飯盒，誰說一定頹？
在豪宅環抱的半山堅尼地道，不足百呎的煊記藏身行車天橋下。你能親眼看着老闆芬姐起勁炒炒炒，鮮魚、肉餅冒着白煙率先出爐，蘿蔔魚鬆在鍋裏慢慢炆，涼瓜和牛肉同時在平板鑊上跳舞……午市前後的兩三個小時，十來二十樣餸菜邊煮邊出場，連白飯也特別講究分兩次來煮，「食物熱辣辣，當然好食過凍嘅。」老闆易笑芬（芬姐）說，飯暖在電飯煲也不夠熱。
「如果你求其賣一啲嘢俾人，係呀！人哋可能求其食，諗住午餐求其都無所謂。但我就唔想係咁。」最重要的是，當你打開盒飯，無味精無濃稠醬汁淹沒味蕾，得嘗滿滿的住家味道。所有食材，都是芬姐和弟弟Tony早上到筲箕灣街市採購回來，除了老火湯，全部即煮。
這天芬姐在街市碰上小攤販一缸榨菜開封，日日必備的人氣肉餅於是有了拍檔：「買到咩就煮咩，買咗榨菜就整榨菜肉餅。有時鹹蛋，有時會榨菜，有時會蝦米，有時魷魚仔蒸肉餅。」小店門口掛着八九個發黃的膠餐牌，已是二十多年前的古董；現在客人登門那刻，才能知道有甚麼餸菜。
煊記做快餐已近30年，60多年前由裁縫父親易煊開辦，富商李福兆、著名騎師鄭棣池都找父親做衫；可惜70年代「做衫」行業式微，煊記轉做士多，80年代中再改賣飯盒。
11點半左右，司機、地盤工人、寫字樓白領、中學生絡繹進出。芬姐不時從爐頭轉身過來和熟客搭訕；那個茹素，那個食物敏感，那個怕骨，她都一清二楚。「做一樣嘢出來，你都希望人家吃得開心。」大大盒兩餸飯送健康青菜，40元有找。學生仔吃不多，芬姐給他們特別的細盒飯，「10元白飯底，餸逐樣計。」
下午兩點前，Tony將小量賣剩的食物裝妥，交鄰居轉送附近的露宿者或低收入人士；並開始清洗，預備翌日的老火湯。
60歲的芬姐自言「年紀唔細」，弟弟也是從銀行退休回來，「做唔到太多」，現在一星期只營業五天，每朝和母親飲完早茶便去街市買餸，三人行開鋪。「我媽鍾意返嚟呢度，佢每日都跟住我出出入入。」母親手腳雖然不靈活，但不停摩摩娑娑，幫忙執拾砌疊。「可以搵到餐食就算數喇，錢搵唔晒嘅，講真！」芬姐一派從容，下午4點，望着弟弟收鋪拉閘，便扶着90多歲的母親一步步離去。
撰文：韓潔瑤
攝影：梁偉德
煊記
地址：半山堅尼地道4號
電話：2523 4526
========================================
飲食男女App大革新！立即開App寫食評，下一個食神可能就係你！✍
?iOS App 下載：http://goo.gl/ZNVWFd
?Android App 下載：http://goo.gl/MrW6YE
即like《飲食男女》Facebook：http://www.facebook.com/eatandtravel
飲食男女網站：http://etw.hk
即刻Follow我哋Instagram，睇更多靚片靚相！
http://goo.gl/KwjNOE (@eat_travel_weekly)
