無咩大外正字的八卦，YOUTUBE和Yahoo名人娛樂都在討論

【我的辭職信】

我辭職了。
超級容易怕悶、怕重複的我，
竟然在同一間公司、同一個崗位做足11年，
回頭想想實在匪夷所思。

（1）原因

不是患上絕症、不是打算移民、
沒有反目成仇、沒有威逼利誘、
沒有內部權鬥、沒有外人收購。

要說原因的話，只有每個人每次辭職時都總會有的一些原因：
怕悶、想有新轉變……等等。
老土，不juicy，
但真實。

2年多前，我寫了舞台劇《大辭職日》。
有看過的朋友或許記得，
那就是一個關於老細也會想辭職的故事…

沒錯，雖然我是「腦細」，
但我也同樣是個普通人，
就跟大部份打工仔一樣，
成日都想離開comfort zone，
成日都想辭職。

（2）陳年往事

10年前，當我們剛剛創立《黑紙》時，
某天，我跟拍檔陳強、阿Bu，
為了某些無聊到極點的工作問題而吵大鑊！
（詳情之後再分享）
當晚，我就已經想立刻辭職唔撈！

點知半夜三更，
三個男人竟然在電話中坦誠交心互相道歉，
（諗返起都打冷震…）
那麼真誠，那麼肉麻，有甚麼心病也都立刻醫好了。

這也是我們這10年來的相處方式。
有乜唔滿意就鬧大交，
有乜覺得自己做錯就即管道歉。

（3）屌你都費事

為甚麼要特意說起這件陳年往事？
冇，純粹想講，
我也跟很多打工仔一樣，
無論幾想離開公司都好，
到準備遞信的一刻，
也總會留戀，總會猶豫，總會拖延。

我喜歡這間公司，原因有很多，
其中一個原因就是：
我很喜歡跟拍檔這種坦坦白白、有乜唔妥就出聲的相處方式。

喂真係好難搵到人肯同你花精神屌嚟屌去㗎，
唔係點解有句嘢叫「屌你都費事」？

我同佢哋兩個真係傾乜都會拗一大餐。
用咩色又拗、用咩字又拗，
連「應唔應該花時間繼續拗？」都會拗！
一個原本可以5秒鐘傾完的topic，
我哋可以屌嚟屌去、拗足5個鐘。

因此，超級容易怕悶、怕重複的我，
竟然也在同一間公司、同一個崗位，
拗吓又一年，屌吓又一年，
拗吓屌吓，竟然原地逗留了9年。

（4）我的身後事

直至2年前，做完《大辭職日》後，
我才終於捨得像劇中角色一樣，
下定很難下的決心，著手安排離職事宜。

為了妥善安排交接，
希望為公司、同事帶來的影響減到最低，
我用了2年時間，
一邊慢慢退下來、不再參與公司營運、讓他們不再需要我，
一邊處理一大堆離職繁文縟節，
直至今天。

至於我的所有股份，
已經以相對低廉的價錢轉讓了給我的兩位好拍檔。
因為他們答應我會繼續好好經營、帶領公司，

並將把其中一部份股份，
分配給幾位長期服務好員工，
作為我的小小心意，以答謝他們多年來的付出。

（5）尾聲

在此我要感謝公司所有同事，
尤其那些跟我們一起努力拼搏多年的好同事，
風雨同路，沒齒難忘。

關於辭職，我還有一些東西想分享。
但過幾天吧，
過幾天，才讓我在我的社交平台，
出多幾個post，
跟真正關心我的讀者和觀眾繼續分享吧。

而家冇乜事嘅話，
我想出返去增肥先。

183卻只有115磅的
林日曦 上
2021年8月1日

（照片：2年前舞台劇《大辭職日》劇照
我的角色「發仔」遞上辭職信的一幕）
圖片版本在Instagram：Lam1Hey

既然咁多人想我回應backup呢件事，我諗我要從頭到尾一五一十澄清返件事。

熟悉我既朋友都知道我份人係唔鐘意同人有咩紛爭，唔鐘意同人有罵戰，但是無諗到，息事唔一定可以寧人，退一步不一定海闊天空。坦白講我這些天壓力很大，我不得不交代此事。

我初初開頭直播既時候JustinTV、TWITCH係有永久backup既，當時覺得既然有永久backup點解仲要搬去YouTube。咁好啦，無耐，有一啲兄弟幫我backup，好似tatbackup(注意係tatbackup，唔係Tatfullclipbackup2（backup佬），這兩個名字很易混淆)，MUV1668既精華，佢地係從我未有人認識就已經幫我整緊，亦有主動徵求我同意，真係好感激佢地。

