因獨生女的太太已有一層樓,但由太太家人住，直至百年歸老，我們倆暫時外面租樓住的, 所以想計劃買多一層樓, 將來可一層自住, 一層收租作為其中一個退休時的被動收入。
但我倆已達到生小孩年齡，再等多數年後怕太太高齡產婦，而養小孩又是一筆頗大的數目 (即使我們倆公婆都很節儉)
所以想請問老師以上的財力如要3-4年內達成這兩件事的話, 是否太脫離現實呢? 因為我記得老師提及過, 香港房地產長線看只會上升, 故此愈早買時間價值上愈好。
我粗略計算過, 現時外面一層普普通通實用面積400多尺兩房, 入場費也要600萬, 加上生小孩我想預30-40萬流動資金, 所以3-4年後有機會由113萬增值到200萬嗎?請指教。
龔成老師：
如果你太太現時持有的物業，已經供完，其實可以適度加按，加按這動作有好有壞，如果本身負債多就不應加按，但如果本身已供滿，就可以好好利用。當然，你都要明白這動作會令你地的風險增加左，同時將來每月還錢多左，因此可以先消化下先。
利用加按得來的資金，可以作為首期令你地買到物業，同時，餘下有資金可以作為投資。
如果假設你唔加按，可以善用你現時的現金作投資。
你可以先睇一睇《5年買樓4部曲》，好適合你現時的情況。
要4年內滾存到$200萬，都有可能的，但你每月都要保持儲到$20000以上。
你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。做月供股票，每月$5000
。
你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。
如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。
善用你手上的現金好重要（但不是一次過動用，要小心，分注，有效有運）。
現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。
------------------------------------------------
Q17856：
龔sir你好,本人剛滿十七歲.1年前已購買股票勝經和50優質潛力股.前日已在1.40購入788 16000股,想keep 3年.
1.我認為價值最少值1.0元,想問1.4合理嗎？
2.中國鐵塔股本回報率差,因此短期內我認為盈利能力不強,但此股風險低嗎？
如果三大電訊商盈利能力減少,會導致鐵塔股價下跌嗎?
龔成老師︰
1） 中國鐵塔（0788）有質素的，這股本身有質素、有前景，中國的3大電訊巨頭，都是佢的主要客戶，以及大股東，當5G發展，佢一定會受惠，因此前景仍然正面。
佢現時的收入正不斷增長，盈利都保持向上，但股本回報率不高，是這股較弱的地方。由於這股有發展力，如你有貨，可長線。
股價由高位回落不少，你買入價算係合理區中部。
2） 中國鐵塔股本回報率低係一個扣分位，但企業整體來計，係有長線投資價值。
另外，你要睇翻佢地盈利減少原因，未必一定會影響到中國鐵塔。
電訊行業發展其實係偏向平穏，客戶對3大電電訊商的需求，正常情況下，變化唔會好大。
你17歲，已經有理財與投資知識，這是相當好，你比同齡行得快，我相信你這刻比起財富增長更重要的，是「知識」的增長，對你長遠的影響會好大。盡力在這方面下功夫。
------------------------------------------------
Q17857：
你好 龔成老師! 我是澳門的讀者，已買齊你的書（雖然未睇曬）
我今年27歲，月入10萬。下個月開始每月可儲6萬，想在2年後即29歲用200萬作首期買樓!
但現時只有3萬蚊股票儲蓄....因過往幾年太大支出導致沒有任何其他儲蓄。有3個問題想請教:
1: 請問每月儲6萬，應該用多少錢買股票入市，留多少錢現金在銀行戶口? 50/50? 還是40/60?
2:股票2年後就要完全沽出，應該選擇邊幾隻組合較穩健又有增長力?
3: 澳門月供股手續費好像很貴，如果我決定每月出糧個日就入2800，會否和月供股概念相同? 只要我fix 每月同一個日子買入就等同月供做法?
謝謝老師! 留意了老師剛好滿1年，已報年尾澳門股票班，第一次發問， 祝老師身體健康!
龔成老師︰
多謝你的支持!!
