有日一位小姐因為病假紙嘅問題喺度拍晒枱…
佢：「你唔好講嘢！」
我唔出聲。
佢：「你而家答我！即刻答我！係咪我有需要寫多幾日抖多幾日，而家都唔得先？」
我：「小姐，我頭先已經講得好清楚，如果你仲係唔舒服嘅，可以再俾醫生睇睇～醫生睇完認為你需要休息嘅就會寫病假紙俾你」
佢：「你唔好講嘢！我唔需要聽你講廢話，我根本唔係嚟聽你講廢話！」
你叫我答你，我先答你啫，答完又嗌我唔好講嘢，你玩晒啦～
我唔出聲。
佢好大聲邊講邊拍枱：「Listen to my asshole！我唔係需要睇醫生呀！」
我大感驚慌，做咩無啦啦要我聽你屎忽窿呀？
佢：「Listen to my asshole！o唔ok呀？吓？」
我好尷尬：「…..er…應該唔係咁ok呀…你有需要嘅不如睇醫生，同醫生講啦」
佢翻白眼：「你真係白痴嚟，我講咗好多次我係唔需要睇醫生，have you listen to my asshole？」
其實你個『my』會唔會係『me』呀？
有對坐喺度睇足咁耐戲嘅父子，個仔問爸爸：「個姨姨講咩嘢hole呀？」
爸爸：「佢叫姑娘檢查佢patpat呀」
仔問：「姨姨patpat有咩事呀？」
爸爸望住電話漫不經心回應：「生痔瘡卦」
仔問：「即係媽咪都有嗰啲呀？」
小姐聽到就向爸爸咆哮：「你痴咩線呀？我告你性騷擾都得呀！你講咩呀？」
爸爸袋起電話：「你唔係生痔瘡駛咩叫姑娘睇你呀？」
小姐：「我幾時有叫佢睇呀！你腦生蝨呀？」
冇叫我睇，叫我聽啫…我都唔肯定點樣聽你屎忽窿…
爸爸：「listen to my asshole呀嘛？你自己講㗎」
小姐：「我係叫佢聽我講呀！邊個字叫佢睇我嗰度呀？」
爸爸R晒頭：「listen to my asshole喎？」
小姐：「係呀！listen！to！my！asshole呀！」
爸爸好似明白了：「listen to me呀？listen to me，asshole！吓嘛？」
小姐思考中～
爸爸：「喂喂喂，你連me同my，you同your都分唔到呀？唔係呀？你講my就係叫人聽你嗰度喎，你真係唔識㗎？」
小姐仍然在思考中。
爸爸問阿仔：「老豆冇錯呀？me係我，my係我嘅呀嘛？」
阿仔點頭。
爸爸望住小姐冇出聲，小姐臉都紅晒，轉身離開診所。
相信小姐以後會識得分me同my嘅分別…
爸爸袋 在 05.爸爸的環保袋 - YouTube 的八卦
爸爸 的環保袋. 699K views 11 years ago. kay7750. kay7750. 21.7K subscribers. Subscribe. 1.7K. I like this. I dislike this. ... <看更多>