一段時間後，backup佬開始backup我D打機片，我覺得都是fans既一番好意。雖然佢無主動問過我授權，我當時既態度係隻眼開隻眼閉，15年出於禮貌仲PM佢講過一句辛苦佢。

直到大概一年前，見到高登有人討論backup佬用我打機片賺錢，我當時將信將疑，覺得應該唔會既。但當時留意到backup佬好似有條錄音回應，當時我既感覺係有D奇怪既，因為佢對於獲利只係一句帶過，類似話“錢果D唔好講啦”。但未同backup佬有過咩實質既接觸，我都唔想去猜度別人，覺得唔應該咁樣諗人，他應該係熱心FANS，就算我自己見到係有廣告，我都諗應該係YouTube自己加，因為當時我都唔係好熟悉YouTube營利果D野。

到左上年年中，G公司既人聯絡我上去G公司傾我係youtube官方channel既問題（因為YouTube搜“達哥”係出現Tatfullclipbackup2頻道，但undergroundDV先係我官方頻道），當時G公司向我展示一些數據，backup佬既channel係有營利，獲利既數字都令我非常驚訝，多過唔少人每個月人工，但呢個數字我無得公開（坦言G公司也不讓我留底），而且如果我公開，G公司員工就可能觸犯私隱條例，分分鐘會無左份工，所以呢個亦係我一直俾你地鬧極都唔回應既理由，唔想牽連到人，因為佢都係出於好意先提醒我。但唯有這些數據可以證明我既清白，而獲得這些數據有幾種途徑：
1.backup佬自己公開。
2.問G公司攞。如我所說他們要保護backup佬私隱，縱使是不當獲利，但是他們也不會提供比我。
3.通過法律途徑，讓律師出信俾G公司要求取證。（如果有人實在希望我攞出實質證據，我可以著手搵律師處理。）

當時G公司建議我自己擺返backup片，因為我官方channel當時只有5萬訂閱，而Tatfullclipbackup2係已經有12萬既訂閱。當時G公司說他們有聯絡過backup佬，通知佢既影片存在版權問題，需要處理，但佢無回應。G公司仲提到Tatfullclipbackup2曾嘗試申請官方認證（類似Facebook藍剔），但G公司無通過。G公司話實在無法聯絡到佢，因為再之前G公司通知backup佬攞10萬訂閱既channel獎牌，佢都沒有現身。我多次同G公司人員溝通，可否停止佢營利，但由於我無CONTENT ID，因為CONTENT ID只有唱片公司、電影公司先有能力申請到，所以G公司人員無權限停止佢營利。G公司話唯一可以做既就係檢舉佢個頻道，但我無咁做。

聽從G公司建議，要我整backup其實唔難，我只要入我TWITCH頻道有粒製叫做 匯出 就可以上傳影片到YouTube，chatroom版就耐小小，但都唔係話太難。

五週年台慶由於也是值得紀念既日子，所以五週年直播既影片我都有自己backup。隨後G公司人11月25日又再一次約見我，此次G公司提供既資訊係Tatfullclipbackup2開廣告既數量更加多咗，月營利數目增加咗50%，變本加厲。

今年1月16號，我開始正式自己做backup，但係呢度澄清下，我係無Ban過任何人，無直接叫任何人唔好再upload我D片。我估唔到既係backup佬係無私底下同我有過任何溝通既情況下，係佢既FB專頁公開詢問我係咪唔俾佢繼續backup。令到件事公開化，變左一定要俾公眾一個交代。