1 & 2） 投資股票，就等同買入一間企業，企業是要時間去升值。1年係一個短期的時間，就算企業再優質，中短期都會出現波動，影響你回報。
由於你2年後有一個明確目標，要將全部錢用作首期，投資策略上要較為保守。
現在你每月儲到的錢，可以5成去做月供，其餘先儲起，用一邊月供一邊儲蓄的策略。
月供方面，你可以50%投資在平穏增長股︰盈富（2800），另外50%投資在收息股︰港燈（2638）、香港電訊（6823）、工行（1398）、匯豐（0005）、置富（0778）、陽光（0435）、深高速（0548）。
餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨。
3） 會，但你必需有自律性，不論當日價格如何，都照買入同一數量，都可以做倒月供的平均價格效果。
遲些，澳門班見。
------------------------------------------------
Q17858：
請問現在的香港，月供股票/買股票風險大嗎？是不是比儲現金好？
已有匯豐很多年，這個時候繼續持有，還是放左佢好呢？
龔成老師：
匯控（0005）賺錢能力與增長力的確弱左，但又未去到完全無質素，近期股價受壓，除左佢經營環境影響，佢派息問題都是因素，因為市場一向理解這股是「收息股」。
我從股息角度分析這股。
相信長遠是收息股，但股價增長就有限。可以先從佢近年唔派息及財務情況分析。
首先睇翻佢財務數據唔算話特別差，今次要停派息，主要原因係接獲英倫銀行透過審慎監管局發出的書面通知，要求匯豐取消派息。
所以，佢並不是自己好唔得，而去到要唔派息，而是因應翻英國監管局要求，才這樣做，所以，雖然是不好的利息，但不是核心性不利。
停派息對收息股從來都不是好事，但在這全球經濟咁差時候，為集團預留一筆資金備用，對集團和股東都是有利的。
在全球經濟環境影響下，集團中短情況相信都會維持波動，未來再停派息也說不定。但我地投資應該要集中考慮翻佢長線因素，雖然預期匯豐中短期表現會受壓，但長線質素依然存在。
作為收息股係可以，概念上，就是放棄中短期股息，而預期將來慢慢回到正常狀態，只要你投資組合唔好太偏重單一隻匯豐或銀行業就無問題。
但記得，唔好佔比太重就得。同時明白這只是收息股，唔好對股價有太大期望。同時不能持有太多。
------------------------------------------------
Q17859：
66有2手,平均價45.5入,1038有4手,53入,6823有5手,11.02入,386有2手5.12入,939收左息高位走左,現在跌左,我係唔要入返隻銀行股?
以上是我的投資組合,如曾持,應該曾持那幾隻股?麻煩老師被意見!非常感謝
604收左息,高位走左啦!現在很多收息股都賺息蝕價,唔知點選股?
龔成老師：
上述的股票，基本上都有質素的，部分只是中短期較弱，可持有。不過，上述股票的增長力不強，如果你想組合多翻少少增長力，應該加入一些較有增長力的股。至於銀行股，唔好持有太多，始終賺錢能力不及過往年代，但原有貨持有無問題的。
你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。
------------------------------------------------
Q17860：
老師，已經睇完你本股票勝經，重新撑握了一些財務和投資的概念。要嘗試制定自己的配置，和學習選股確實不易，希望之後有機會報讀你的班。
現時似乎屬於你書中提及的熊二階段?自己手上有一些資金，估計現時也不用再急於入市?
我今年已陸續入了約50萬港元股票....但是入市時並未考慮策略，也未仔細分析企業，但主要是過往你曾介紹過的股票。我想未來股票總投資額暫時不想超過100萬
因為自己仍未能掌握股市和選股，但眼見現金不斷貶值而自己又沒有其他資產，所以比較擔心，自己之前的努力賺取的人工，因自己沒有及時購入資產，慢慢再進一步被制度蠶食....請賜教
大家都係玩大富翁大，我就只當係遊戲一種，玩完開心完就算。而你可以將之變成教人致富嘅工具，造福人羣之餘，同時成就自己的事業。真係好叻，好佩服你!
