[我的2015成績表]
1. 《就是愛你不動聽》
第一次製作長篇D既故事。雖然嚴重超支，搞到要倒貼，但過程中挑戰咗好多未接觸過既領域，成team人都好投入，係一次好既經驗，亦係今年內我最滿意既作品之一。
2.《猛鬼辦公室》
另一次艱巨又複雜既製作。日以繼夜咁度稿，再加超長時間拍攝，由特級化妝到恐怖聲效都係初嘗試。
3.《宅男女神殺人狂》
雖然呢部電影其實係2014年頭拍畢，但就今年年頭先上畫。第一次參與台灣既電影團隊，真係大開眼界。
4.《火速救兵》
第一次穿起消防制服，參與一套咁大規模既港台劇。
5.《歐遊列國》的誕生
當初只係想即興記錄少少旅行既片段俾大家，估唔到咁多人中意睇我一個傻佬周圍拱。於是先決心挑戰許下《即拍即upload》呢個咁傻既承諾。
6.《一個月的vlog挑戰》
經過歐遊列國之後，自然地生左一個新既系列出嚟。過程雖然好唔人道，果種精神壓力非筆墨形容，但最後都硬著頭皮無走數完成咗。
7.《朋友妻，咪走雞》
同恆仔一向有共識，就係每一條新片都要挑戰一樣自己未試過既野。於是我地從編劇以至演繹都作出咗新嘗試。
8.《我的人生清單》
用咗僅僅3日時間，將bucket list內已封塵既目標付諸行動。Skydiving、射擊、開超跑、揸戰機、等等... 都算同自己做咗一個轟烈既交代，係今年最有意義既一件事。
9.《繼續探索世界》
今年無比自己停過落嚟，總共喺12個國家、15個城市留低左腳印。
10.《三十萬訂閱》
我既channel終於到達另一個里程碑。
總闊而言，呢一年有得有失。「得」既太渺小同無時間沉瀝，「失」既亦無興趣提，只知道距離目標仲好遠，要繼續向前衝！
最後，都係果句：「有無為自己做咗D咩？」如果無既，開始計劃喇，時間唔等人，我都唔會等時間。2016大家加油！
火速救兵2 在 火速救兵II - 第4集《勇者無懼》 - YouTube 的八卦
節目名稱： 火速救兵II 本集主題：第4集《勇者無懼》播出日期：17-03-2012演出：錢小豪飾李家興伍允龍飾戴偉軒楊愛瑾飾黃愛玲蔣祖曼飾黃太趙俊承飾黃生 ... ... <看更多>