1月17日，Backup佬出左第一個post之後，見到留言有人建議佢同我傾授權，所以當日佢18點左右私信左我，但相信有了解我當日行蹤既人都知道，當日我返左大陸出差公幹，晚上趕返黎開台已經22:00點，根本未諗到點樣處理backup佬既問題，佢就即刻又單方面出post，並聲稱得不到我答覆，唔再upload我既backup片。佢發私信俾我既時間至到出第二個post話我唔回應既時間，過程不足一日，咁大件事，根本無足夠時間比我諗清楚點處理。講得唔好聽，我有種俾人擺上台既感覺，而呢個人仲要聲稱係我既兄弟。同一時間，好多人開始鬧我，話我過橋抽板，無佢我唔會紅之類。我自己感覺係，好多人係睇左一D精華片先認識我，可能你話無MUV1668幫我剪精華我唔會紅，我應該多謝MUV1668，都合理D。聽到呢D留言，唔知點解覺得好難受。要我多謝一個利用我影片營利多年，我自己一backup返就製造輿論圍攻我既人，我真係無辦法講多謝。

好多人話我沒有好好溝通，真的是我沒有好好溝通嗎？佢一開始backup我既影片唔搵我溝通，一開始營利唔搵我溝通，G公司搵佢處理版權問題，佢唔溝通，最近了解到佢原來都有搞電台版，也沒有同我溝通，到1月17號我自己upload影片，佢開post公開討論此事，亦事前無同我溝通。咁多唔會傷害到人既溝通方式，點解佢一定要選擇一個將所有矛頭指向我既溝通方式？發生呢D事件之後，很多人想我即刻公開回應，但係我想講好多紛爭既野要我公開回應唔一定對件事好，今次也是迫於無奈。

做人都會想有娛樂，想有交際應酬，但是為咗開台直播，我多年來堅持週一至週五每天直播兩小時，有時食無定時所以人都好消瘦，也落下了腸胃既毛病。我從來不喜歡賣慘，因為不想比負能量別人。但如果真係要論這些苦勞，當backup佬係1，我係9，但宜家係這些影片上既直接得益，佢係10，我係0，我都無說甚麼，為甚麼被指責的還是我？

所以件事既原由就係咁。最後講句，每個人都會犯錯，但是，只有愚人才會執過不改。至於有些人說對我很失望，好抱歉，對你講既“失望”我無法再做甚麼了。

P.S.無論如何，各位不要去Backup佬既FB攻擊佢，或者做出咩起底既行為，呢D壓力佢未必承受到。
P.S.除此之外，都收到很多網友既支持同關心，我無法一一回復，在心中，多謝你地。

關於申請上市呢件事，我一直都冇講過啲乜。
咁係因為……
一嚟我又唔係好熟依味嘢（好多嘢都係我啲partner負責搞）；
二嚟幫手嘅專業團隊見我唔係好熟依味嘢，就叫我暫時唔好開口夾著脷。

但仆你個乖，我見都搞咗咁耐喇，冇理由仲唔畀我同大家講下嘢㗎？
吖佢哋好嘢，冇得頂，叻，又真係唔畀…（果然好專業…）
但我決定唔理佢哋了，照講～

想趁呢個好似幾特別嘅日子，
抒發下我自己嘅個人感受，
講下3樣無聊嘢，同4樣低B嘢
好亂的，請見諒：

主題：【Loser學人申請上市】
副題：【你嗰本咁嘅雜誌仔…】

無聊嘢一）【1716】
我見啲人好興喺公司名之後加返個編號
所以我又學下：「毛記葵涌（1716）」咁樣樣
個號碼係我哋自己抽的…
抽都抽著一個7一個6…
似乎係命中註定咗依間公司主事人嘅形象…

無聊嘢二）【毛記葵涌】
點解會將公司名改成「毛記葵涌」？
一嚟，我哋公司喺葵涌…
二嚟，好多大公司叫乜乜環球、乜乜國際、中國乜乜，規模好大咁樣樣，
但好似比較少公司會細細地用香港地名（有叫「黃埔」好似係源於廣州黃埔）
我地相對上係細公司，於是試下叫「毛記葵涌」…
三嚟「葵涌」二字硬係有一浸說不出的親切…
好鬼「街坊」…好鬼「深水埗」…
好「深水埗」得嚟又好「秀茂坪」…
「秀茂坪」得嚟又有少少「牛頭角」…
「牛頭角」得嚟又帶有幾分「太子道西」…
我都唔識講…
明就明，唔明就黎明…

