前日有位學生喺ig msg我：
學：我想睇，但好貴呀！
我：$480 very cheap la wor (心諗已經全球最平)
學：好窮呀冇錢呀！
我：冇錢？？？你幾多歲呀？(阿叔唔係想溝你千祈唔好誤會)
學：17歲...
我：學生冇錢就唔好浪費錢嚟睇，留返啲錢嚟用喺啲有益身心嘅活動上面......例如係用嚟買喜茶。
學：…......
我：？
學：我唔飲喜茶...^_^"
＝＝＝＝＝＝＝＝＝＝＝＝＝＝＝＝＝＝＝
（注意：此Post完全唔L係乜9喜茶廣告!）
諗清楚，眾所周知，
飲喜茶有益過睇我個Show，
死都要睇嘅話先好讀落去。
一直冇做「學生優惠」，原因有兩個：
第一：其實我個show根本都唔啱小朋友睇；
第二：頂你有錢去買四五十蚊杯喜茶，我做乜要幫你慳；
第三：做中/大學生優惠好蝕、好L麻煩的。
但既然有學生唔飲喜茶咁大犧牲，
咁我就喺度宣佈增設優惠，名為：
「飲少6杯喜茶學生購票優惠飛」＝$280
（簡稱「飲杯學生飛」）
再講一次：
飲喜茶有益過睇我個Show，
死都要睇嘅話先好讀落去。
其他唔關事嘅人可以飛到落最底。
＝＝＝＝＝＝＝＝＝＝＝＝＝＝＝＝＝＝＝
首先「飲杯學生飛」係限量的，坐最後最後嘅最後。
購票時及入場時必須出示相同數量相同姓名的「全日制中學/大專學生證」，（購票時未畢業就ok））
一位中學/大專生只可買一張。
然後，分七類人，自己先分流：
a）一位中學/大專生，未買飛；
b）兩位或以上中學/大專生，未買飛；
c）一位中學/大專生搭其他成人，未買飛；
d）一位或以上中學/大專生，已買飛；
e）一位中學/大專生搭其他成人，已買飛；
f）成年人，未買飛；
g）成年人，已買飛。
a）一位中學/大專生，未買飛；
去 ticket.TVMostMall.com
Click落「學生優惠」，upload一張學生證。
b）兩位或以上中學/大專生，未買飛；
Click落「學生優惠」，upload所有同行同學的學生證。
c）一位中學/大專生搭其他成人，未買飛；
只能分開買分開坐，或者買返正價飛。
d）一位或以上中學/大專生，已買飛；
去返訂單，Click「與賣家通訊」，upload返相等數量學生證。
e）一位中學/大專生搭其他成人，已買飛；
如果唔想分開坐，就當冇事發生過。
可以分開坐(即係學生坐返山頂)，就補返一張學生證。
f）成年人，未買飛；
去ticket.TVMostMall.com買返正價飛。
g）成年人，已買飛。
呢單嘢其實唔關你事，你做乜仲睇緊…
其餘details自己去 ticket.TVMostMall.com睇
＝＝＝＝＝＝＝＝＝＝＝＝＝＝＝＝
嘩…你睇幾L麻煩…
講完我都口乾…
飲啖水先⋯
其他訂咗飛嘅人，
由於假期關係我啲同事唔肯瞓身OT，
同港鐵一樣只肯提供有限度服務，
所以未收到確認嘅人唔怕嘅，
31號前會收到的。
＝＝＝＝＝＝＝＝＝＝＝＝＝＝＝＝＝＝＝＝
（前因後果：https://goo.gl/EP4G26）
（玩命訂飛：Ticket.TVMostMall.com）
#林日曦細聲講
#人類史上最優先訂飛