龔成老師：
如果從整體大市及經濟，傳統會認為是「熊二」，但我想講，在現世代，牛熊三期的作用，已比過往減少，因為變化太快，人為因素多，過往經濟差，股市都會弱，因此牛熊週期易分析，但這刻經濟差，但部分股大升，因此，唔能夠再停在傳統的觀念，
你要用「企業」「平貴」去分析，唔好「預期大市之後的走勢」。
現時大致處合理區，你有一部分優質股，同時有部分現金在手就得。
你可以考慮盈富（2800）。以及加上：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。
現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。
----------------------------------------------
若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。
另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。
由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。
成為 RF 鐵粉團的一分子！只需港幣 $40 一個月，即享獨家影片及專屬貼圖優惠！
https://www.youtube.com/channel/UCETuQf4lzTrfevoHdSGo8Ew/join
成為一名經人Patreon :
https://www.patreon.com/awesomomists
www.RagaFinance.com
RagaFinance Facebook:
https://www.facebook.com/ragafin/
《Calvin直播室》眾籌計劃 ?
http://patreon.com/calvinchoy
◎◎◎訂閱 ◎◎◎
▶
Ragazine : https://www.youtube.com/channel/UC5DWcqCjBne2-wRnrjxkuHQ?sub_confirmation=1
▶
Raga Finance: https://www.youtube.com/channel/UCETuQf4lzTrfevoHdSGo8Ew?sub_confirmation=1
#RagaFinance #恆生科技指數 #5G股
------------------------------------------------------------------------------------------------------------------------------------------
免責聲明：《Raga Finance》竭力提供準確資訊，惟不保證絕對無誤，資訊如有錯漏而令閣下蒙受損失（不論公司是否與侵權行為、訂立契約或其他方面有關），本公司概不負責。
同時，《Raga Finance》所提供之投資分析技巧與建議，只可作為參考之用，並不構成要約、招攬、邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關建議招致損失，概與《Raga Finance》主持、嘉賓、編輯及記者無關。
同時，《Raga Finance》所有節目或資訊，相關內容屬作者個人意見，並不代表《Raga Finance》立場。
Raga Finance
網址: www.ragafinance.com
錢錢錢打到嚟（第356集)
日期：2020 年 02 月 21 日（星期五）
主持：沈振盈 (沈大師)，蔡康年
◎◎◎訂閱 ◎◎◎
▶
Ragazine : https://www.youtube.com/channel/UC5DW...
▶
Raga Finance: https://www.youtube.com/c/RagazineFin...
▶
Giggs.hk: https://www.youtube.com/channel/UCVZT...
※※※想知道我們每天的動向※※※
▶
Web http://www.ragazine.com.hk/
▶
Web http://www.ragafinance.com/
▶
Web http://www.giggs.hk
▶
FB (Ragazine) : https://www.facebook.com/www.ragazine...
▶
FB (Raga Finance) : https://www.facebook.com/ragafin/
▶
FB (Giggs,hk) : https://www.facebook.com/www.giggs.hk
▶
IG ( https://www.instagram.com/ragazinehk/
◆◆◆工 商 聯 絡 ◆◆◆
▶
E-MAIL : ragazine@ragazine.com.hk
錢錢錢打到嚟（第345集)
日期：2019 年 12 月 06 日（星期五）
主持：沈振盈 (沈大師)，蔡康年
◎◎◎訂閱 ◎◎◎
▶
Ragazine : https://www.youtube.com/channel/UC5DW...
▶
Raga Finance: https://www.youtube.com/c/RagazineFin...
▶
Giggs.hk: https://www.youtube.com/channel/UCVZT...
※※※想知道我們每天的動向※※※
▶
Web http://www.ragazine.com.hk/
▶
Web http://www.ragafinance.com/
▶
Web http://www.giggs.hk
▶
FB (Ragazine) : https://www.facebook.com/www.ragazine...
▶
FB (Raga Finance) : https://www.facebook.com/ragafin/
▶
FB (Giggs,hk) : https://www.facebook.com/www.giggs.hk
▶
IG ( https://www.instagram.com/ragazinehk/
◆◆◆工 商 聯 絡 ◆◆◆
▶
E-MAIL : ragazine@ragazine.com.hk