無聊嘢三）【我呢世人從來都冇買過股票】
一個完全唔熟金融呀經濟呀嘅虧佬，竟然有朝一日學人申請上市，老實講係幾Kai。但除咗覺得幾Kai幾好笑之外，我又冇話有乜特別興奮。唔係話懶型，只係我自己知，即使上唔上市，
日常工作咪又係不外乎努力搏命做好自己（做邊行都係），冇乜改變。

低B嘢一）【雜誌仔】
間唔時就會有讀者會講笑咁提返起，
前兩年有人曾經狠批：
「你嗰本咁嘅雜誌仔，就釘啦，睇佢捱到幾耐啦！」
每次見到有人回帶，我又會一齊笑下咁。
但唔好誤會我記仇，真係真係真係唔係。
講真，嗰時係有hurt一秒，
但好快就冇事lu，因為，或者佢講得啱呢？
好快冇事，我只係覺得成件事好好笑，
佢講嗰句嘢又好似啲電視劇對白咁dramatic，
所以我印象特別深刻。
我仲記得，隨團翻譯當時問我：
「（大概意思）你激嬲佢，佢勢力咁大，怕唔怕影響你公司生意？」
我諗一諗然後答佢：
「（大概意思）唔係好怕。個香港咁大，冇一個人可以控制得晒。」
<---連我答嘅依句嘢都dramatic過人……（但我真係咁講…）
所以冇可能唔記得。
俗語有云：「要感激每個否定你／打擊你嘅人。」
好老土好老土好老土，但原來係真的。
唔只「雜誌仔事件」，其實我呢世人都真係遇過好多唔同程度嘅否定同打擊。
有啲係惡意打擊，有啲係善意否定，原來到頭來全部都某程度上幫緊你。
下面再講。

低B嘢二）【病態反叛仔】
雖然我已經係一個三十幾歲嘅阿叔，
但其實我諗嘢依然好小學雞。
其中一個最明顯嘅特徵，就係我有無可救藥嘅「病態反叛」。
乜嘢為之「病態反叛」？
就係每個人同我講嘅每一句說話、叫我做嘅每一件事，
我係一定諗咗另一邊先。
即係例如，你叫我食蘋果，我就係都要諗：「真係要食蘋果咩？食橙唔得咩？食蘋果批都得㗎？點解一定要食蘋果先？」到最後，我又唔一定死都唔食蘋果，但我會先諗咗唔食係咪唔得先，全盤考慮過先再決定。
所以，到今時今日，當每次我阿媽叫我冬天要著多件衫…
慘喇，我多數就會專登天寒地凍都試下著少件衫。
（可能就係咁搞到我個人越嚟越虧…）

低B嘢三）【反叛事件簿】
前面講到，唔只「雜誌仔事件」，其實我呢世人都真係遇過好多唔同程度嘅否定同打擊。
有啲我反叛完之後有好結果， 更多係我反叛完之後係變返Loser一個。

a）升中一嗰年，我老豆同我講：
「唔好揀林護（葵涌名校）呀，你讀唔掂㗎。」
我就死都要揀林護，仲順利入咗𠻹。
結果，我第一年就留班。
正Loser。

b）搞黑紙時，有前輩話冇人會買，叫我哋唔好做。
我哋死都要試下，初時都幾賣得。
結果，搞咗幾年之後，最後都停刊了。
正Loser。

c）……仲有好多，唔逐次講了。

總之做傳媒，就畀傳媒人批評，
做廣告，又畀廣告人話，
我真係唔係話懶豁達，
一下不爽就梗係有，人之常情，(但都越嚟越冇感覺了)
但每次不爽完一下之後，
我又會真心感激佢地，
因為，有啲係真心善意批評你嘅，總會令你有嘢學，
即使係惡意抺黑無的放矢嘅，亦會大大力喚醒我嘅「病態反叛」，
令我更瘋狂努力咁去做好每一件事。
咁做好咗咁又點？
冇㗎，有時會成功，有時會失敗。
失敗時咪最多做返一個loser，
即使做loser都好，起碼努力搏命過，感覺就是爽。

