道歉時要有誠意，係女朋友最著重嘅要求。
好多時激親女朋友，我都只係會話：「唉，唔好嬲啦、唔好嬲啦⋯⋯」覺得重複十幾次之後，女朋友就會自動自覺原諒返我。
真心咁講「對唔住」，係可以嘅，但只限小事，例如講錯一句嘢、望咗女仔一眼、或者遲到十分鐘。
但如果係大事，面臨分手，要挽回感情嘅時候，三言兩語絕對冇用，但男人眼中，覺得口講已經係好大嘅付出，妳唔肯原諒只係麻煩同小器，甚至專登玩嘢。
我當然都想女朋友可以咁大方，一句Sorry就即刻原諒我，但諗深一層，我知錯還我知錯，佢唔開心還佢唔開心，係兩件事嚟，而男朋友要做嘅，就係知錯再加令佢開心返，所以一句「對唔住」，係絕對唔夠。
你講咗Sorry，但唔能夠要求佢即刻咩事都冇。
所謂誠意，就係要令佢開心番，而最簡單而又最有效嘅方法，絕對係做小手工。
我同女朋友最嚴重嘅一次鬧交，冷戰咗一個月，一開始我不停喺Whatsapp Send好多好大段嘅Message畀佢，承諾會點改，之後會點樣做好，但我講極，道歉咗成個月，女朋友都係無動於衷。
後來，佢同我講，口講冇用，你呢刻連少少心機都冇付出過，仲點承諾之後會點？
我即刻明晒，將最重要嘅說話寫咗喺卡上面、買咗一束佢最愛嘅玫瑰、再加用咗幾日時間整嘅小手工，去佢屋企樓下，等佢放工返到嚟，畀驚喜佢，再親身道歉。
嗰份小手工係一本相簿，佢一直都叫我印啲合照出嚟，但我冇當一回事，而今次我將同佢嘅所有合照，貼滿一本相簿，希望令佢記得我哋嘅快樂回憶。女朋友收到之後，一邊睇一邊感動到忍唔住喊。
照片喚起甜蜜，女朋友之後同我講返，如果頭幾日我已經咁做，一早原諒咗我，唔使冷戰咁耐。
原諒係需要好大勇氣，因為要冒住再被傷害嘅風險。
而被原諒係擁有好大嘅運氣，因為對方唔一定要再畀機會你。
當再有一次機會，絕對要好好珍惜，唔好再重覆犯錯了。
【後記】所謂未雨要綢繆，得閒就要氹定女朋友，嚟緊21/4有個「3D立體相片拼貼工作坊」，只須$180就包晒材料同導師細心教授，仲有得食由名廚設計嘅 Tissot 限定手工果撻配咖啡，畀你哋一路整一路食。呢份「誠意」同「開心」絕對抵買，我到時都會去，情侶們都一齊報名啦：https://goo.gl/ZqVoTu
#手製浪漫 #誠意最重要 #TissotHK
PS：工作坊喺TISSOT Swissmatic Pop-up Cafe by BREAD, ESPRESSO & 期間限定咖啡店舉行。
另外喺4月及5月凡於Tissot購物滿港幣$6,000或以上，或購買任何「Everytime Swissmatic」自動腕錶系列，即可獲贈春日限定精緻手工果撻配咖啡/特飲乙份。
TISSOT Swissmatic Pop-up Cafe by BREAD, ESPRESSO &期間限定咖啡店詳情︰
日期：2018年4月5日至5月31日
時間：早上8時至晚上8時
地點：尖沙咀漆咸道南115號地下
激親女朋友 在 趣誌街訪：一句話激嬲女朋友 - YouTube 的八卦
女仔最唔鐘意聽到男朋友講啲咩？男仔記得記筆記喇！快啲Tag男朋友嚟睇片！#趣誌街訪#趣誌#一句話激嬲女朋友#是但#你鐘意#關你咩事#做咩啫你. ... <看更多>