好多人都話：「一個人最賺錢嘅時候，就係生活最不堪嘅時候。」
當我仲後生，餐搵餐食餐餐清嗰陣，聽到人哋咁講真係想回一句：「廢話！」你搵到錢梗係講風涼話啦！賺緊錢又事業顛峰，請人返嚟煮飯又得，出去大魚大肉又得，私家車出入又得，仲有想要咩都垂手可得，有幾不堪呀？
後來人大咗，愈嚟愈忙，愈嚟愈多嘢做，雖然稱唔上係顛峰，但的確冇好好享受生活。
人生好得意，搵唔到錢嗰陣，通常好多時間使錢，當你搵到錢嘅時候，就自然冇時間用錢，好似永遠都唔會balance，所以我好相信一樣嘢，就係將來退休，支出隨時會更大，點解？因為時間多咗吖嘛，當年因為工作繁忙而冇去嘅旅行，仲有塵封嘅興趣，仲唔趁退休之後逐樣完成咩！只係到時我退休冇工開，個循環又返咗去初出茅廬嘅「月光族」生涯，最慘係到時就算去到月頭都唔會再有糧出，我唔想晚節不保呀！
細細個有10蚊使盡10蚊嘅日子，你同我都應該試過，所以喺職場站穩陣腳之後，記住一定要儲錢，為將來嘅退休生活打算下，唔好畀人生同埋戶口結餘還原基本步，趁你當打之年思路清晰，要好好去計劃！
唔好畀數字擊倒，其實大把輔助工具幫你呀！好似片中呢個「樂享退休GPS」手機App咁樣，只要喺退休策劃計算機嗰度輸入資料，就可以幫你推算到65歲退休時有幾多MPF同其他積蓄、夠唔夠應付你嘅退休需要，仲可以運用呢個App裡面嘅個人化記帳工具，分析同埋掌握自己嘅儲蓄進度，仲有咩藉口唔做好退休策劃。
我哋忙足大半世，一定要令自己嘅退休生活有保障，click呢條連結就可以下載「樂享退休GPS」個App㗎喇！
立即下載: https://mpfa.page.link/AY2a
#努力搵錢 #都要計劃好退休生活 #規劃要趁早 #樂享退休GPS #掌握自己嘅儲蓄進度 #多方位精明理財 #達成退休目標 #完成任務仲有會員獎賞