低B嘢四）【死好命】
上面講過，我人生中都撞過好多次板，
我係一個留過級、讀足四間中學、會考僅僅合格、
喺商台由低做起嘅Loser。
我不妄自菲薄，我好努力，但努力極都只係一個好努力嘅Loser。
好彩，我都算係一個死好命嘅Loser。
我唔記仇，但好記恩
依生人畀我遇到我嘅恩師YT同林夕，
又畀我遇到兩個商台Loser小DJ陳強同阿Bu，
仲有我公司啲同我一樣咁有火嘅同事，
仲有鼓勵過我嘅每一位朋友或陌生人。
遇見佢地同冇遇見佢地嘅分別就係：
之前我係Loser完全體，
而家嘅我，係「Lose lose地有時都會得返一陣」嘅Loser異變種。

總結）【Loser】
講完咁多無聊嘢同低B嘢，
我終於知道其實自己想講乜，
好老土好老土好老土好老土超爆老土，
但其實我真係好想講：
如果你都遇過被打擊被否定，
如果你都曾經覺得自己某程度上係一個Loser，
千祈千祈千祈唔好氣餒。
畀人睇死，係呢個世界最爽嘅一件事，
因為當別人忙於取笑你批評你嘅時候，
你就可以爭取時間繼續努力做好自己，
到頭來都失敗咁點算呀？冇事，大家一早都睇死你，有乜所謂。
但萬一你有樣嘢得咗呢？
都唔會話好興奮…
但…或者我重申一次：努力搏命過，感覺就是爽。

最後）
我係想話，任何嘢都係，
可升可跌可長線可短線，
大家自己研究，自己衡量，
千祈唔好信任何人，反叛啲，自己決定。

完。
冇咩嘢我出返去做嘢先。

註1：特別鳴謝幫我頂咗個1716牌嘅專家Dickson
註2：我的ig= Lam1Hey

街坊小店，從來都只是做鄰舍生意，由早餐A到碟頭飯，日夜如是，堅守多年，面臨結業，卻因為太子爺浪子回頭，令小店不再小，衝出界限，跨區發展。由流浮山走到慈雲山，除了是榮記老闆娘Polly姐的愛情故事，亦是扭轉這間小店命運的關鍵。

金蠔 VS 蠔豉

「羅撚蠔」，在流浮山經常聽到的三個字。驟耳聽，似本土粗口，但人家沙井話「金蠔」叫法，親切得多。蠔，可以有多種食法，本土蠔生食，被群起而攻之，但如果嫌薑葱、砵酒、酥炸太平凡，可試試蠔之鄉沙井人傳統食法，由插杆養蠔起計，養足四年，再生剝風乾日曬一至兩日，令蠔身保留80%水分而裙邊略帶金黃，呈半濕半乾狀態，就是上等「金蠔」。

「金蠔」和「蠔豉」不同之處，除了身價，肉質亦有大分別，蠔豉要曬上四至五天，水分保留20%以下，肉身不會太肥而乾身。「金蠔」煮法簡單，兩邊輕煎金黃色，幾分鐘後上碟，沾上砂糖，配着冒煙白飯一流。（配砂糖據講可以辟走蠔澀味）


傳統食法好，但放在已經傳統到有點殘舊的慈雲山茶記，未必成為大眾口味，當愛的故事上集正面臨結業危機，太子爺李耀榮（Ray）剛好回來接手，憑着媽媽Polly姐的家族蠔業，發展愛的故事下集，以「金蠔煲仔飯」將小店起死回生。「細個一放學就落茶餐廳幫手，同學去玩，我就趕住返鋪頭切麵包，沖華田，唔憎就假啦。」對阿Ray而言，家人經營食店，簡直係是童年惡夢。「成日屈喺間鋪，一個星期開足七日，年初二、三就開門，喺鋪頭多過喺屋企，你話有乜理由一畢業唔搵工走。」

