2018年我去咗澳洲伯斯working holiday。
同兩個朋友一齊去，幻想住三個人一齊過住自由自在好撚chill嘅外國生活⋯
事實係的確幾自由，因為唔需要應酬任何人，無咗家人/朋友嘅包袱喺身，唔需要好似香港咁多顧慮。夜番屋企都唔需要同任何人交待，做乜都唔使理其他人。又可以自己住（有roommate）呢樣真係我覺得去到最大好處，唔同屋企人住真係好撚爽！
不過我都係頂唔順，我頂唔住嗰份寂寞，一來因為麥仔喺香港，我哋分隔兩地，無佢陪我總係覺得寂寞。二來去到嗰邊真係咩都無，朋友唔多，娛樂更少。去到做餐廳侍應，日日拖地執檯，唔係辛苦，而係我根本唔撚想做呢啲，我成日都覺得好浪費時間，但為咗錢都係要做。
去到嗰度唔會有歸屬感，又唔會有旅行嗰種新鮮感，結果每日都覺得自己唔知做緊咩，又唔屬於呢度好撚迷。
最後我頂唔住番咗香港，因為我發現完全唔係我想要嘅生活，所以我知道自己無咩可能移民去歐洲美國。
我都好撚鍾意香港，係好逼好唔自由，但係我鍾意呢度擁有我愛嘅人，鍾意呢度細得嚟好方便落街好撚多野食，呢度都好悶但起碼唔會有種孤魂感覺，起碼知道自己唔係二等公民/唔會行落街有人見到你係中國樣就當你係妓女。最緊要係咩呀？香港先有好飲嘅珍珠奶茶，好食嘅米線呀！香港真係美食天堂嚟㗎！
香港好好，只係被啲人搞得太糟。
澳洲working holiday移民 在 取得第三年工作假期簽證—澳洲旅遊局 - Tourism Australia 的相關結果
本頁內容僅供參考，並不構成法律意見。如欲尋求法律建議，請諮詢澳洲合資格的移民律師或移民代理。 ... <看更多>