好景不常，Ray出走後做過跟車、做過攝影師，經營過小生意，風光過後，輸得一無所有。回到起點。「當日我返嚟茶餐廳，媽咪無講啲乜，直到我講咗句，返嚟幫手好唔好？」媽咪望住我，好簡單答：「好！」對Ray而言，這個簡單的好字，令他百感交集，窩心得差點流下男兒淚。曾經往外闖，見盡人情冷暖，還是回到家，才有實在的安全感。


廚房雖小，鬥志卻很大

人生總有高低潮，最難聽的說話都聽過，「有朋友見我衰咗，要返榮記，睇死我唔得，咩死廚房佬，撈唔掂，踎喺廚房一世啦！」冷嘲熱諷，的確可以令人磨滅鬥志，但偏偏Ray卻要成為最失敗的成功者，廚房雖小，鬥志卻很大，「我當時諗，我唔可以俾人睇死，唔成功無所謂，但至少，要俾人知道，我係有實力，就算輸唔緊要，反正我已經無嘢可以再輸。」

一個砂鍋，改變一生

Ray回到榮記，很快就熟習環境，畢竟在此度過廿多個寒暑。最初只是跟餐牌做，慢慢就想改變了，畢竟還年輕，當然想有突破。「諗過好多方案，例如加燒味，但諗深一層，就知唔work，點做都唔夠大集團好，左諗右諗，最後就諗到做煲仔飯。」原因簡單，Ray覺得香港有水準有風味的煲仔飯很少。

起死回生，再重生要做色香味俱全的煲仔飯並不容易，排骨、滑雞、臘味是經典，但無特別，「有次喺屋企食飯，攞啲金蠔出嚟煎，就係咁，俾我諗到用曬乾過嘅海產做煲仔飯，金蠔有海水鹹鮮，唔需要添加調味，已經鮮味突出，加埋白飯，嗰種香氣，未食已經口水流。」

兩母子試完第一個製成品，覺得不錯，當Ray定價過百元，兩母子就各持己見，「媽咪覺得過百蚊個煲仔飯，唔會有人專登嚟慈雲山食，但我覺得，香港人對食好講究，只要質素好，就會嚟。」有麝自然香，跨區都有捧場客，加上Ray的外公生前在流浮山做蠔業，有些江湖地位，要拿上等貨並非難事。既然貨源穩定，品質有保證，當然事半功倍。「估唔到因為我呢個煲仔飯，令外公停咗嘅蠔業又再重生，感覺好奇妙。」

輸了時間，贏了婚姻

這招牌煲仔飯，令Ray贏回親情、事業，還有愛情。「我識到我老婆，都係因為呢個煲仔飯咋，佢未嫁我之前係Food Blogger，咁啱有次朋友食飯，我請佢嚟試食，之後就一齊咗。」婚後更生了個可愛囡囡，良緣天注定，婚姻竟然可以靠煲仔飯？！

冬天必食煲仔飯，對我們而言，是溫飽是滿足果腹之慾，對慈雲山榮記而言，挽回面子，也贏得食客掌聲。

採訪：馬小玲
攝影：謝致中、邱覺達

榮記茶餐室
地址：慈雲山毓華里12號地下
電話：2328 9232
營業時間：星期一至六 6:30am-10pm、星期日6:30am-6pm
詳情： http://bit.ly/2UvawA5

註：煲仔飯6pm後供應

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)

【男人●注意】治療前列腺癌也可保住性功能 57歲過來人：最擔心以後要着紙尿片
「其實當初沒想過會患癌」，現年57歲的古先生於六年前確診一期前列腺癌。前列腺是負責製造前列腺液並混和精子形成精液，令男性的精蟲活躍，提高女性受孕機率。惟當前列腺細胞生長異常便可能發展為前列腺癌。據醫管局最新數字顯示，2017年本港癌症的新增個案達33,075宗，創近年新高，當中以前列腺癌升幅最大，達17.2%。

前列腺癌的成因與基因有莫大關係，黃醫生指若家族男性有患前列腺癌紀錄為高危人士，不良生活習慣亦可能提高患癌機率，如吸煙及酗酒；除此之外，番茄中的茄紅素亦有預防前列腺癌，男士們多吃無妨。另外，黃醫生亦表示曾有外國研究一個月內射精次數達數十次，可降低患前列腺癌機率，但黃醫生強調並非鼓勵男士多射精，只希望他們勿胡思亂想，預防前列腺癌正確方式應由生活及飲食入手。

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

相關影片:
【香港職人】手袋神醫甩皮甩骨都救翻生 改短皮帶收$700：世上無嘢整唔到！ (果籽 Apple daily) (https://youtu.be/JlYWNeg5Vxw)
【採耳師】25歲港女採耳師棄教職赴台灣讀採耳課程 記者實試：「第一次清晒耳屎的感覺，好爽」 (果籽 Apple Daily) (https://youtu.be/8uvIzhfy3hI)
【重案解密】前G4長七洪立明任李澤楷「小小超」保鑣逾十年 暗戰張子強 ：隨時冇命收工 (壹週刊 Next) (https://youtu.be/tBNL8NP5-H4)
【6億身家奉獻徐濠縈】Eason停工侍妻女 幫阿徐抹鼻做跑腿 疫市賺少半億（壹週刊 Next）(https://youtu.be/EYsm9v8VSvc)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女 Appledaily) (https://youtu.be/svAF8pKszw0)
【深水埗兩餸飯】59歲大叔賣$32兩餸飯 月派100份送長者 由台灣派到香港：受過港人恩惠想回饋 (飲食男女 Appledaily) (https://youtu.be/kyvNU86ntio)
【再現幕前零走樣】鄧上文生3個囝囝未夠數 計劃領養變六口之家 (蘋果日報 Appledaily) (https://youtu.be/umTq9XNR6sA)
【頭條動新聞】Ep.4 林鄭月娥一個星期被放棄兩次有咩感受 (蘋果日報 Appledaily) (https://youtu.be/TulvTCk2ZQ4)

#果籽 #前列腺癌 #性功能 #茄紅素 #泌尿科 #StayHome #WithMe #跟我一樣 #宅在家

異國短毛貓細Dee是私人繁殖場在近親繁殖下的不幸產物，除了髖關節和盆骨接駁位置畸形而無法正常行走之外，腦部亦因為出現先天缺陷而導致牠每天不自主地行走。看見牠的遭遇後，你會願意以領養代替購買嗎？

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

相關影片:
【香港職人】手袋神醫甩皮甩骨都救翻生 改短皮帶收$700：世上無嘢整唔到！ (果籽 Apple daily) (https://youtu.be/JlYWNeg5Vxw)
【採耳師】25歲港女採耳師棄教職赴台灣讀採耳課程 記者實試：「第一次清晒耳屎的感覺，好爽」 (果籽 Apple Daily) (https://youtu.be/8uvIzhfy3hI)
【重案解密】前G4長七洪立明任李澤楷「小小超」保鑣逾十年 暗戰張子強 ：隨時冇命收工 (壹週刊 Next) (https://youtu.be/tBNL8NP5-H4)
【6億身家奉獻徐濠縈】Eason停工侍妻女 幫阿徐抹鼻做跑腿 疫市賺少半億（壹週刊 Next）(https://youtu.be/EYsm9v8VSvc)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女 Appledaily) (https://youtu.be/svAF8pKszw0)
【深水埗兩餸飯】59歲大叔賣$32兩餸飯 月派100份送長者 由台灣派到香港：受過港人恩惠想回饋 (飲食男女 Appledaily) (https://youtu.be/kyvNU86ntio)
【再現幕前零走樣】鄧上文生3個囝囝未夠數 計劃領養變六口之家 (蘋果日報 Appledaily) (https://youtu.be/umTq9XNR6sA)
【頭條動新聞】Ep.4 林鄭月娥一個星期被放棄兩次有咩感受 (蘋果日報 Appledaily) (https://youtu.be/TulvTCk2ZQ4)

#牠要活下去 #繁殖場棄貓 #果籽 #StayHome #WithMe #跟我一樣 #宅在家